Filipenses 3:8 - Manityanati Tupax

⁸ Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

Manitanati Tuparrü

⁸ Nanaiña arrüna isamute tücañe, caüma champü niyaserebiquirri iñemo, itopiqui chauqui tisuputacati Cristo. Iñemo caüma champüqui niyupaserebiquirri nanaiña arrüba ausüratai, tacana sumenurrtai iñemo caüma icu na cürrü, itopiqui tabüco sobi arrüna champü tacanache nivialequirri, arrüna tisuputacati Cristo Jesús, naqui Señor. Tonenti naqui tarucu nicuarrti iñemo.

Filipenses 3:8 교차 참조

San Lucas 1:43

¿Isane niyaka, nauki ayekatɨ asarañɨ nipiakɨ Nɨriabux iñemo?

San Lucas 11:20

Axtɨ axɨñɨ xhakɨpuka ɨmo machoboreka ui ne'esti Tupax, uixh atusi nɨriakaxti Tupax chauki tiñatai abaxɨpeku.

San Juan 14:20

Au axɨmanu nanenes ñana, tusiu aume axɨñɨ yaka ichepeti Iyaɨ, tapɨ axaño abakaityo ichepeñɨ, axɨñɨntyo yaka auchepe.

San Juan 14:7

Axtɨ ausuputakañɨ, ausuputakatityo ñana Iyaɨ. Auki na kaɨma chauki tausuputakati chaukityo tamasakati.

San Juan 16:3

Isamutema axɨna sane ityopiki chisuputaramatipɨ naki Iyaɨ, takanaintyo axɨñɨ.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 17:8

Tɨsurapoi sukarɨma nanaiña axɨna ukanɨ iñemo, axɨma yasutiuma. Tɨtusiu ɨmoma ta ñemanauntu isekatɨ atupekukikɨ, ikokotamaintyo ta obi aikɨpukañɨ.

San Juan 20:13

Axɨmanuma ángeles ñankitioma pɨnanaki: –Axɨkɨ paɨx, ¿kausane areorakakɨ? Tyone aiñumu nuraxɨma: –Tyopiki sɨrotɨ oboi nikɨtɨpɨ Nɨriabux iñemo, chɨtusiupɨ iñemo kauta opiñata.

San Juan 20:28

Aiñumuti Tyomanxi: –¡Axɨkɨ Tupaxɨkɨ axɨkɨtyo Yɨriabuxɨkɨ iñemo!

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

Romanos 8:18

Axɨñɨ tusiu iñemo, axɨna nutakisɨrɨkɨ kaɨma, chuichepekatapɨ aɨbu axɨmanu nanentakax esati Tupax axɨna bastaboibo ñana.

Romanos 8:39

nipɨ axɨna taruku napetaikixh nipɨ axɨna taruku notɨkɨx nipɨ axɨba pikiataka nisamukuxti Tupax. ¡Champɨ uiche aiñana oñɨ pese pɨnanaki nukuasɨrɨkɨ ɨmoti Tupax axɨna ityusiankatati aɨbuti Cristo Jesús naki Yɨriabux oemo!

1 Corintios 2:2

Naukiche anankañɨ abaxɨpeku, chixhankapɨ atusi iñemo kiatax, axɨna nixhantɨmo ta nauki atusi iñemo nanaiña kɨtɨpɨti Jesucristo, axti Jesucristo naki takubaxioti kɨtɨpɨ kurusɨx.

1 Corintios 9:10

ta onkotitɨ utaku. Tyopiki axɨmanu bakɨpukux korobo tɨkañe utaku. Sane takanati naki masamunuti ñanaunx takanatityo naki iporeatati niyakiyoxti tari aisamunema tyopiki ane ñana toxiobo ɨmoti onɨki axɨmanu niyakiyoxti.

2 Corintios 4:4

Tyopiki axɨma chikokotapɨma, axti naki tupax ikuki axɨna kɨx (axti chobores) uiti tabuxio ñapanaunkuxɨma, nauki tapɨ astaimia nanentakax axɨba omixhia manityakax uiti Yɨriabux Jesús, tyone axɨna sɨboriko nausɨpɨtuxti Tupax.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

Gálatas 1:16

ui nipukɨruxti ityusiankatati Aɨtoxti sukarɨñɨ, nauki suraboi axɨba omixhia nuraxti axɨpekuma axɨbama chɨtɨpɨ judíos. Tapɨ axɨñɨ chiyakapɨtɨ xhankiyo pɨnanaki mañoñɨnka.

Efesios 4:13

chepe axtɨ tɨnamanaiña axoñɨ ui axɨna numakokonaunku chepe nusaka chepeti ui axɨna usuputakati Aɨtoxti Tupax, sane aye osoi besɨro nosɨboriki takana nisɨborikixhti Cristo.

Filipenses 1:1

Masarukityaiki axɨbama ikokoromati Jesús auki Filipos: Axɨñɨ, Pablo chepeti Timoteo, axɨbama supaserebikia ɨmoti Jesucristo, supakionko tanu aume, axɨbama ikokoromati Tupax tyopiki abaka chepeti Jesucristo. Supakionkoityo ɨmoma axɨbama mayɨriabuka aume, ɨmomaintyo axɨbama baserebioma aume au nɨrixhti Cristo.

Filipenses 3:10

Axɨna nixhantɨmo kaɨma ta nauki isuputarati Cristo, nauki ñonkisio sɨtɨpɨñɨ nɨriaka nisɨborikixhti tato nauki ichakisɨrɨtyo takana nityakisɨrɨkɨxti. Nauki saneityo nisonko ñana takana nikonkoxti,

Filipenses 3:12

Chɨsukanapɨñɨ tiyebo nanaiña sobi, champɨityo axtɨ besɨroapae nisɨboriki. Axɨna sukanañɨ ta yakaiki aɨbu niyapacheki, kausane iñanai au nityakɨrux ñana, tyopiki ɨmo aixhimiakati Jesucristo iñemo.

Filipenses 3:7

Nanaiña axɨna tɨkañe taruku nikuax iñemo, tapɨ kaɨma tyopikiti Cristo, au nixhakionko champɨki nanenekiche iñemo.

2 Timoteo 4:6

Axɨñɨ tɨsaimia ityoximia nisɨboriki takana makumanatax. Tɨsaimia nisonko.

Hebreos 3:14

Tyopiki axoñɨ toxioityo ñana oemo axɨmanu toxiobo ɨmoti Cristo, axtɨ oñonkatɨ nuxia aɨbu narukux oemo chepe nityakɨrux takana aukiapae maɨbo.

1 Pedro 2:7

Axaño axɨbama apikokokata, axɨmanu kanx taruku nikuax. Tapɨ axɨbama chikokotapɨma isamutema takana nantɨ iku Nikorox: “Axɨmanu kanx yarutaɨbutama axɨbama masamunuma poka, tyone axɨna kanx taruku nɨmoche.”

2 Pedro 1:2

Apasusiu yarusɨrɨx nipukɨruxti Tupax, tari uitityo taikiana uxia aboi aumeampatoe tyopiki tausuputakati Tupax axtityo Jesús naki Yɨriabux oemo.

2 Pedro 1:3

Axti Tupax ui nɨriakaxti toxio oemo nanaiña axɨna nuxiantɨmo, nauki uisamune nosɨboriki isiu nixhankaxti. Uiti Tupax atoxi oemo nanaiña axɨmanu sane naukiche iyusianakanatiyɨ Jesucristo usukarɨ. Auki nakaxti samamekana oñɨ nauki aye osoi au axɨmanu champɨ takanache nanentakax esati.

2 Pedro 1:8

Axtɨ axaño ausuputakati Jesucristo, apisamute nanaiña axɨba sane taikiana apapache nikiubu año kausane apisamune uxia nuxia. Sane apisamute axɨna uxia au nausɨboriki.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

1 Juan 1:3

Suburapoi ausukarɨ, axɨna sumastai axɨnaintyo somonkoi, nauki axaño apiyoberabakaño suichepe, takana axɨsomɨ subaka chepeti Tupax, naki Uyaɨ, chepetityo Jesucristo naki Aɨtoxti.

1 Juan 2:19

Axɨmanuma chuxiampɨ uimia ɨmoti Cristo taikiana aiyoberabaramakɨ ochepe, ñemanauntu chɨtɨpɨ usarukimia. Tyopiki axtɨ ñemanauntupɨ tyonempɨma usarukityaiki sɨsiopɨma ochepe. Uxiante sane nauki atusi nuxia ta chɨnamanaiñampɨ tyonema axɨbama usarukityaiki.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.