Hebreos 11:13 - Manityanati Tupax

¹³ Namanaiña axɨmanuma mañoñɨnka koiñoma chiyasutiuma axɨmanu ɨriotɨ uiti Tupax ɨmoma. Ta ui axɨna ikokoromati nuxia, astaimia auki icheatai, auki taruku nipukɨruxɨma, akamanu tusiu ɨmoma, ta axɨma chɨtɨpɨ nikɨxɨma axɨna kɨx.

Manitanati Tuparrü

¹³ Namanaiña arrübama mañoñünca coiñoma, y champürrtü arrtaimia arrüna urapoiti Tuparrü isucarüma. Pero oncomatü ümoti chepe niconcorrüma. Pero tusiatai ümoma que tiene que aye uimia arrümanu tünanti Tuparrü ümoma, tacanarrtü arrtaimia auqui icheatai, y chauqui tüpucünuñama icuata. Tusio ito ümoma, ta aboma auna icu na cürrü tacana extranjerurrtai, y tacana bama amencatai. Chütüpü nicürrüma arrüna cürrü.

Hebreos 11:13 교차 참조

San Mateo 13:17

Ñemanauntu sukanañɨ aume sɨrɨmanama axɨbama profetas ichepe axɨbama uxia nisɨborikixhimia xhanxɨma asaraimia tɨkañe axɨna kaɨma amastai, chastaipɨma. Xhanxɨmaintyo onsaperioma axɨna amonkoi, chonkoipɨma.

San Juan 12:41

Axti Isaías urapoiti tɨkañe axɨna sane, ityopiki astaiti niyarusɨrɨkɨxti Jesús, sane nuraxti kɨtɨpɨti.

San Juan 8:56

Axti Abraham, kusɨrɨboti tɨkañe amopɨnanaki taruku nipukɨnunkuxti ui axɨna ipiatenti isekatɨ iku axɨna kɨx. Naukiche astaiti taruku nipukɨnunkuxti uixh.

Romanos 4:21

tusiu nuxia ɨmoti ta axti Tupax ane nɨriakaxti nauki aisamunenti axɨna ɨriotɨ uiti.

Romanos 8:24

Ui nuxianka aye osoi axɨmanu nuxiantɨmo sane naukiche utaesɨbuka eanaki nomɨnantɨ. Axtɨ axɨmanu nuxiantɨmo chauki tubastai tityone axɨmanu nuxiantɨmo, ¿ñakuti matochenkoiki kɨmenu axɨna tiñatai?

2 Corintios 4:18

Tyopiki chubasakapɨtɨ ɨmo axɨna tusiu, ta basakatɨ ɨmo axɨna chɨtusiupɨ. Tyopiki axɨba butusiu kontoatae champɨ nanenekiche, tapɨ axɨba chɨbutusiupɨ champɨ niyutakɨrux.

2 Corintios 5:6

Sane naukiche taikiana somonkatɨ ɨmoti. Tusiu suiñemo axɨna suisɨborikiaiki au axɨna suisɨtɨpɨ subaka takana axtɨ ipenenoma somɨ iche pɨnanakiti Yɨriabux Jesús.

Efesios 2:19

Sane naukiche, chɨtɨpɨ auki kiatax kɨx año, chabakaikipɨ tyɨrɨpo pɨnanaki nikɨxti kaɨma abaka axɨpekuma axɨbama aɨtoxti Tupax.

Hebreos 11:14

Ui axɨna sane, axɨbama iyebo au ñakionkoxɨma abomainki aɨbu yapachekixhimia ikɨbomantoe.

Hebreos 11:17

Axti Abraham ikokoroti nuxia Tupax, sane naukiche sɨroti uiti au makokotox axtɨ isamutenti o champɨ. Sane naukiche aikianati Isaac naki aɨtoxti nauki aityabairoti iku altar ɨmo ñakumanataxti. Champɨ nɨmoche uiti axtɨ kunauntañantiatai aɨtoxti, nipɨ axɨmanu nuraxti Tupax ɨmoti.

Hebreos 11:27

Axti Moisés onkotitɨ ɨmoti Tupax, sane naukiche sɨrotitɨ auki Egipto, chɨbixhubutipɨ ñɨnana nityɨborixhti yɨriabux. Aruku nuxia ɨmoti, isamutenti nanaiña takana axtɨ asaratitɨ ɨmoti Tupax naki chɨtusiutipɨ.

Hebreos 11:39

Axti Tupax taruku nipukɨnunkuxti aɨbuma, tyopiki onkomatɨ ɨmoti. Ta axɨma champɨti yasutiuti axɨmanu ensɨmunu uiti Tupax.

1 Pedro 1:1

Axɨñɨ Peru, anankañɨ isiuti Jesucristo, nixhakionko tanu ɨmoma axɨbama iñaxiomantai auki nikɨxɨma, axɨbama aboma au Ponto, Galacia, Capadocia, Asia autyo Bitinia,

1 Pedro 1:17

Axtɨ axaño amukanaño “Iyaɨ” ɨmoti Tupax, naki astaiti nausɨboriki isiuki axɨna apisamute, champɨti naki taruku nikuaxti pɨnanakiti kiatax, apityusiaka napanaunku ɨmoti axɨna ausɨborikiaiki iku axɨna kɨx.

1 Pedro 2:11

Masarukityaiki, apasamu nuxia iñemo, takana axɨbama auki kiatax kɨx ikɨnomakɨ ikuki axɨna kɨx, tapɨ chebo aboi ñome axɨba chuxiampɨ nauxiantɨmo tyopiki oboi autapeneka au nomɨnantɨ.

1 Juan 3:19

Sane atusi oemo ta axoñɨ uisamute axɨna ñemanauntu, sane champɨ arapoboiboti Tupax oemo.