Gálatas 5:19 - Manityanati Tupax

¹⁹ Tusiu nuxia axɨba isamutema axɨbama ikuki axɨna kɨx, tyoneio: axɨbama posoma champɨ ñanaunkuxɨma ɨmomantoe, isamutema axɨba chomixhampɨ ɨmo nikɨtɨpɨxɨma, isamutemaintyo axɨba chomixhampɨ sukarɨ makiataka.

Manitanati Tuparrü

¹⁹ Pero chanecanapatai arrüna nusaca arrtü uisamute isiu nurrainca ñoma ba chomirriampatai: Baviviquia tacana numuquianca Oecatü yusiu paüca y uisamute arrüna chomirriampü isiu nurrianca.

Gálatas 5:19 교차 참조

San Juan 3:6

Axti naki anati iku kɨx kɨtɨpɨki axɨbama ikuki axɨna kɨx, kɨx nikɨtɨpɨxti. Tapɨti naki kuatati iku kɨx uiti Espíritu Santo, espíritu nakaxti.

Romanos 7:18

Axɨñɨ tusiu iñemo champɨ sɨtɨpɨñɨ axɨna uxia. Ixhankapɨ isamune axɨna uxia, champɨ nisusɨu nauki isamune.

Romanos 7:25

Ñachampienkaka ɨmoti Tupax ityopikiti Yɨriabux Jesucristo. Axɨñɨ tusiu iñemo uxia axtɨ ikokota yakɨpukuxti Tupax, tapɨ ui axɨna nisɨtɨpɨ yaserebikia ɨmo nomɨnantɨ.

Romanos 7:5

Naukiche osɨborikiaiki yupu axɨba nomɨnantɨ, axɨmanu bakɨpukux uiti Moisés uixh aistopɨna nokɨtɨpɨ nauki uisamunio axɨba chomixhampɨ, axɨna iyebo osoi ityobo tyone nokonko.

Romanos 8:13

Tyopiki axtɨ ausɨborikia isiuki axɨmanu nixhantɨmo naukɨtɨpɨ, aukonka ñana. Tapɨ axtɨ ui noñemaxti Espíritu Santo apiñokota axɨmanu nixhantɨmo naukɨtɨpɨ, ausɨborikia.

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

Romanos 8:5

Axɨbama sɨborikoma yusiuki nixhantɨmo nikɨtɨpɨxɨma, tyone axɨna nixhantɨmoma aisamunema. Tapɨ axɨbama sɨborikoma ui noñemaxti Espíritu Santo, isamutema axɨna nixhantɨmoti Espíritu Santo.

Romanos 8:9

Tapɨ axaño chausɨborikiaikipɨ isiuki nixhantɨmo naukɨtɨpɨ, ta isiuki noñemaxti Espíritu Santo, tyopiki axti Espíritu auki napes anati aukɨtɨpɨ. Axti naki champɨti nesaxti Espíritu Cristo kɨtɨpɨti, chanatipɨ chepeti Cristo.

1 Corintios 3:3

tyopiki masiomankaiki año, axɨna autɨborikiatai aumeampatoe abubatioityo namenaxi, tyopiki masiomankaiki año apisamute takana ñapanaunkuxɨmantai mañoñɨnka.

1 Corintios 6:18

Apiñasaño pese ñopɨnanaki nomɨnantɨ. Axtɨ anati kiatax isamutenti nomɨnantɨ, champɨ kausane uixh ɨmo naukɨtɨpɨ. Tapɨti naki ityoximiatati nikɨtɨpɨxti ɨmo nomɨnantɨ, iñatati au nomɨnantɨ nikɨtɨpɨxti.

Gálatas 5:13

Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.

Gálatas 5:17

Tyopiki axɨmanio chomixhampɨ nauxiantɨmo chuxiampɨ oboi ɨmoti Espíritu Santo sanentityo Espíritu Santo chuxiampɨ ɨmoti axɨba chomixhampɨ. Axti taman chuxiampɨ ɨmoti makiataka, sane naukiche axaño. Chichebopɨ aume apisamune axɨna nauxiantɨmo.

Gálatas 6:8

Axti naki mankɨturuti axɨba chomixhampɨ nixhantɨmoti, auki axɨmanio chomixhampɨ nixhantɨmoti, bapakɨtauruti ñana konkox. Tapɨti naki mankɨturuti ɨmoti Espíritu Santo, aukiti Espíritu Santo bapakɨtauruti ñana sɨborikixh axɨna champɨ nityakɨrux.

Tito 3:3

Tyopiki tɨkañe saneityo nosɨboriki chuxiampatai osoi ɨmo makiataka champɨatai uxia oemo. Uñamenkatai chɨmastakaxɨpɨ oemo uisamute nanaiñantai axɨba chomixhampɨ. Osɨborikia aɨbu chɨrɨri uyubatio nenaxi makiataka, tɨborikomantai oemo axoñɨntyo otɨborikiatai aɨbu makiataka.

Hebreos 13:4

Axɨbama posoma tari ane ñanaunkuxɨma ɨmomantoe takana axɨna taruku nikuax aume. Tyopiki axti Tupax astaiti ñana axɨna isamutema axɨbama xhanxɨma ɨmomantoe takanaintyo ɨmoma axɨbama posoma chɨmanuanupɨma ɨmomantoe.

Apocalipsis 21:8

Tapɨ axɨbama taruku nixhukuxɨma, axɨbama chɨmakokonaumpɨma, axɨbama chuxiampɨ uimia ɨmo makiataka, axɨbama mayatabayoka, axɨbama xhanxɨma ɨmomantoe, mapichareruka, axɨbama manaunuma ɨmo matupaka nisamuku mañoñɨnka namanaiñaintyo mañapanka, tyonema ñana axɨbama sɨrobomatɨ au axɨmanu narubaityu pes, tyone axɨmanu kiatax konkox.”

Apocalipsis 22:15

Tapɨ axɨbama chuxiampɨ nisɨborikixhimia sɨsioma ñana tyɨrɨpo, axɨbama mapichareruka, axɨbama xhanxɨma ɨmomantoe, mayatabayoka, axɨbama manaunuma ɨmo matupaka nisamuku mañoñɨnka namanaiña axɨbama matachemakanama chepe axɨbama isamutema axɨba chomixhampɨ.