Gálatas 4:19 - Manityanati Tupax

¹⁹ Masaɨtaiki, ichakisɨrɨka tatityo takana axɨna xhanx ane meku, chepe axtɨ sɨroti Cristo ñana aukɨtɨpɨ.

Manitanati Tuparrü

¹⁹ Masaruquitaiqui, orronene iñemo autacu. ¿Auchepü ñana apitusiancata que anati Cristo au nabausasü?

Gálatas 4:19 교차 참조

San Lucas 22:44

Eana taruku nityakisɨrɨkɨxti Jesús, taruku neankaxti, axɨna numuɨnkɨx ɨmoti xɨkio akɨ takana notox.

Romanos 13:14

Chɨsanempɨ, apikoñoko nausɨboriki apisamuse axɨba omixhia takanati Yɨriabux Jesucristo, tapɨ chebo aboi ɨmo naukɨtɨpɨ nauki apisamune axɨba nomɨnantɨ.

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

2 Corintios 12:14

Chauki tisoborikia tatityo ɨmo trex niyɨkɨ yasaraño, axɨnaintyo kaɨma niyɨkɨ chɨtɨpɨ nauki xhanki amopɨnanaki axɨna nixhantɨmo. Chiyɨkapɨtɨ tanu iyo namenaxi, axɨna niyɨkɨ tanu yasaraño. Tyopiki axɨbama aubaɨtaiki tyonema axɨbama makiamanabo monixh ɨmoma aɨtoxɨma, chɨtɨpɨ axɨbama aɨtoxɨma ɨmoma axɨbama yaɨtoxɨma.

Efesios 4:13

chepe axtɨ tɨnamanaiña axoñɨ ui axɨna numakokonaunku chepe nusaka chepeti ui axɨna usuputakati Aɨtoxti Tupax, sane aye osoi besɨro nosɨboriki takana nisɨborikixhti Cristo.

Efesios 4:24

apiña tato aukɨtɨpɨ axɨna aɨbo nausɨboriki, uxiante takana nakaxti Tupax axɨna tusiankana ui axɨna besɨro nausɨboriki champɨ kausane, isiuki axɨna ñemanauntu.

Filipenses 1:8

Tusiu ɨmoti Tupax axɨna taruku nisucheki abapa, tarukuityo naukuasɨrɨkɨ iñemo ui axɨna nixhakumananaunku toxio iñemo uiti Cristo Jesús.

Filipenses 2:17

Axaño apaserebikia amonkatɨtyo ɨmoti Tupax, tyone takana axtɨ napakumanata. Axtɨ ityabairomañɨ, tyoneintyo aruki axɨmanu makumanatax ɨmoti Tupax. Axtɨ sane ñana, taruku nipukɨnunku, ixhanka aupukɨnunka chepeñɨ.

Filipenses 2:5

Apiña napakionko takana ñakionkoxti Cristo tɨkañe:

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

Colosenses 2:1

Ixhanka atusi aume axɨñɨ taruku nixhokɨmaka autaku, tyakumaintyo axɨbama auki Laodicea axɨbamaintyo chisuputaramapɨmañɨ.

Colosenses 3:10

tapɨ kaɨma kiatax tato nausɨboriki ñemanauntu axaño tyonema axɨbama aɨbo mañoñɨnka, axɨbama masamuña kiatax nausɨboriki takanati Tupax naki uiche aisamunenti naukɨtɨpɨ, masamuñaintyo apisuputakati nuxia.

Colosenses 4:12

Ñakionkoxti tanu aume Epafras, naki baserebioti ɨmoti Jesucristo. Tyonenti aukitanu abaxɨpekuki, taikiana meaboti autaku, mankioti pɨnanakiti Tupax nauki aruku nuxia aume apityoximia naukɨtɨpɨ ɨmo noñemaxti Tupax.

1 Tesalonicenses 2:7

Axɨsomɨ amonkosomɨ isiuti Jesús ane sobɨriaka, axtɨ suixhankapɨ sopiña sobɨriaka aume nauki apakumana suiñemo axɨna ane aboi, axɨsomɨ chɨsanempɨ soboi. Ityobo axɨmanu sane, naukiche amonkosomɨ auchepe axɨsomɨ taruku naukuasɨrɨkɨ suiñemo, takana taman paɨx taruku nipukɨrux auki ñasunaunkukux tyakuma axɨbama ipiaɨmakax.

1 Timoteo 1:2

nixhakionko tanu aemo Timoteo, ñemanaunkuxatoe isaɨkɨ auki axɨna numakokonaunku. Tari axti Tupax naki Uyaɨ axtityo Jesucristo naki yɨriabuxti oemo aikunusɨankanatiyɨ, apukɨruti atakukɨ taikianaintyo aixhimiakati nomɨnantɨ obi.

Tito 1:4

Axɨkɨ Tito, auki niyaka onkatɨ ɨmoti Jesucristo, sane naukiche axɨkɨ iñemo takana axtɨ isaɨkɨatoe. Sane naukiche xhankikia pɨnanakiti Uyaɨ, pɨnanakitityo Jesucristo naki uiche ane maximiakatax oemo tari akurusɨka uimia taikianaintyo aixhimiakama nomɨnantɨ obi.

Filemón 1:10

asamu nuxia iñemo asusiusuti Onésimo. Axti tyonenti takanati naki isaɨ, tyopiki sobi suraboi sukarɨti axɨba omixhia manityakax auna kauta yaka amanañɨmpo.

Filemón 1:19

Axɨñɨ, Pablo, ikonomota axɨna sane ui niñee: Sobi ityoximia aemo nebekixhti. Chixhankapɨ sukanañɨ aemo aiña au nɨri, tyopiki axɨkɨ ebeka iñemo nasɨborikiatoe.

Hebreos 5:7

Naukiche anankatiki Cristo iku axɨna kɨx, tosibikoti nuxia aɨbu nareoxti mankioti pɨnanakiti Tupax asamuti nuxia nauki añekati uiti pɨnanaki nikonkoxti, tyopiki axti Tupax ane nɨriakaxti aisamunenti sane. Tyopiki ñakokonaunkuxti Cristo, axti Tupax onsapetioti neankaxti.

Santiago 1:18

Axti Tupax sane nixhankaxti, toxio uiti osɨborikibo oboi axɨmanio ñemanauntu nuraxti, nauki axoñɨ ukusɨrɨka yupu nanaiña axɨba nisamukuxti.

1 Juan 2:1

Aukuasɨrɨka iñemo takana axɨbama isaɨtaiki. Xhakonomoka aume axɨna kichonimiakax tapɨ apisamute nomɨnantɨ. Axtɨ anati naki isamutenti nomɨnantɨ, anati esati Uyaɨ naki okɨmanabo utaku, axti Jesucristo, naki uxia ñapanaunkuxti.

1 Juan 2:12

Masaɨtaiki, xhakonomoka aume tyopiki axti Tupax moximiakana uiti nomɨnantɨ aboi yotopiki axɨba isamutenti Jesucristo.

1 Juan 5:21

Masaɨtaiki, amasasatɨ nuxia autakuapatoe ñɨnanama axɨbama chiñemanauntupɨ matupaka.

3 Juan 1:4

Champɨ kiatax uiche taruku nipukɨnunku axɨna tusiu iñemo axɨbama isaɨtaiki ikokotama axɨna ñemanauntu ñanunekasaxti Tupax oemo.