Gálatas 4:24 - Manityanati Tupax

²⁴ Axɨna sane ane nurapoi. Axɨmanio tox paɨka tyoneio axɨmanu tɨkañe tox chepe ñakionkoxti Tupax aɨbuti Abraham: axɨmanu taman tyone axɨmanu yirityux Sinaí, ane au nɨri Agar tyone nipiakɨtoti maniki kumanax ñana.

Manitanati Tuparrü

²⁴ Arrüba torrü paüca tacana machepecatarrü. Ui cada taman paürrü tusio oemo taman tratorrü uiti Tuparrü. Ui manu taman paürrü cumanacarrü, nürirri Agar, tusio oemo caüma que masamunuti Tuparrü tratorrü esa manu yiriturrü nürirri Sinaí, auna cauta torrio nüriacarrü ümoti Moisés y ümo bama israelitarrü. Arrüma caüma tacana mosorrüma ümo manu nüriacarrü.

Gálatas 4:24 교차 참조

San Mateo 13:35

Tyone axɨna sane nauki omixhane axɨmanio urapoiti tɨkañe maniki profeta: “Xhanityaka ñana oboi machepekataka. Surapoi ñana axɨba amonkio umanekana aukiapae aɨbo aisamunenti kɨx axti Tupax.”

Romanos 8:15

Tyopiki axaño chɨtoxiotipɨ Espíritu Santo aume naki uiche autakisɨrɨka tarukuityo naupixhuku, ta axti Espíritu naki uiche aɨtoxti Tupax año.

1 Corintios 10:11

Nanaiña axɨna sane uxiante ɨmoma axɨbama uyaɨtaiki tɨkañe takana machepekatax kaɨma oemo, tyone ane iku Nikorox ɨmo makuansomokokox oemo axɨbama osɨborikia axɨba tyakɨrux naskɨbeka.

1 Corintios 10:4

Chabomaintyo axɨmanu nityɨpoxɨma kuatɨ auki napes. Tyopiki chaboma axɨmanu tux kuatɨ auki axɨmanu kanx auki napes axɨna sɨrotɨ isiuma kauta niyɨkɨxɨma, axɨmanu ta tyonenti Cristo.

Gálatas 4:25

Sane Agar tyone axɨmanu yirityux Sinaí au Arabia, tyone kaɨma nesa Jerusalén, tyopiki axɨbama po'osoma au Jerusalén kumanakaxɨma aɨbu namanaiña.

Gálatas 4:3

Saneityo tɨkañe usaɨbu: naukiche chiñataikipɨ nuyarusɨrɨkɨ, makokonaunka ɨmo yakɨpukuxɨma mayɨriabuka ikuki axɨna kɨx.

Gálatas 5:1

Kaɨburu uiti Cristo nomɨnantɨ okɨtɨpɨki nauki tapɨ ane nomɨnantɨ okɨtɨpɨ. Sane naukiche tapɨ amekatɨ tatityo ñome nomɨnantɨ sane kumanakax año ñome.

Hebreos 11:19

Tyopiki axti Abraham tusiu ɨmoti ta axti Tupax ane nɨriakaxti nauki asɨborimia tato uiti axɨbama tɨkoiñoma. Sane naukiche axti Abraham chɨkoiñotipɨ aɨtoxti uiti. Sane naukiche takana axtɨ sɨborikoti tato Isaac.

Hebreos 12:24

esatityo Jesús, naki tyopikiche ane axɨmanu aɨbo makionkox auchepe. Chapie ɨmo notoxti Jesús axɨna arapara naukiche koiñoti, axoñɨ ane maximiakatax oemo, tyone axɨna uxia nurax oemo pɨnanaki notoxti Abel.

Hebreos 13:20

Axti Tupax, naki uiche atɨraiti tato axɨpekuki makoiñoka naki Yɨriabux Jesús oemo, tyonenti naki yarusɨrɨx axɨpekuki axɨbama asaramatɨ yutaku nobixhaka, naki ui notoxti atusi oemo ta champɨ nityakɨrux ñana axɨmanu ɨriotɨ tɨkañe uiti,

Hebreos 7:22

Sane naukiche, axɨmanu tratox uiti Jesús ta ñemanauntu uxia nuxia pɨnanaki axɨmanu kusɨrɨbo.