Filipenses 2:5 - Manityanati Tupax

⁵ Apiña napakionko takana ñakionkoxti Cristo tɨkañe:

Manitanati Tuparrü

⁵ Tapü tacürusu napaquionco iyo manu ñapensacarrti Cristo tücañe, apapensasio isiuquiti:

Filipenses 2:5 교차 참조

San Mateo 11:29

Apasusiu axɨna iñata autapeu, apisamuse nanaiña isiukiñɨ, axɨñɨ taruku nipukɨru axɨnaintyo niyausasɨ uxia uixh. Sane apikuñutui kauta apatochee.

San Lucas 22:27

¿Ñakuti naki taruku nɨriakaxti, taki naki tɨmonsoti nauki a'ati, o axti naki baserebio? ¿Ensapɨ chɨtɨpɨti naki tɨmonsoti a'ati? Tapɨ axɨñɨ yaka auna abaxɨpeku takanati naki baserebio.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Hechos 20:35

Nantaxtai iñununekakaño ta sane uisamute axɨna nubachɨkoi, nauki bachetyo noñenaxi ɨmo axɨbama champɨ ane ɨmoma, sane tapɨ takɨrusu numakionko iyo axɨmanu nuraxti Yɨriabux Jesús, naukiche nanti: ‘Taruku nupukɨnunku axtɨ makumanaka, pɨnanaki baxɨpera basuriu.’

Romanos 14:15

Tapɨ axtɨ ityopiki pemakax axti aruki sucheboti, ta tyopiki axɨkɨ chɨkuasɨrɨtipɨ aemo. ¡Tapɨ auki naka napemaka aiñanatiyɨ pese naki ityopikiche akonti Cristo!

Romanos 15:3

Tyopiki axti Cristo tɨkañe champɨityo axtɨ yapachetioti nauki uxia nisɨborikixhti ɨmotiatoe. Aɨbuti omixhante axɨmanu nantɨ iku Nikorox: “Axɨmanio nipɨnatema axɨmanuma unumakɨ sobi yasuriu.”

Romanos 15:5

Uiti Tupax, taikiana uxia napakionko tari uiti taikiana uxia nausɨboriki abaxɨpekuapatoe, takana nisɨborikixhti Jesucristo tɨkañe,

1 Corintios 10:33

Axɨñɨ au nisɨboriki isamute nanaiña axɨna uxia ɨmo makiataka, chiyapachetiopɨ axɨna uxia ñemoantoe ta yapachetio axɨna uxia ɨmo namanaiña, nauki ane ɨmoma maximiakatax.

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Filipenses 1:1

Masarukityaiki axɨbama ikokoromati Jesús auki Filipos: Axɨñɨ, Pablo chepeti Timoteo, axɨbama supaserebikia ɨmoti Jesucristo, supakionko tanu aume, axɨbama ikokoromati Tupax tyopiki abaka chepeti Jesucristo. Supakionkoityo ɨmoma axɨbama mayɨriabuka aume, ɨmomaintyo axɨbama baserebioma aume au nɨrixhti Cristo.

1 Pedro 2:21

Ta ɨmo axɨna sane ityasuruti año Tupax, tyopiki axti Cristo takisɨrɨti tɨkañe otopiki, sane nauki apisamune isiukiti.

1 Pedro 4:1

Sane, takanati Cristo takisɨrɨti au nikɨtɨpɨxti, apisamusentyo sane isiukiti. Axti naki takisɨrɨti au nikɨtɨpɨxti onkono uiti axɨna nomɨnantɨ,

1 Juan 2:6

Axti naki nanti anati chepeti Tupax, tari aisamunenti nisɨborikixhti takana nisɨborikixhti Jesucristo.