Hebreos 10:5 - Manityanati Tupax

⁵ Sane naukiche axti Cristo, naukiche kuatati iku axɨna kɨx nanti ɨmoti Tupax: “Axɨkɨ chaxiankapɨ ñome makumanataka, axɨkɨ acheka isɨtɨpɨboñɨ.

Manitanati Tuparrü

⁵ Sane nauquiche nanti Cristo sane ümoti Tuparrü, numo tüsaima niyequirrti tanua icu na cürrü: Arrücü Tuparrü charriancapü ñome ba numuquianca, ni ñomepü macumanataca. Pero chauqui tacheca iñemo isütüpüboñü.

Hebreos 10:5 교차 참조

San Mateo 11:3

nauki ankirioma pɨnanakiti axtɨ ñemanauntu tyonenti naki kuabotɨ, o kuatatiki kiatax.

San Lucas 1:35

Aiñumuti maniki ángel: –Axti Espíritu Santo kuatati ñana akɨtɨpɨkɨ, axɨna nɨriakaxti Tupax auki ape kuatɨ ñana sɨro akɨtɨpɨkɨ. Sane naukiche, anati ñana iku kɨx maniki simia nɨrixhti ñana Aɨtoxti Tupax naki champɨ nomɨnantɨ uiti.

San Lucas 7:19

bakɨpuruti ɨmoma aɨromatɨ esati Yɨriabux, ankirioma pɨnanakiti axtɨ ñemanauntu tyonenti naki kuabotɨ o kuatatiki kiatax.

San Juan 1:14

Axti maniki Manityakax oñɨnkati po'osoti auna uyaxɨpeku. Axoñɨ bastai niyarusɨrɨkɨxti, axɨna toxio ɨmoti uiti Yaɨtoti, ityopiki tyonenti kunauntañati Aɨtoxti, ityusiankatati usukarɨ axɨna nipukɨruxti takanaintyo axɨna ñemanauntu.

Gálatas 4:4

Naukiche tiñatai axɨmanu nanenes, bakɨpuruti Tupax ɨmoti Aɨtoxti, naki anati iku kɨx kɨtɨpɨki taman paɨx, ikokotatityo bakɨpukux uiti Moisés,

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

Hebreos 1:6

Au kiatax narɨkɨkixh, naukiche aityusiankanati naki kusɨrɨboti Aɨtoxti iku axɨna kɨx, nantɨ iku Nikorox: “Tari namanaiña axɨbama ángeles auki napes anauma ɨmoti.”

Hebreos 10:10

Axoñɨ ukunusɨankaka uiti Tupax tyopiki axti Jesucristo isamutenti noñemaxti. Ta ityoximiatati nikɨtɨpɨxti taman niyɨkɨx ɨmo nanaiña naskɨbeka, takana makumanatax nauki amoximiaka nomɨnantɨ osoi.

Hebreos 10:7

Sane naukiche sukanañɨ aemo: ‘Auna niyaka, sane takana ane korobo sɨtɨpɨñɨ iku kichonimiakax, nauki isamune nakɨpuku iñemo, axɨkɨ Tupax.’ ”

Hebreos 10:8

Nanti Tupax ta chuxiampɨ ɨmoti makumanataka chuxiampityo ɨmoti numukianka omomo iku altar, nauki xhimiakana nomɨnantɨ, abo nantɨ iku nikorox ui axɨmanu bakɨpukux.

Hebreos 2:14

Saneityo, takana masiomanka aukiti tamanti yaɨtoxɨma tamaintyo nipiakɨtoxɨma, tyoneantoe nikɨtɨpɨxɨma takanaintyo notoxɨma axɨbama yaɨtoxɨma, sanentityo Jesús ane tɨkañe nikɨtɨpɨxti anentyo notoxti takana axoñɨ, sane ui nikonkoxti koiñoti uiti maniki ane nɨriakaxti atabaiti, axti naki ta tyonenti chobores.

Hebreos 5:7

Naukiche anankatiki Cristo iku axɨna kɨx, tosibikoti nuxia aɨbu nareoxti mankioti pɨnanakiti Tupax asamuti nuxia nauki añekati uiti pɨnanaki nikonkoxti, tyopiki axti Tupax ane nɨriakaxti aisamunenti sane. Tyopiki ñakokonaunkuxti Cristo, axti Tupax onsapetioti neankaxti.

Hebreos 8:3

Auna iku axɨna kɨx, sɨroti yɨriabux ɨmoma axɨbama sacerdotes naki uiche aityoximiati ɨmoti Tupax ñakumanataxɨma axɨbama ikokoromati. Sane naukiche axti Jesucristo anentyo ñakumanataboti ɨmoti Tupax.

1 Pedro 2:24

Axti Cristo omenotɨ uiti kɨtɨpɨti axɨba nomɨnantɨ osoi kɨtɨpɨ kurusɨx, nauki axoñɨ uiñokonio nomɨnantɨ nauki sane uisamune axɨna uxia. Axti Cristo obɨrio ɨmoti nauki axaño uxiankaño tato.

2 Juan 1:7

Iku axɨna kɨx aboma sɨrɨmanama axɨbama matachemakanama ɨmo makiataka, chikokotapɨma ta axti Cristo kuatati iku kɨx takana nakaxti ñoñɨnx. Axti naki sane nisɨborikixhti tyonenti naki ñatachemakax chuxiampɨ uiti ɨmoti Cristo.