Hebreos 13:16 - Manityanati Tupax

¹⁶ Tapɨ takɨrusu napakionko apisamune axɨna uxia, apakumana ɨmoma axɨbama takisɨrɨma axɨba namenaxi. Tyoneio axɨba makumanataka axɨba omixhia ɨmoti Tupax.

Manitanati Tuparrü

¹⁶ Tapü apiñocota arrüna napasamucu nurria, y napayuraca aumeampatoe, itopiqui tone ito numacumanata ümoti Tuparrü, arrüna uiche pucünuñati.

Hebreos 13:16 교차 참조

San Lucas 18:22

Naukiche onkoiti axɨna sane, aiñumuti Jesús nuraxti: –Aninki taman axɨna chaisamutempɨ: aipiaventeka nanaiña axɨba nenaxi aityoximia nikuax ɨmo axɨbama taruku nityakisɨrɨkɨxɨma. Sane ane enaxibokɨ au napes. Auki kaɨma ariaku isiuñɨ.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Hechos 9:36

Au axɨmanio naneneka tɨkañe au Jope ananka akamanu taman paɨx axɨna ikokoroti Jesús nɨrixh Tabitá, auki griego nɨrixh Dorcas. Axɨmanu paɨx uxia nisɨborikixh, taruku nipukɨrux tyaku axɨbama takisɨrɨma.

Romanos 12:13

Apisamuse takana axtɨ nauxiantɨmo axɨna nixhantɨmoma axɨbama champɨ nipɨnatema, taikiana aupukɨru tyakuma axɨbama iñataimia au naupo.

Gálatas 6:10

Sane naukiche, axtɨ chebo oemo, tari uisamune axɨna uxia ɨmo namanaiña, ɨmomampae axɨbama ikokoromati Jesús ochepe.

Gálatas 6:6

Axti naki ane manunekatax ɨmoti yokɨtɨpɨ axɨba omixhia manityakax, tari yachebati aruki nenaxixhti ɨmoti naki uiche aiñununekanati.

Efesios 4:28

Axti naki kusɨpɨx tɨkañe, kaɨma tari iñokonati nikusɨpɨkɨxti yapacherati yachɨkoboiboti axɨna uxia, oboi ne'estiatoe nauki ane toxiobo uiti ɨmo axɨbama taruku nityakisɨrɨkɨxɨma.

Filipenses 4:14

Tapɨ axaño, uxia axɨna napachɨkoi saɨbuñɨ tyopiki apasutiutyo axɨna nichakisɨrɨkɨ.

Filipenses 4:18

Axti Epafrodito ityoximiatati nanaiña axɨmanu apakɨpuka iñemo, ta iñatai ɨmo nanaiña nixhantɨmo. Axɨmanu napakumanata tyone takana axɨmanu makumanatax koñoxtai norixh yasutiuti Tupax aɨbu nipukɨnunkuxti.

1 Tesalonicenses 5:15

Tapɨ chebo aboi anati naki matokonoti tato ityobo axɨna chuxiampɨ isamutema ɨmoti. Apache nikiubu año nauki taikiana apisamune axɨna uxia abaxɨpeku takanaintyo aɨbu namanaiña.

2 Tesalonicenses 3:13

Tapɨ axaño masarukityaiki, tapɨ tochenko aboi napasamuku axɨna uxia.

1 Timoteo 6:18

Aikɨpusuma nauki aisamunema axɨna uxia, tari chiyaupɨ nenaxixhimia oboi axɨbama omixhia isamutema, tari makumananaunxɨma tarukuityo nipukɨruxɨma.

Filemón 1:6

Axɨkɨ onkatɨ ɨmoti Tupax takana axɨsomɨ, sane naukiche xhankikia pɨnanakiti taikiana onkatɨ ɨmoti chepe axtɨ tɨtusiu aemo nanaiña axɨba omixhia uisamunio tyopiki kuasɨrɨti oemo Cristo.

Hebreos 6:10

Tyopiki axti Tupax uxia ñapanaunkuxti chɨtakɨrusupɨ ñana ñakionkoxti iyo axɨna apisamute tyakuma axɨbama ikokoromati. Ui axɨna sane napachɨkoi apityusiankata ta kuasɨrɨti Tupax aume.

3 Juan 1:11

Saruki Gayo, tapɨ aisamute isiukimia axɨbama isamutema axɨna chuxiampɨ, ta aisamuse isiukimia axɨbama axia nisɨborikixhimia uxia. Axti naki isamutenti axɨna uxia, tyonenti aɨtoxti Tupax, tapɨti naki isamutenti axɨna nomɨnantɨ chisuputaratipɨ Tupax.