Hebreos 12:4 - Manityanati Tupax

⁴ Tyopiki axaño ui namokɨmaka autakuapatoe pɨnanaki nomɨnantɨ, champɨti tɨkoiño takanati Jesús.

Manitanati Tuparrü

⁴ Arraño apahiquia aübu nomünantü, pero champürrtü tapiñatai chepe nauconco ui na bahiquirri.

Hebreos 12:4 교차 참조

San Mateo 24:9

“Auki iñamanamapo año ñana, ameketɨ ñana uimia esa mayɨriabuka nauki autakisɨrɨka uimia. Ityabairoma año, namanaiñantai ñana ikuki axɨna kɨx champɨti uxia uiti aume auki niyaka.

1 Corintios 10:13

Axaño chɨtoxiopɨ aume makokotox axɨna chichepepɨ napasɨu. Axti Tupax chɨmapañantipɨ champɨ ñana makokotox uiti aume axɨna chichepepɨ napasɨu. Axtɨ ane ñana makokotox aume, axti Tupax ityusiankatati ausukarɨ kausane tapɨ abeka ui axɨmanu makokotox, nauki ane napasɨu ɨmo.

Filipenses 2:8

Takanati ñoñɨnx, champɨ nɨriakaxti makokonaunxti ɨmoti Tupax chepe nikonkoxti kɨtɨpɨ kurusɨx.

Hebreos 12:2

Uiñana nubasata ɨmoti Jesús, tyopiki ui noñemaxti ane axɨna numakokonaunku, tyonentityo naki uiche aipesɨnakati. Axti Jesús champɨ nɨmoche uiti nikɨsoxti akonti takubaxioti kɨtɨpɨ kurusɨx, tyopiki tusiu ɨmoti pɨrɨkɨ axɨmanu nityakisɨrɨkɨxti ñana taruku nipukɨnunkuxti. Auki tɨmonsoti au nepanaunku nityɨmoxti Tupax.

Hebreos 13:13

Saneityo axoñɨ kuri chepeti Jesús tyɨrɨpo axɨmanu nipo meankax sane basuriu chepeti axɨmanu nikɨsoxti uimia naukiche ityakubaxiromati kɨtɨpɨ kurusɨx.

Apocalipsis 12:11

Axɨbama usarukityaiki chɨtapenekopɨma uiti ui noto axɨmanu Nobixhax uityo axɨmanio omixhia manityakax urapoimia. Chɨbixhubupɨma ñɨnana nikonkoxɨma, ta chɨkuasɨrɨpɨ ɨmoma nisɨborikixhimia.

Apocalipsis 17:6

Auki kuatɨ au nixhakionko axɨmanu paɨx ta orisɨbabo ui noto axɨbama ikokoromati Tupax uityo notoxɨma axɨbama manunekanama tɨkañe au nɨrixhti Jesús. Isɨtobɨka nuxia uixh, naukiche yasakatɨ ɨmo.

Apocalipsis 18:24

Tyopiki au axɨmanio poka tabɨko notoxɨma axɨbama profetas axɨbamaintyo champɨ nipɨnatema, namanañaintyo axɨbama koiñoma uimia iku axɨna kɨx.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.