Hebreos 11:7 - Manityanati Tupax

⁷ Axti Noé onkotitɨ nuxia tɨkañe ɨmoti Tupax, sane naukiche ikokotati axɨmanu urapoiti Tupax sukarɨti ta kuantionki axɨba champɨ tɨmutusiankana, auki masamunuti taman sɨrɨmanax canoa nauki añekama namanaiña axɨmanuma aɨbosixhti ui axɨna ikokoroti Tupax, ui axɨmanu sane ñakokonaukuxti, axti Noé astaiti axɨna uxia takanaintyo axɨna chuxiampɨ isamutema makiataka toxio ɨmoti uxia ñapanaunkubuti tyopiki ikokoroti Tupax.

Manitanati Tuparrü

⁷ Arrti Noé tücañe oncotitü ümoti Tuparrü. Sane nauquiche icocotati arrümanu nurapoiti Tuparrü isucarüti, cuantionqui chütamampatai, arrüba champü tarrtaiti y chübutusioquipü. Pero icocotati. Isamutenti arrümanu barco auche taesüburuti pünanaqui manu turrü aübu nanaiña nesarrti familiarü. Ui arrüna sane isamutenti, urria nacarrti au narrtarrti Tuparrü, itopiqui oncotitü ümoti. Tapü arrübama maquiataca macrirrtianuca icu cürrü au manu tiemporrü cuatü ümoma carrticurrü.

Hebreos 11:7 교차 참조

San Mateo 2:12

Auki ñanukuxɨma urapoiti Tupax sukarɨma, tapɨ basɨkɨbɨkoma tato esakiti Herodes, tari yɨrakamatɨ tato au nikɨxɨma isiuki kiatax kutubiux.

San Mateo 24:15

“Axti Daniel naki manityanati tɨkañe ui noñemaxti Tupax korobo uiti kɨtɨpɨ axɨmanu taruku ñana nemeonkoxɨma ñome axɨba bokurusɨo ɨmoti Tupax. Axtɨ amastai kauta nubakax axɨmanio Bokurusɨo–naki astaiti, tari aye uiti–,

San Mateo 24:25

Chauki tisurapoi ausukarɨ.

San Mateo 24:38

Au axɨmanio naneneka tɨkañe yarusɨrɨx tyanaunx, chepe niyɨkɨxtipo Noé au axɨmanu yarusɨrɨx canoa, namanaiña amonkoma basoma chaboma maponokonomaintyo.

San Mateo 3:7

Naukiche astaiti Kuan sɨrɨmanama axɨbama fariseos ichepe axɨbama saduceos sɨromatityo nauki ɨrimia uiti, nanti ɨmoma: “¡Nityakɨbaɨtu noixhoboka! ¿Ñakuti uiche uraboiti ausukarɨ ta amañekaka ñana pɨnanaki axɨmanu yarusɨrɨx nautakisɨrɨkɨ axɨna kuabotɨ?

San Lucas 17:26

Takana axɨmanio naskɨbeka tɨkañe naukiche sɨborikotiki Noé, saneityo ñana axɨmanio naeneka niyekixhti tato naki Aɨtoxti ñoñɨnx.

Romanos 1:17

Oboi axɨmanio omixhia manityakax ityusiankatati Tupax usukarɨ kausane besɨro nosɨboriki. Sane nantɨ iku Nikorox: “Axti naki uxia nisɨborikixhti ui ñakokonaunkuxti iyebo uiti isɨborikiboti axɨna champɨ nityakɨrux.”

Romanos 10:6

Tapɨ axɨmanu uiche uxia nosɨboriki tyopiki numakokonaunku nantɨ: “Tapɨ ukanɨ au nausasɨ: ‘¿Ñakutipɨ naki sɨrobotɨ au napes?’ –axɨna sane, ta nauki ayetitɨ akɨ Cristo–.

Romanos 3:22

isiuki axɨna uikokokati Jesucristo, uiti Tupax kicheseña nakaxɨma namanaiña axɨbama ikokotama.

Romanos 4:11

Pɨrɨkɨ nanaiña axti Abraham circuncidaboti, uixh atusi ta uxia nisɨborikixhti au nastaxti Tupax ityopiki ñakokonaunkuxti. Sane naukiche axti Abraham, tyonenti yaɨtoxɨma namanaiñama axɨbama ikokoromati Tupax, champɨ nɨmoche axtɨ chɨcircuncidabopɨma. Sane axti Tupax champɨ nɨmoche uiti axɨmanu tɨkañe chuxiampɨ nisɨborikixhimia.

Romanos 4:13

Axti Tupax ɨriotɨ tɨkañe uiti ɨmoti Abraham ɨmomaintyo axɨbama aɨtoxti ta toxio ñana ɨmoma nanaiña axɨna kɨx enaxiboma. Axɨmanu ɨriotɨ tɨkañe chɨtɨpɨ nauki aisamunema axɨmanu bakɨpukux uiti Moisés, ta ityobo axɨna uxia isamutema ui ñakokonaunkuxɨma.

Romanos 9:30

¿Isanempɨ usukana oñɨ ɨmo axɨna sane? Ui axɨna ñakokonaunkuxɨma axɨbama chikokoromatipɨ Tupax uiti uxia nisɨborikixhimia, axɨbama chiyapachetiopɨma axɨna uxia.

Gálatas 5:5

Axoñɨ, ui noñemaxti Espíritu Santo baxɨperaka kɨmenu nipukɨruxti Tupax utaku isiuki numakokonaunku.

Filipenses 3:9

Chɨtɨpɨ ui axɨna uxia isamute isiuki axɨmanu bakɨpukux, ta tyopiki axɨmanu ikokokati Cristo, axɨna toxio uiti Tupax uxia nosɨboriki isiuki nixhakokonaunku.

Hebreos 11:1

Axtɨ oñonkatɨ nuxia ɨmoti Tupax, ta basutiu ñana axɨna ɨriotɨ uiti oemo. Ta uikokota axɨna chubastaipɨ.

Hebreos 12:25

Amasasai nuxia, tapɨ champɨ nɨmoche aboi axtɨ anati naki manityanati oemo. Tyopiki axɨbama champɨ nɨmocheti Tupax uimia naukiche kuasoma uiti iku axɨna kɨx, chañekanapɨma uiti. Saneityo axoñɨ champɨ kauta mataneka axtɨ uicheta nuchaku ɨmoti naki makuansomokonoti oemo auki napes.

Hebreos 5:7

Naukiche anankatiki Cristo iku axɨna kɨx, tosibikoti nuxia aɨbu nareoxti mankioti pɨnanakiti Tupax asamuti nuxia nauki añekati uiti pɨnanaki nikonkoxti, tyopiki axti Tupax ane nɨriakaxti aisamunenti sane. Tyopiki ñakokonaunkuxti Cristo, axti Tupax onsapetioti neankaxti.

Hebreos 8:5

Axɨna isamutema axɨmanuma sacerdotes tyoneio nausɨpɨtuxtai axɨba omixhante au napes. Tyopiki naukiche axti Moisés isamutenti nipo meankax, nanti Tupax ɨmoti: “Asasai nuxia aisamuse takana axɨmanu ityusiankata asukarɨkɨ onɨ yirityux.”

1 Pedro 3:20

Tyonema axɨbama chɨmakokonaunxɨpɨma ɨmoti Tupax tɨkañe, au axɨmanio naneneka tɨkañe naukiche sɨborikotiki Noé, naukiche axti Tupax pukɨrusutiki tyakuma naukiche amonkoma isamutema axɨmanu canoa, akamanu añekanama ocho nubukixhimia ui tux.

2 Pedro 1:1

Axɨñɨ Simón Peru yaserebikia ɨmoti Jesucristo anankañɨntyo isiuti, nixhakionko tanu ɨmoma axɨbama ikokoromati Jesús takana axɨsomɨ, tyopiki axti naki Tupax oemo chepeti Jesucristo uxia ñapanaunkuxti.

2 Pedro 2:5

Champɨityo axtɨ añekanama uiti Tupax axɨmanuma kusɨnɨtañama tɨkañe, ta bakɨpuruti tarukapae tax onɨma axɨmanuma mañoñɨnka chuxiampɨ nisɨborikixhimia, axtiatai Noé añekanati, naki besɨro nisɨborikixhti, chepeti añekanamaintyo siete nububikixhimia.

2 Pedro 3:6

Uityo axɨmanu yarusɨrɨx tax iñaxio tɨkañe kɨx.