Filipenses 3:11 - Manityanati Tupax

¹¹ ixhanka nauki axti Tupax aisɨmoniankanatiñɨ tato ñana axɨpekuki makoiñoka.

Manitanati Tuparrü

¹¹ Sane nauquito isübori tato ñana tacantito Cristo.

Filipenses 3:11 교차 참조

San Lucas 14:14

Sane taruku napukɨnunku. Tyopiki axɨma champɨ uiche apakama aemo, tapɨ axɨkɨ ane ñana toxiobo aemo ityobo au axɨmanu nanenes auche sɨborikoma tato axɨbama uxia nisɨborikixhimia.

San Juan 11:24

Marta nantɨ ɨmoti: –Tusiu iñemo, tyone sɨboriko tato ñana axtɨ bosɨboriko tato axɨba tɨmokoiño tɨkañe, au axɨmanu nityakɨrux nanenes.

Hechos 23:6

Auki kuatɨ au ñakionkoxti Pablo, aboma axɨpekukimia axɨmanuma mayɨriabuka axɨbama nɨrixhimia saduceos abomaintyo axɨmanuma fariseos, manityanati rabotɨ nuxia nuraxti: –Masarukityaiki, axɨñɨ fariseoxɨñɨ, axti iyaɨ fariseoxti. Ane axɨna chɨrɨri saɨbuñɨ, ityopiki ikokota sɨborikoma tato ñana axɨbama tɨkoiñoma.

Hechos 26:7

Axɨmanuma doce aɨtoxti Israel aboma aɨbu yaxɨperakaxɨma nauki uxiane axɨmanu ɨriotɨ tɨkañe, sane naukiche manaunuma ɨmoti Tupax, baserebioma ɨmoti au sapes autyo tobixh. Tyopiki axɨna saneityo isamute, yɨriabux Agripa, axɨbama judíos yaka au chɨrɨri uimia.

Hechos 27:12

Au axɨmanu kauta opiñatai axɨba canoa chuxiampɨ nuxia nauki sɨsioma akamanu ñome axɨmanio naneneka ximianene, tɨsaipɨ namanaiña chepe ñakionkoxɨma nauki aɨromatɨ aukimanu xhanxɨma aiñanaimia au Fenice, axɨmanu kauta opiñatai canoa au Creta, axɨmanio poka akamanu abe au nityoripiakɨ tansɨrɨ ɨmo mankax.

Romanos 11:14

Ixhanka nauki aboma axɨbama isarukityaiki ɨnantɨ ɨmoma autopiki, sane aikiaɨburuma año eanaki nomɨnantɨ.

1 Corintios 15:23

Ta taikianati taman sɨroti kauta koñotɨ ɨmoti: kusɨrɨboti Cristo. Axtɨ tɨkuatati tato, sɨromatityo axɨbama ikokoromati.

1 Corintios 9:22

Naukiche anankañɨ axɨpekuma axɨbama apekiatai aikokoromati Jesús, axɨñɨntyo isamute takana axɨma, nauki aikokoma isiukiñɨ. Sane isamute takana nisɨboriki namanaiña, sane nauki aboma axɨbama ane maximiakatax ɨmoma axɨpekukimia.

1 Corintios 9:27

Tapɨ axɨñɨ takisɨrɨ sobi nisɨtɨpɨ iñununekata nauki aisamune isiu nixhanka, chuxiampɨ axtɨ xhanuneka ɨmo makiataka tapɨ axɨñɨ chisamutempɨ.

2 Corintios 11:3

Axɨñɨ ixhuka, tapɨ takana Eva tapeneko tɨkañe ui ñatachemakaka noixhobox, saneityo axaño tapɨ autapeneka nauki napapanaunku tapɨ sɨro pese aboi pɨnanakiti Cristo.

1 Tesalonicenses 3:5

Sane naukiche, axɨñɨ ui nixhakionko abapa, ikɨpukati tanu Timoteo, tyopiki ixhanka atusi iñemo axtɨ axaño apikokokatiki Tupax. Ixhuka autaku tapɨ autapeneka ui ñakokotoxti chobores nauki sane kaɨma munatai axɨna supanunekaka aume.

2 Tesalonicenses 2:3

Tapɨ chebo aboi anati matachemakana aume. Axɨmanu nanenes ñana chɨkuapɨtɨ chepe axtɨ atɨraimia kutakikiboti Tupax axɨmanuma chuxiampɨ uimia ɨmoti akamanu ityusiankanatiyɨ maniki ñoñɨnx champɨ nikoñoko nisɨborikixhti, naki toxiobo ɨmo nikonkoxti.

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Hebreos 11:35

Abe paɨka axɨba omonkotɨ ɨmoti Tupax, sane naukiche niñupaɨmakax axɨbama tɨkoiñoma sɨborikoma tato. Aboma axɨbama onkomatɨ nuxia ɨmoti Tupax ta chixhanxɨpɨma añekama ui nikonkoxɨma tyopiki axtɨ sɨborikoma tato koñoxatai axɨmanu nisɨborikixhimia.

Apocalipsis 20:5

Tapɨ axɨmanuma makiataka makoiñoka chɨsɨborikopɨma tato yopɨrɨkɨ axɨmanio mil naskɨbeka. Tyone axɨna kusɨrɨbo sɨborikixh tato.