Gálatas 5:13 - Manityanati Tupax

¹³ Axaño, masarukityaiki, tɨtane batasukux aume eanaki nomɨnantɨ. Axɨna champɨ nomɨnantɨ aukɨtɨpɨ tapɨ uixh amekatɨ isiu axɨna nauxiantɨmoantoe. Ta apisamuse axɨna uxia aɨbu napakumananaunku aumeampatoe.

Manitanati Tuparrü

¹³ Masaruquitaiqui, arrti Cristo itaesümunuti año pünanaqui manu nüriacarrü, champürrtü nauqui apisamune arrüba chomirriampü, ta nauqui apaserebi aumeampatoe y nauqui acuati quiatarrü aume.

Gálatas 5:13 교차 참조

San Lucas 4:18

“Axti Espíritu uiti Yɨriabux anati sɨtɨpɨñɨ, ityopiki ikunusɨankanatiñɨ nauki yɨrotɨ yupu axɨba omixhia manityakax ɨmo axɨbama takisɨrɨma. Ikɨpurutiñɨ suraboi nityaesɨbukuxɨma axɨbama amanamampo axɨbama supusu nauki asaramatɨ tato sobi. Ataesɨbuma sobi axɨbama takisɨrɨma ui makiataka.

Hechos 20:35

Nantaxtai iñununekakaño ta sane uisamute axɨna nubachɨkoi, nauki bachetyo noñenaxi ɨmo axɨbama champɨ ane ɨmoma, sane tapɨ takɨrusu numakionko iyo axɨmanu nuraxti Yɨriabux Jesús, naukiche nanti: ‘Taruku nupukɨnunku axtɨ makumanaka, pɨnanaki baxɨpera basuriu.’

1 Corintios 8:9

Amasasai nuxia aɨbu axɨna apisamute tapɨ uixh tapenekoma axɨbama apekiatai ñakokonaunkuxɨma.

1 Corintios 9:19

Axɨñɨ champɨti ɨmoche yaserebikia, tapɨ kaɨma yaserebikia ɨmo namanaiña, sane nauki sɨrɨmanama axɨbama ikokoromati Cristo.

2 Corintios 12:15

Tapɨ axɨñɨ ityoximiata aɨbu nipukɨnunku nanaiña axɨna ane sobi, axɨnaintyo nisɨboriki iñata autaku nauki uxia nabaka.

2 Corintios 2:8

Sane naukiche sukanañɨ aume apasamu nuxia apityusianka tatityo ɨmoti nikuasɨrɨkɨxti aume.

2 Corintios 3:17

Tyopiki axti Yɨriabux Jesús tyonenti naki Espíritu Santo. Axɨna kauta naka nesaxti Espíritu Yɨriabux Jesús, akamanu uxia uimia ɨmomantoe.

2 Corintios 4:5

Chɨsupanunekakapɨ suisɨtɨpɨatoe, ta supanunekaka kɨtɨpɨti Jesucristo naki Yɨriabux oemo, suburapoi nuxia ausukarɨ axɨsomɨ kumanakax somɨ aume ui nikuasɨrɨkɨxti Jesús suiñemo.

Gálatas 2:4

Aboma axɨbama ñapantuxɨma aikokoromati Jesús, matanekanamantai aɨroma uyaxɨpeku, nauki asaraimia axɨna nosɨboriki aɨbuti Cristo Jesús nauki sane isamune tatityo yakɨpukuxti Moisés.

Gálatas 4:22

Tyopiki nantɨ ta aboma toxɨma aɨtoxti Abraham: tamanti auki nikumanakataxti, tapɨti kiatax auki nikɨpostotiatoe.

Gálatas 5:1

Kaɨburu uiti Cristo nomɨnantɨ okɨtɨpɨki nauki tapɨ ane nomɨnantɨ okɨtɨpɨ. Sane naukiche tapɨ amekatɨ tatityo ñome nomɨnantɨ sane kumanakax año ñome.

Gálatas 5:14

Tyopiki nanaiña axɨmanu bakɨpukux kunauntañantai nantɨ sane: “Tari akuasɨrɨti aemo asɨborisapa takana nakuasɨrɨkɨ aemoantoe.”

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Gálatas 6:2

Amasasatɨ autakuatoe ɨmo nautakisɨrɨkɨ, ui axɨna sane apisamute yakɨpukuxti Cristo.

Efesios 5:21

Axaño axɨbama apiñanaunkati Cristo, tari apakokonau aumeampatoe.

1 Tesalonicenses 1:3

Tusiu nuxia suiñemo nanaiña axɨna apisamute uixh apityusiankata ta apikokota nuraxti Tupax kuasɨrɨti aume, axtɨ autakisɨrɨka champɨ nɨmoche aboi, sɨsio año aɨbu narukux aume kɨmenuti Yɨriabux Jesucristo, sukarɨti Tupax naki Uyaɨ.

1 Pedro 2:16

Apisamuse nausɨboriki isiuki nauxiantɨmo, tyopiki axaño apaserebikia ɨmoti Tupax. Tapɨ amonkatɨapae ɨmo axɨna sane chebo aume nauki tyopiki kaɨma apisamute ausɨratai nomɨnantɨ.

2 Pedro 2:19

Namatɨ ɨmoma ta chebo ñana ɨmoma aisamunema axɨna nixhantɨmoma, tapɨ axɨma ta chiñokotapɨma axɨba chomixhampɨ niyachɨkoimia. Tyopiki axti ñoñɨnx kumanakaxti oboi axɨba chomixhampɨ nixhantɨmoti.

SAN JUDAS 1:4

Tyopiki auki ñatachemakakaxɨma aume aboma abaxɨpeku axɨbama tɨtusiu ui Nikorox aukiapae tɨkañe ta ane ñana takisɨrɨkɨx ɨmoma. Au ñakionkoxɨma, tyopiki axti Tupax taruku nukuasɨrɨkɨ ɨmoti, champɨ kausane uiti oemo axtɨ chuxiampɨ nosɨboriki, champɨityo axtɨ ikokoromati naki kunauntañati Yɨriabux oemo, axti Jesucristo.