Hebreos 10:34 - Manityanati Tupax

³⁴ Axaño aupukɨruka tyakuma axɨbama amonkoma amanamampo, aupukɨnunka naukiche ikiaɨbutama amopɨnanaki namenaxi, tyopiki tusiu aume ta ane kiatax namenaxi au napes axɨna chɨmamesopɨ ñana.

Manitanati Tuparrü

³⁴ Taquisürüma aume arrübama aboma au preso. Ane nauche iquiaübutama amopünanaqui namenarri, pero arraño aupucünuncatai, itopiqui tusio aume, ane quiatarrü amenarribo au napese, arrüna champüti puerurrü aiquiaübuti, y chütacürusupü.

Hebreos 10:34 교차 참조

San Mateo 19:21

Aiñumuti Jesús nuraxti: –Axtɨ axianka uxia nasɨboriki, akosi, aipiabentekasio nenaxi nikuax aityoximia ɨmo axɨbama taruku nityakisɨrɨkɨxɨma. Sane ane nenaxi au napes. Auki kaɨma ariaku isiuñɨ.

San Lucas 10:42

ane tamantai axɨna ane nɨmoche. Mariax tabɨko uixh axɨna uxia, champɨti uiche aikiaɨbu pɨnanaki.

San Lucas 12:33

Apityoximia ityobo monixh namenaxi, apikumanasama axɨbama champɨ ane ɨmoma. Apapache aupusanebo axɨna chɨmamesopɨ, amenaxibo axɨna champɨ nityakɨrux au napes, kauta chiyebopɨ uiti kusɨpɨx kautaityo chɨmamesopɨ.

San Lucas 9:25

¿Isane yachɨkoiti ñoñɨnx axtɨ enaxitenti nanaiña ikuki axɨna kɨx, axtɨ uixh mameso nisɨborikixhti?

Hechos 21:33

Auki axti maniki ɨriatu masortaboka sɨrotitɨ esati Pablo akamanu iñenomati auki bakɨpuruti nauki aityomoenomati oboi tox karenax. Auki ñankitioti, ñakuti maniki ñoñɨnx, isane nipɨnatenti.

Hechos 28:20

Sane naukiche xhaemeka abapa, nauki yasaraño xhanityaityo aupu. Tyopiki axɨna nubaxɨperaka axɨbama auki Israel, ityopiki axɨñɨ yaka auna ichomoenka ui karenax.

Hechos 5:41

Axɨmanuma amonkoma isiuti Jesús sɨromatɨ aukimanu esaki mayɨriabuka taruku nipukɨnunkuxɨma, ityopiki ichetati Tupax ɨmoma atakisɨrɨma tyaku ñakokonaunkuxɨma ɨmoti Jesús.

2 Corintios 5:1

Axoñɨ usaka takana taman pox ikuki axɨna kɨx, takana kɨpaux axɨna chɨbaserebiopɨ ñome sɨrɨmana naskɨbeka. Tɨtusiu oemo axtɨ axɨna kɨpaux iñaxio, ane uxiante uiti Tupax opobo au napes axɨna chɨmamesopɨ ñana, axɨna chɨtɨpɨ nisamuku mañoñɨnka.

Efesios 3:1

Tyopiki axɨna sane, axɨñɨ Pablo, yaka auna amanañɨmpo tyopiki yaserebikia ɨmoti Cristo Jesús nauki uxia nausɨboriki axɨbama chɨtɨpɨ judíos.

Efesios 4:1

Axɨñɨ yaka auna amanañɨmpo tyopiki yaserebikia ɨmoti Yɨriabux, sukanañɨ aume apasamu nuxia apikoñoko nausɨboriki, takana axɨbama samamekanama uiti Tupax, sane tana axaño.

Efesios 6:20

Axti Yɨriabux ikɨpurutiñɨ suraboi axɨmanu nixhantɨmoti aisamunenti, tyopiki yaka auna amanañɨmpo. Apanki pɨnanakiti Tupax tapɨ ixhuka suraboi axɨmanio omixhia manityakax.

Filipenses 1:7

Uxia axɨna nixhakionko sane abapa namanaiña axaño, tyopiki taruku naukuasɨrɨkɨ iñemo, tyopiki axaño abaka chepeñɨ ɨmo niyachɨkoi ui ñakumananaunkuxti Tupax axɨna toxio uiti iñemo. Kauta anankañɨ amanañɨmpo sukarɨmaintyo axɨbama mayɨriabuka, axaño amonkatɨ nantax iñemo nauki sukanañɨ axɨna ñemanauntu oboi axɨba omixhia manityakax.

Colosenses 1:5

axaño apisamute sane nausɨboriki tyopiki, naukiche amonkoi axɨba ñemanauntu omixhia manityakax, tusiu nuxia aume isane axɨmanu aɨburu uiti Tupax aume au napes.

1 Timoteo 6:19

Sane chiyaupɨ nenaxixhimia axɨna uiche uxia nakaxɨma ñana, sane iyebo ñana uimia axɨmanu sɨborikixh champɨ nityakɨrux.

2 Timoteo 1:16

Tari axti Tupax apukɨruti tyakuma axɨbama aɨtoxti Onesíforo, tyopiki taikiana ayetitɨ asaratiñɨ chikɨsobotipɨ ui axɨna yaka auna amanañɨmpo.

2 Timoteo 2:9

Yotopiki axɨba omixhia manityakax yaka aɨbu nichakisɨrɨkɨ, yaka ichomoenka ui karenax takanati yatabayox. Tapɨ axɨna nuraxti Tupax chɨtomoenopɨ ui karenax.

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Hebreos 11:16

Axɨna nixhantɨmoma ta iyo kiatax kɨx au napes. Sane naukiche axti Tupax chɨkɨsobotipɨ ui axɨna Tupaxti ɨmoma tyopiki masamunuti ipoboma.

Hebreos 13:14

Tyopiki auna iku axɨna kɨx champɨ poka axɨba chɨmutapenekopɨ ñana, ta uɨkatɨ bapacherio axɨmanio poka kuantionki ñana.

Hebreos 13:3

Apakionsaño ɨmoma axɨbama aboma amanamampo, takana axtɨ axañointyo abaka amana año ichepema. Apakionsama ɨmoma axɨbama takisɨrɨma ui makiataka, tyopiki axaño chɨtusiupɨ aume axtɨ chɨsanempityo uimia ñana aume.

Hebreos 9:15

Sane naukiche tyonenti Jesucristo naki manityanabo utaku ɨmo axɨmanu aɨbo ɨriotɨ oemo tatityo uiti Tupax. Tyopiki axti Cristo koiñoti nauki axti Tupax aixhimiakati nomɨnantɨ osoi axɨba uisamute tɨkañe naukiche usakaiki aɨbu axɨmanu kusɨrɨbo ɨriotɨ oemo, tyopiki ui nikonkoxti ane maximiakatax ɨmo mañoñɨnka, uityo nikonkoxti, namanaiña axɨbama samamekanama yasutiuma ñana axɨmanu toxiobo ɨmoma axɨna champɨ nityakɨrux ɨriotɨtɨ uiti tɨkañe ɨmoma.

Santiago 1:2

Masarukityaiki, tari taruku naupukɨnunku axtɨ abe ausɨratai makokotoka aume.

1 Pedro 1:4

uitityo toxio ñana aume nanaiña axɨmanu ane aɨburu uiti au napes, axɨmanu champɨ isane uiche amameso ñana.

1 Juan 3:2

Masarukityaiki, chauki tɨaɨtoxti Tupax oñɨ. Chɨtusiupɨ nuxia oemo kausaneampae ñana, axɨna tusiu oemo axtɨ tɨkuatati tato Jesucristo axɨna nusaka ta tyoneantoe nakaxti, tyopiki basakati ñana axɨna ñemanaunkuxatoe nakaxti.