Hebreos 11:16 - Manityanati Tupax

¹⁶ Axɨna nixhantɨmoma ta iyo kiatax kɨx au napes. Sane naukiche axti Tupax chɨkɨsobotipɨ ui axɨna Tupaxti ɨmoma tyopiki masamunuti ipoboma.

Manitanati Tuparrü

¹⁶ Arrüma tarucu nirrancarrüma ümo quiatarrü icüboma, arrüna manrrü urria, taha au napese. Sane nauquiche arrti Bae Tuparrü chücüsobotipü aübu nürirrimia. Chauqui tütane taman pueblurrü urriante uiti ümoma.

Hebreos 11:16 교차 참조

San Mateo 25:34

Auki nanti yɨriabux ɨmoma axɨmanuma aboma au nepanaunkux: ‘Ausiapata axaño, axɨbama aukurusɨka uiti Iyaɨ. Apasusiu axɨna nɨriakax ananka koñokono aume aukiapae naukiche axti Tupax isamutenti axɨna kɨx.

San Marcos 12:26

Kɨtɨpɨ axɨbama tɨkoiñoma axtɨ sɨborikoma tato, ¿chamastaipɨ ñakonomosoxti Moisés tɨkañe kɨtɨpɨ axɨmanu zarza omo? Nanti Tupax ɨmoti Moisés: ‘Axɨñɨ Tupaxɨñɨ ɨmoti Abraham, Tupaxɨñɨ ɨmoti Isaac ɨmotityo Jacob.’

San Marcos 8:38

Axtɨ anati naki kɨsobotiatai ñɨnanañɨ yotopiki nisura isukarɨ axɨbama chuxiampɨ nisɨborikixhimia, champɨ ikokotama, sanentityo ñana Aɨtoxti noñɨnx kɨsoboti ñɨnanati axtɨ kuatati tato aɨbu nɨriakaxti Iyaɨ ichepe axɨbama ángeles.

San Lucas 12:32

“Tapɨ aupixhuka, niyabu nobixhaka. Mɨmanantai año, tapɨti Uyaɨ, auki nipukɨruxti, toxio uiti aume nɨriakaxti.

San Lucas 20:37

Axtityo Moisés, naukiche astaiti axɨmanu zarza omo, iñununekanati oñɨ axɨbama koiñoma ta sɨborikoma tato. Akamanu atusi axti Yɨriabux tyonenti Tupax ɨmoti Abraham, ɨmoti Isaac ɨmotityo Jacob.

San Juan 14:2

Au nipoxti Iyaɨ ane kauta sɨsioma namanaiña. Axtɨ chɨsanempɨ, axɨñɨ chɨsukanapɨñɨ aume yɨkatɨ ikoñoko kauta ñana sɨsio año.

Hechos 7:32

‘Axɨñɨ Tupaxɨñɨ ɨmo axɨbama aɨmantaiki tɨkañe. Axɨñɨ Tupax ɨmoti Abraham, ɨmoti Isaac, ɨmoti Jacob.’ Auki axti Moisés paichokononoti ui nixhukuxti, chasaratitɨpɨ ape.

Filipenses 3:20

Tapɨ axoñɨ ta auki napes oñɨ, uixh naukiche uxianka nauki ayetitɨ auki napes naki uiche utaesɨbu eanaki nomɨnantɨ, axti Yɨriabux Jesucristo,

2 Timoteo 4:18

axti Cristo okɨmanati chakuñɨ ñopɨnanaki nanaiña nomɨnantɨ, nauki yɨrotɨ uiti au napes. ¡Taikiana Yarusɨrɨxti ɨmo nanaiña naskɨbeka! Amén.

Hebreos 10:34

Axaño aupukɨruka tyakuma axɨbama amonkoma amanamampo, aupukɨnunka naukiche ikiaɨbutama amopɨnanaki namenaxi, tyopiki tusiu aume ta ane kiatax namenaxi au napes axɨna chɨmamesopɨ ñana.

Hebreos 11:10

Tyopiki axti Abraham xhanxti tɨkañe asaraiti axɨmanio poka ane uxia nityɨmox, tyone axɨna nisamukuxti Tupax.

Hebreos 11:14

Ui axɨna sane, axɨbama iyebo au ñakionkoxɨma abomainki aɨbu yapachekixhimia ikɨbomantoe.

Hebreos 11:40

Tyopiki axti Tupax ane tɨkañe axɨmanu uxiampae nixhantɨmoti aisamunenti usaɨbu, nauki axoñɨntyo basuriu axɨmanu ensɨmunu uiti tɨkañe. Nauki axɨma ñana uxia nakaxɨma au nastaxti Tupax ochepe.

Hebreos 12:22

Tapɨ axaño kaɨma, amekatɨ esa axɨmanu yirityux Sión, axɨmanio poka nipoxti Tupax naki sɨborikoti ɨmo nanaiña naskɨbeka. Tyoneio axɨmanio poka Jerusalén, axɨna ane au napes. Akamanu aboma sɨrɨmanama axɨbama ángeles oberabarama nauki yarusɨrɨx nɨrixhti Tupax uimia,

Hebreos 13:14

Tyopiki auna iku axɨna kɨx champɨ poka axɨba chɨmutapenekopɨ ñana, ta uɨkatɨ bapacherio axɨmanio poka kuantionki ñana.

Hebreos 2:11

Tyopiki namanaiña kunauntañanti naki Yaɨtoxɨma: namanaiña axɨbama samamekanama takanatityo naki uiche samamekanama. Sane naukiche, naki Aɨtoxti Tupax chɨkɨsobotipɨ nanti ɨmoma ta tyonema yarukityoxti,

Apocalipsis 21:2

Yastai axɨmanio poka champɨ nomɨnantɨ yokɨtɨpɨ, axɨmanu iyebo Jerusalén, kuatɨ akɨ auki napes, esakiti Tupax. Ananka koñokono takana axɨna kupikixh sɨro kɨtɨpɨ naibixh nauki apo, tɨniyɨkɨx aikuñunuti naki ikianabo.