Gálatas 2:1 - Manityanati Tupax

¹ Yopɨrɨkɨ catorce naskɨbeka yakatɨ tatityo au Jerusalén chepeti Bernabé, yebotitityo Tito chepeñɨ.

Manitanati Tuparrü

¹ Nauquiche tübupasao catorce añoca, yacatü tatito au Jerusalén ichepeti Bernabé. Iquiacatito Tito isiuñü.

Gálatas 2:1 교차 참조

Hechos 11:25

Naukiche tomenotɨ naneneka. Axti Bernabé sɨrotitɨ au axɨmanio poka Tarso apacherioroti Saulo,

Hechos 11:30

Sane isamutema, bakɨpuruma aɨbu ñakumanataxɨma aɨbuti Bernabé ichepeti Saulo, ɨmo axɨmanuma mayɨriabuka au Judea.

Hechos 12:25

Naukiche axti Bernabé ichepeti Saulo, chauki yachɨkoimia au Jerusalén, basɨkɨbɨkoma tato, sɨrotitɨ isiuma axti Kuan nɨrixhtityo uimia Marcos.

Hechos 13:2

Taman nanenes amonkoma meaboma ɨmoti Yɨriabux, champɨityo axtɨ basoma axti Espíritu Santo nanti ɨmoma: “Apiñasama pese axti Bernabé ichepeti Saulo, ɨmo axɨmanu yachɨkoboiboma sobi.”

Hechos 13:50

Tapɨ axɨmanuma judíos manityanama yupu axɨmanio paɨka axɨba taruku niyupukɨrux tyaku makiataka, manityanamaintyo aɨbu mayɨriabuka auki axɨmanio poka, auki tɨborikoma uimia makiataka nauki atɨborimia ɨmoti Pablo chepeti Bernabé, nauki tapɨ sɨsioma au axɨmanu nikɨxɨma.

Hechos 14:12

Auki namatɨ ɨmoti Bernabé axti tupax Zeus, tapɨ ɨmoti Pablo axti tupax Hermes, tyopiki tyonenti naki manityanati.

Hechos 15:25

Sane naukiche chepe supakionko, nauki supakɨpu tanu ɨmo axɨbama mañoñɨnka aukina subaxɨpekuki, nauki aɨromatɨ asaborimia tanu aume, ichepe axɨbama usarukityaiki, axti Bernabé chepeti Pablo axɨbama taruku nikuaxɨma suiñemo.

1 Corintios 9:6

¿Axɨñɨ chepeti Bernabé axɨsomɨantai champɨ tyopikiche nauki apasaparasomɨ?

2 Corintios 2:13

Chuxiampɨ nixhakionko, tyopiki chɨtabɨkotipɨ sobi axti isaruki Tito. Auki ñasamuka nariox ɨmoma nauki yɨrotɨ au Macedonia.

2 Corintios 8:16

Chapie ɨmoti Tupax, tyopiki iñatati au nausasɨxti Tito nauki asaratitɨ autaku takana axɨñɨ.

2 Corintios 8:23

Axti Tito, tyonenti naki anati auna chepeñɨ ɨmo niyachɨkoi autaku. Tapɨ axɨmanuma toxɨma makiataka usarukityaiki, bakɨpukux ɨmoma uimia axɨbama ikokoromati Jesús manaunumaintyo ɨmoti Cristo.

Gálatas 1:18

Yopɨrɨkɨ trex naskɨbeka yakatɨ au Jerusalén nauki isuputarati Peru, akamanu chepeti anankañɨ quince naneneka.

Gálatas 2:13

Axɨmanuma makiataka judíos axɨbama ikokoromati Jesús sɨromatɨ isiu ñapantuxti Peru, tyopiki axtityo Bernabé isamutenti isiukimia.

Gálatas 2:3

Axti Tito naki anankati chepeñɨ, pɨnakapɨ griegoxti, chixhapataikiapɨ ɨmoti nauki circuncidaboti.

Gálatas 2:9

Axti Santiago chepeti Peru axtityo Kuan, tyonema axɨbama yɨriabuxɨma ɨmoma axɨbama ikokoromati Jesús, ikokotama ta uiti Tupax aityoximiati iñemo axɨna nisɨriaka, nauki atusi ta yasuriuruma somɨ chepema, ityoximiatama ne'esɨma iñemo ɨmotityo Bernabé, auki chepe ñakionkoxɨma nauki somenotɨ aɨbu axɨna supachɨkoi axɨpekuma axɨbama chɨtɨpɨ judíos, tapɨ axɨma sɨromatɨ axɨpekuma axɨbama judíos.

Colosenses 4:10

Axti Aristarco anati auna amanatipo chepeñɨ, ñakionkoxti tanu aume. Axtityo Marcos, naki yarukityoboti Bernabé. Axaño tɨtusiu aume axtɨ sɨrotitɨ tanu asarati año apasusiusuti nuxia.

Tito 1:4

Axɨkɨ Tito, auki niyaka onkatɨ ɨmoti Jesucristo, sane naukiche axɨkɨ iñemo takana axtɨ isaɨkɨatoe. Sane naukiche xhankikia pɨnanakiti Uyaɨ, pɨnanakitityo Jesucristo naki uiche ane maximiakatax oemo tari akurusɨka uimia taikianaintyo aixhimiakama nomɨnantɨ obi.