Filipenses 4:8 - Manityanati Tupax

⁸ Au nityakɨrux masarukityaiki, apiña napakionko ɨmo nanaiña axɨna ñemanauntu, nanaiña axɨna ane manaunkux ɨmo, nanaiña axɨna besɨro, nanaiña axɨna champɨ nomɨnantɨ kɨtɨpɨ, nanaiña axɨna uiche upukɨnunkatai, nanaiña axɨna uxia ɨmo namanaiña. Apiña napakionko yokɨtɨpɨ nanaiñantai mapanaunkuka, nanaiña axɨna koñotɨ uxia nuraxɨma kɨtɨpɨ.

Manitanati Tuparrü

⁸ Tacürurrü caüma nirranunecaca aume auqui na nirraconomoso. Suraboiraiqui arrüna sane: Apapensa iyo arrüna ñemanauntu, y iyo arrüna urria icu na cürrü, y iyo arrüna upucünunca icuata, y arrüna coñorrtai.

Filipenses 4:8 교차 참조

San Mateo 22:16

Sane naukiche bakɨpuruma ɨmo makiataka axɨbama aboma isiuma, ichepe axɨmanuma aboma isiuti Herodes, nauki namatɨ ɨmoti: –Maestro, tusiu suiñemo axɨkɨ ukanɨ axɨna ñemanauntu, axɨkɨ ñemanauntu anunekaka kutubiux ɨmoti Tupax, chaiñatapɨ isiu niñapanaunku makiataka, chanityakapɨ nauki aye ɨmoma axɨna nixhantɨmoma.

San Marcos 6:20

axti Herodes bixhubuti ñɨnanati, tyopiki tusiu ɨmoti uxia nisɨborikixhti, champɨityo nipɨnatenti, sane naukiche okɨmanati tyakuti. Axtɨ onkoiti nuraxti chɨtusiupatai ɨmoti kausane yachɨkoboiboti, uxia ɨmoti Herodes onsaperioti nuraxti Kuan.

San Lucas 16:15

Nanti Jesús ɨmoma: “Axaño apisamute takana axɨbama uxia nisɨborikixhimia sukarɨ makiataka, tapɨti Tupax isuputakaiti axɨna ane au nabausasɨ. Axɨna taruku nikuax ɨmo mañoñɨnka chuxiampɨ ɨmoti Tupax.

San Lucas 2:25

Au axɨmanu nasɨkɨbes tɨkañe po'osoti au Jerusalén tamanti ñoñɨnx nɨrixhti Simeón. Maniki ñoñɨnx uxia nisɨborikixhti, xhanxti asaraiti nikoñokokox tato Israel. Anati Espíritu Santo kɨtɨpɨti Simeón,

San Lucas 23:50

Anankati tamanti ñoñɨnx uxia nisɨborikixhti nɨrixhti Kiosen, po'osoti au Arimatea, axɨmanu tube ane au kɨx Judea. Tyonenti naki axɨpekukimia axɨmanuma mayɨriabuka judíos.

San Juan 7:18

Axti naki manityanati auki noñemaxtiatoe, yapachetioti nauki namanaiñantai uxia nastaxɨma ɨmoti. Tapɨti naki isamutenti axɨna noñemaxti naki uiche aikɨpuruti, tyonenti naki nanti axɨna ñemanauntu. Nanaiña uxia axɨna isamutenti.

Hechos 10:22

Axɨma aiñumuma: –Axɨsomɨ sobekatɨ ui yakɨpukuxti yɨriabux Cornelio, axti maniki ñoñɨnx uxia nɨsɨborikixhti, manaunuti ɨmoti Tupax taruku nikuasɨrɨkɨxti ɨmo axɨbama judíos. Tamanti ángel uiti Tupax nanti ɨmoti nauki aityasurutiyɨ aɨrotɨ au nipoxti, nauki onsaperioti nanunekaka.

Hechos 22:12

“Akamanu po'osoti tamanti ñoñɨnx, nɨrixhti Ananías, axti naki manaunuti ɨmoti Tupax, isiuki bakɨpukux uiti Moisés, namanaiña axɨmanuma judíos po'osoma au Damasco uxia nuraxɨma kɨtɨpɨti.

Hechos 6:3

Sane naukiche masarukityaiki, apapache sietema mañoñɨnka abaxɨpekuki axɨbama uxia au napakionko nauki amonkatɨ ɨmoma, axɨbama taruku ñapanaunkuxɨma axɨbamaintyo ane noñemaxti Espíritu Santo kɨtɨpɨma.

Romanos 13:13

Uikoñokona nosɨboriki takana axtɨ usaka au sapes. Uiñokoniona axɨmanio yarusɨrɨka basapakax nantax aɨbu norisɨbakax, tapɨ apityoximiata naukɨtɨpɨ ɨmo nomɨnantɨ, tapɨ autɨborikia aumeampatoe tapɨ abubatio nenaxi makiataka.

Romanos 13:3

Tyopiki axɨbama mayɨriabuka chabomapɨ nauki namanaiñantai aixhuma ñɨnanama axɨbama uxia nisɨborikixhimia, ta axɨbama chuxiampɨ nisɨborikixhimia. ¿Axianka uxia nasɨboriki aɨbuti yɨriabux? Aisamuse axɨna uxia, sane axti yɨriabux uxia uiti aemo.

Romanos 14:18

Axti naki baserebioti sane ɨmoti Cristo, uxia ɨmoti Tupax uxiaintyo ɨmo mañoñɨnka.

Romanos 2:29

Axti naki ñemanaunkuxatoe judío, tyonenti naki isamutenti nanaiña auki nausasɨxti, axti naki circuncidaboti isamutenti au nausasɨxti: chɨtɨpɨ isiuki Nikorox ta ui noñemaxti Espíritu Santo. Axti naki isamutenti sane, uxia au nastaxti Tupax chɨtɨpɨ au nastaxɨma mañoñɨnka.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

2 Corintios 13:7

Someankaityo ɨmoti Tupax autaku nauki tapɨ apisamute axɨba chomixhampɨ. Axɨsomɨ chisopityusiankatapɨ ta uxia suisɨboriki au nastaxti Tupax, ta nauki axaño apisamunio axɨba omixhia, champɨ nɨmoche takana axtɨ chuxiampɨ suisɨboriki.

2 Corintios 6:8

Ane auche ane ñanaunkuxɨma suiñemo, anentyo auche ɨnantɨ uimia suiñemo. Ane auche uxia nuraxɨma suiñemo, ane auche chuxiampɨ. Namatɨ suiñemo taruku supapantu, abo axɨna suburapoi ta ñemanauntu.

2 Corintios 8:18

Chepeti Tito, ikɨpukati tanu tamanti naki usaruki, axti naki uxia nuraxɨma kɨtɨpɨti axɨpekuma namanaiña axɨbama ikokoromati Jesús, tyopiki axɨna uxia ñanunekakaxti axɨba omixhia manityakax.

2 Corintios 8:21

sane naukiche suixhanka sopisamune nanaiña au nanentax, sukarɨti Tupax takanaintyo sukarɨ mañoñɨnka.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Efesios 4:25

Sane naukiche, tapɨ abasikia aɨbu napapantu, ta amukanaño axɨna ñemanauntu ɨmoti auposapa, tyopiki namanaiña axoñɨ tyone nenaxi taman kɨtɨpɨx.

Efesios 5:9

Ui noñema nesaxti Espíritu uisamute axɨna uxia axɨna besɨro axɨna ñemanauntu.

Efesios 6:14

¡Amasasatɨ nuxia! Tari axɨna ñemanauntu chepe axɨna besɨro ñapanaunkuxti Tupax ameno aukɨtɨpɨ nauki amokɨma autaku.

Filipenses 3:1

Sane naukiche, masarukityaiki, aupukɨnu tyopiki abaka chepeti Yɨriabux Jesús. Chubatapɨ iñemo ikonomo tatityo axɨna tikonomota aukutanu aume, tyopiki aume taruku nɨmoche.

Colosenses 4:5

Apisamuse nausɨboriki isiuki uxia napapanaunku sukarɨma axɨbama chikokoromatipɨ Cristo, tapɨ apiñensonokota axtɨ toxio aume apanuneka.

1 Tesalonicenses 4:12

sane namanaiña ane ñanaunkuxɨma aume axɨbama chikokoropɨmati Tupax, sane chapankikiapɨ axɨna nuxiantɨmo pɨnanaki makiataka.

1 Timoteo 2:2

Amea tyaku namanaiña mayɨriabuka, nauki uxia osoi oemoantoe tapɨ ane kausane nosɨboriki, aɨbu numakokonaunku ɨmoti Tupax taikiana uxia nosɨboriki aɨbu namanaiña.

1 Timoteo 3:11

Saneityo axɨba paɨka tari uxia niyosɨborikixh nauki makiataka ane ñanaunkuxɨma ñome, tapɨ ausɨrtai nuburax ñome pikiataka, tari opisamunena axɨba omixhia yupachɨkoi, tari apakokonau au nanaiña.

1 Timoteo 3:4

Tari aipiati asaratitɨ tyaku nipoxti tari aipiatityo anunekati ɨmoma axɨbama aɨtoxti nauki ane ñanaunkuxɨma ɨmo makiataka.

1 Timoteo 4:12

Tapɨ aicheta anati naki chuxiampɨ uiti aemo tyopiki yaɨxɨkɨkiapae. Aisamuse uxia nasɨboriki sukarɨma axɨbama ikokoromati Jesús axtɨ anityaka, aukityo nakumananaunku, nakokonaunku, tapɨ ane kausane nasɨboriki.

1 Timoteo 5:10

Tari namanaiña asuputanema axtɨ uxia tɨkañe nisɨborikixh yusiuki axɨba omixhia isamute. Axtɨ uxia ñasunaunkukux ɨmo axɨbama aɨtaiki, axtɨ uxia uixh ɨmoma axɨbama iñataimia au nipox, axtɨ iyaxɨbita nipopesɨma axɨbama ikokoromati Jesús, axtɨ asaratɨ tyakuma axɨbama takisɨrɨma. Ta sane, nanaiña axɨba opisamute axɨba omixhia.

1 Timoteo 5:2

Ñome axɨba poximianka anitya takana axtɨ anityaka aɨbu napakɨmantoe. Axɨba kupikikia anitya ñome takana axtɨ anityaka ñome nakiasityaiki, tari uxia nakionko yupu.

Tito 1:8

Taikiana uxia uiti ɨmoma axɨbama iñataimia au nipoxti, taikiana uxia nisɨborikixhti, besɨro ñapanaunkuxti, tapɨ ane nomɨnantɨ uiti, tari chiyaupɨ ñanaunkuxti.

Tito 2:14

Axti ityoximianatiyɨ ɨmo nikonkoxti utaku, nauki aikiaɨburuti oñɨ omeanaki nomɨnantɨ naukityo aisɨbuti nanaiña okɨtɨpɨki, sane kaɨma aɨtoxti oñɨ, nauki osoimatoe uisamunio axɨba omixhia.

Tito 2:2

Axɨbama mayɨriabuka, ukanɨ ɨmoma tari taikiana uxia ñapanaunkuxɨma. Tapɨ ikokotama ausɨratai, uɨbo ñakumananaunkuxɨma uiche aruku ɨmoma ñome ñityakisɨrɨkɨxɨma ñana.

Tito 2:7

au nanaiña, aityusianka ui nasɨboriki sukarɨma kausane aisamunema axɨna uxia. Axtɨ aiñununekakama, aisamuse axɨna ñemanauntu tapɨ apanka,

Tito 3:14

Axɨbama aboma usiu tari aipiama aisamunema axɨba omixhia nauki ayurama axtɨ ane nɨmoche, nauki uxia nisɨborikixhimia.

Hebreos 11:2

Axɨbama kusɨrɨboma tɨkañe usaɨbu uxia nisɨborikixhimia au nastaxti Tupax, tyopiki axɨma onkomatɨ ɨmoti.

Hebreos 13:18

Apanki pɨnanakiti Tupax suichaku, tyopiki tusiu suiñemo champɨ sopipɨnate ɨmoti Tupax, tyopiki axɨsomɨ sopiñata nuxia nauki besɨro suisɨboriki.

Santiago 1:27

Axɨna ñemanauntu makokonaunkux ɨmoti Tupax axti naki Uyaɨ tyone axɨna sane: basaratɨ tyakuma axɨbama tɨkoiñoma yaɨtoxɨma axtɨ takisɨrɨma axɨbaityo biuraka, au niyutakisɨrɨkɨx, tapɨ uisamute nomɨnantɨ ikuki axɨna kɨx.

Santiago 3:17

Tapɨ axɨbama ane uimia ñapanaunkuxti Tupax, chisamutempɨma axɨna chuxiampɨ ta yapachetioma uxia uimia ɨmomantoe, makokonaunxɨma, taruku ñakumananaunkuxɨma aɨbu makiataka. Taruku nipukɨruxɨma tyaku axɨbama takisɨrɨma, taikiana besɨro nisɨborikixhimia isamutema axɨna uia.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Pedro 2:12

Taikiana uxia nausɨboriki axtɨ abaka axɨpekuma axɨbama chikokoropɨmati Tupax. Sane axtɨ kaɨma chuxiampɨ nuraxɨma aume, takana axɨbama chuxiampɨ nisɨborikixhimia, astaimia ñana axɨna uxia apisamute auki machampienkanama ɨmoti Tupax uimia au axɨmanu tyakɨrux nanenes ñana.

1 Pedro 4:8

Tari taruku naukuasɨrɨkɨ aumeampatoe, tyopiki axɨna makumananaunkux ane maximiakatax uixh ñome axɨba nomɨnantɨ.

2 Pedro 3:1

Masarukityaiki, tyone axɨna kiatax nixhakonomoso aume. Yuku axɨba tox nixhakonomoso ixhanka xhanuneka aume nauki besɨro napapanaunku.

1 Juan 3:18

Masaɨtaiki, tapɨ manityakaxtai axɨna numakumananaunku, uityusiankana ui axɨna uxia uisamute.

1 Juan 3:3

Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.

1 Juan 4:1

Masarukityaiki, tapɨ apikokota nuraxɨma axɨbama namatɨ profetaxɨma, apiña makokotox ɨmoma, nauki atusi axtɨ ñemanauntu axɨmanu nuraxɨma. Tyopiki iku axɨna kɨx sɨrɨmanama axɨbama mapañama anityama au nɨrixhti Tupax.