Filipenses 2:3 - Manityanati Tupax

³ Tapɨ ane isane apisamute tyopiki chuxiampɨ aboi ɨmo makiataka o tyopiki au napakionko champɨti kiatax amopɨrɨkɨ. Tapɨ sane aboi, amasasatɨ ɨmo makiataka takana axtɨ taruku nipiakaxɨma amopɨnanaki.

Manitanati Tuparrü

³ Tapü apiñacaño manrrü pünanaqui maquiataca. Tapü vanurrü año. Mejor apichimiancasaño aübu napapensaca que arrti quiatarrü manrrü buenurrti amopünanaqui.

Filipenses 2:3 교차 참조

San Lucas 18:14

Sukanañɨ aume axti naki bakaɨburuti monixh sɨrotitɨ tato au nipoxti tɨxhimiakana nomɨnantɨ uiti, tapɨti maniki fariseo chɨsanempɨ. Tyopiki axti naki au ñakionkoxti taruku napekixhti, tyonenti ñana champɨ nɨmocheti. Tapɨti naki iñoxonkonotiyɨ, sɨrotitɨ ñana ape.”

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

Romanos 13:13

Uikoñokona nosɨboriki takana axtɨ usaka au sapes. Uiñokoniona axɨmanio yarusɨrɨka basapakax nantax aɨbu norisɨbakax, tapɨ apityoximiata naukɨtɨpɨ ɨmo nomɨnantɨ, tapɨ autɨborikia aumeampatoe tapɨ abubatio nenaxi makiataka.

Romanos 2:8

Tapɨ axɨbama chuxiampɨ nisɨborikixhimia, toxio ñana ɨmoma ityakisɨrɨkɨboma, axɨbama chuxiampɨ ɨmoma axɨna besɨro ta uxia ɨmoma axɨna nomɨnantɨ.

1 Corintios 15:9

Axɨñɨ simiamañɨantai axɨpekuma axɨbama apóstoles, chɨkoñopɨtɨ iñemo sane nisɨri takana axɨmanuma makiataka, tyopiki tɨkañe ikuneunkama axɨbama ikokoromati Jesús.

1 Corintios 3:3

tyopiki masiomankaiki año, axɨna autɨborikiatai aumeampatoe abubatioityo namenaxi, tyopiki masiomankaiki año apisamute takana ñapanaunkuxɨmantai mañoñɨnka.

2 Corintios 12:20

Tyopiki ixhuka axtɨ yɨkatɨ tanu yasaraño, chautabɨkapɨ sobi takana axɨna nixhanka, saneityo axaño chichabɨkapɨ aboi takana nauxianka. Ixhuka tapɨ chuxiampɨ aboi aumeampatoe, autɨborikiatai aumeampatoe, abubatio nenaxixhti kiatax, taikianati taman tyakutiatoe ñakionkoxti, chuxiampɨ napanityaka kɨtɨpɨti kiatax, abasikia aburapakai nisɨborikixhti kiatax, au napakiomko champɨti kiatax amopɨrɨkɨ, champɨityo nuxiantux abaxɨpeku.

Gálatas 5:15

Amasasai nuxia, tyopiki axtɨ chɨtamampatai axɨna chuxiampɨ aboi aumeampatoe, mameso nausɨboriki aboiyapatoe.

Gálatas 5:26

Tapɨ oñonkatɨ oemoantoe pɨrɨkɨ makiataka, tapɨ matɨmoniankaka ɨmo makiataka, tapɨ uyubatio nenaxi makiataka.

Efesios 4:2

Tapɨ amonkatɨapae aumeampatoe, tari taruku napakumananaunku. Tapɨ apapataikiatai aɨbu makiataka, aɨbu napakumananaunku amasasatɨ autakuapatoe.

Efesios 5:21

Axaño axɨbama apiñanaunkati Cristo, tari apakokonau aumeampatoe.

Filipenses 2:14

Apisamuse nanaiña tapɨ apanityaka axɨna chuxiampɨ kɨtɨpɨti kiatax tapɨ aburatokikia,

Colosenses 3:12

Taruku naukuasɨrɨkɨ ɨmoti Tupax, uiti samamekana año nauki sane kaɨma aɨtoxti año. Sane naukiche apiña nuxia nauki uxia nausɨboriki, tari akuasɨrɨma aume makiataka, apakumananau, aupukɨru tyaku makiataka, apasamunau aɨbu makiataka.

Colosenses 3:8

Ta kaɨma apiñokosio nanaiña axɨba nomɨnantɨ: tapɨ autɨborikia, tapɨ apisamute axɨna chuxiampɨ ɨmoti kiatax, tapɨ chuxiampɨ napanityaka kɨtɨpɨti Tupax, tapɨ ausɨratai napanityaka kɨtɨpɨti ausɨborisapa.

1 Timoteo 6:4

au ñakionkoxti champɨti kiatax pɨrɨkɨti abo champɨ nipiakaxti. Chuxiampɨ axɨna sane niyachɨkoiti, ui axɨna sane kuatɨ tɨborixh, unkux, champɨti onkotɨ ɨmoti kiatax

1 Pedro 3:8

Au nityakɨrux, namanaiña taikiana uxia aboi aumeampatoe, aukuasɨrɨtyo aumeampatoe. Taikiana chepe napakionko ɨmo namanaiña. Taikiana uxia nausɨboriki aɨbu namanaiña.

1 Pedro 5:5

Saneityo axaño mayaɨka, apakokonau ɨmo nɨriakaxɨma axɨbama mayɨriabuka aume. Namanaiña apakokonau aumeampatoe aɨbu naupukɨnunku. Tyopiki nantɨ sane iku Nikorox: “Chuxiampɨ ɨmoti Tupax axɨbama au ñakionkoxɨma champɨti kiatax ipiakati pɨrɨkɨma, ta asaratitɨ aɨbu nipukɨruxti tyakuma axɨbama takisɨrɨma.”