Filipenses 1:1 - Manityanati Tupax

¹ Masarukityaiki axɨbama ikokoromati Jesús auki Filipos: Axɨñɨ, Pablo chepeti Timoteo, axɨbama supaserebikia ɨmoti Jesucristo, supakionko tanu aume, axɨbama ikokoromati Tupax tyopiki abaka chepeti Jesucristo. Supakionkoityo ɨmoma axɨbama mayɨriabuka aume, ɨmomaintyo axɨbama baserebioma aume au nɨrixhti Cristo.

Manitanati Tuparrü

¹ Arrüñü Pablo ichepeti Timoteo supaserebiquia ümoti Jesucristo. Supaconomoca ümo namanaiña bama icocoromati Jesús au mano pueblurrü Filipos, bama samamecana ümoti. Supaquionco tanu aume, masaruquitaiqui y ümo namanaiña bama mamayoreca y ümo bama ayuranterrü abarrüpecu.

Filipenses 1:1 교차 참조

San Marcos 13:34

Apisamuse takanati maniki ñoñɨnx, naukiche tɨsaimia niyɨkɨxti iche, iñokotati nipoxti mekuma axɨmanuma nikumanakataxti yakɨna asaramatɨ tyaku. Onkonoma uiti taikianati taman aɨbu niyachɨkoiti, bakɨpuruti ɨmoti maniki yɨriabux uiti tari asaratitɨ nuxia.

San Juan 12:26

Axtɨ abaxɨpekuki aboma axɨbama xhanxɨma aserebimia iñemo, tari aikokoma nisura. Kauta ñana niyaka akamanuintyo nakaxɨma axɨbama baserebioma iñemo, ane toxiobo ityobo uiti Iyaɨ ɨmoma.

Hechos 1:20

Sane uxiante axɨmanu korobo iku Salmos: ‘Tari kɨcheka au nipoxti, tapɨ anati po'oso akamanu.’ Aneityo korobo sane: ‘Tari ñatokonati kiatax aɨbu yachɨkoiti.’

Hechos 20:28

Sane naukiche, amasankatɨ autakuapatoe amasasatɨtyo tyaku namanaiña axɨbama ikokoromati Jesús, axɨbama toxioma aume uiti Espíritu Santo nauki amasaratɨ tyakuma.

Hechos 9:13

Naukiche onkoiti Ananías axɨna sane manityakax, nanti: “Yɨriabux, sɨrɨmanama urapoimia sukarɨñɨ nisɨborikixhti maniki ñoñɨnx, nanaiñaintyo axɨba nomɨnantɨ isamutenti au Jerusalén ɨmo axɨbama ikokoromakɨ.

Romanos 1:1

Ñakionkoxti Pablo tanu aume, naki baserebioti ɨmoti Jesucristo, ityasurutiñɨ yɨrotɨ isiuti, samamekanañɨ uiti nauki xhanuneka nuraxti.

Romanos 1:7

Namanaiña axɨbama po'osoma au Roma, taruku naukuasɨrɨkɨ ɨmoti Tupax batasukuxtyo aume apipesɨnaka nausɨboriki. Tari uiti Tupax naki Uyaɨ, axtityo Jesucristo aukurusɨka uimia taikianaintyo aixhimiakama nomɨnantɨ aboi aumeampatoe.

1 Corintios 16:10

Axtɨ iñataiti Timoteo abaxɨpeku, apapache nikiubu año nauki uxia nakaxti abaxɨpeku, tyopiki axti baserebiotityo ɨmoti Yɨriabux Jesús takana axɨñɨ.

2 Corintios 1:1

Axɨñɨ Pablo, yaka isiuti Jesucristo ui noñemaxti Tupax, axtityo usaruki Timoteo, supakionko ɨmoma axɨbama ikokoromati Tupax au Corinto, ɨmomaintyo namanaiña axɨbama ikokoromati Tupax axɨbama aboma au Acaya.

Gálatas 1:10

Axɨñɨ chiyapachekapɨ nauki uxia nastaxɨma mañoñɨnka iñemo, ta yapachetio nauki uxia nisɨboriki au nastaxti Tupax. Chiyapachetiopɨ uxia nisɨboriki aɨbu mañoñɨnka. ¡Axtɨ sane sobi, chɨtɨpɨ ɨmoti Cristo niyaserebiki!

Gálatas 3:26

tyopiki axɨna uikokokati Cristo Jesús namanaiña axaño aɨtoxti Tupax año,

Gálatas 3:28

Champɨki nɨmoche axtɨ judío o chɨtɨpɨ judíos año, axtɨ kumanakax o champɨ, axtɨ axti ñoñɨnx o paɨx. Tyopiki axtɨ usaka chepeti Jesús, namanaiña kunauntaña nusaka.

Efesios 1:1

Axɨñɨ Pablo, yaka isiuti Jesús ui noñemaxti Tupax, nixhakionko ɨmo namanaiña axɨbama auki Éfeso axɨbama ikokoromati Jesús aboma chepeti.

Efesios 1:15

Axɨñɨ ipiate ta apikokokati Yɨriabux Jesús kuasɨrɨmaintyo aume namanaiña axɨbama ikokoromati Jesús,

Efesios 6:24

Tari uiti aikunusɨankanati año namanaiña axɨbama taruku nikuasɨrɨkɨxti Yɨriabux Jesucristo ɨmoma.

Filipenses 2:19

Ñonkatɨ ɨmoti Yɨriabux Jesús, nauki ikɨpuruti Timoteo tanu aubesa, nauki sane ipukɨnu axtɨ ipiate kausane nausɨboriki.

Filipenses 2:5

Apiña napakionko takana ñakionkoxti Cristo tɨkañe:

Filipenses 3:12

Chɨsukanapɨñɨ tiyebo nanaiña sobi, champɨityo axtɨ besɨroapae nisɨboriki. Axɨna sukanañɨ ta yakaiki aɨbu niyapacheki, kausane iñanai au nityakɨrux ñana, tyopiki ɨmo aixhimiakati Jesucristo iñemo.

Filipenses 3:3

Tyopiki axɨbama ñemanauntu circuncidaboma ta axoñɨ, axɨbama ui noñemaxti Espíritu Santo uiñanaunkati Tupax tarukuityo nupukɨnunku tyopiki usaka chepeti Jesucristo. Choñonkapɨtɨ ñome axɨba ausɨratai ikuki axɨna kɨx.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

1 Tesalonicenses 1:1

Masarukityaiki axɨbama ikokoromati Jesucristo auki Tesalónica: Axɨñɨ Pablo, chepeti Silvano, axtityo Timoteo, supakionko tanu aume axɨbama apikokokati Tupax axtityo Yɨriabux Jesucristo. Tari aukurusɨka uiti Tupax taikianaintyo aixhimiakati nomɨnantɨ aboi.

1 Tesalonicenses 2:2

Tɨtusiuityo aume au axɨmanio poka au Filipos uratokioma suiñemo okɨsiomaintyo suiñemo, ui noñemaxti Tupax suburapoi ausukarɨ nuraxti, aɨbu nanaiña narukux suiñemo.

2 Tesalonicenses 1:1

Masarukityaiki axɨbama ikokoromati Jesús auki Tesalónica: Axɨñɨ Pablo, axti Silvano axtityo Timoteo, supakionko tanu aume axɨbama aɨtoxti Tupax naki Uyaɨ axtityo Yɨriabux Jesucristo.

2 Tesalonicenses 1:10

Axtɨ kuatati ñana yɨriabux nauki anauma ɨmoti axɨbama ikokoromati. Axañointyo abaka chepema, tyopiki apikokota axɨmanio omixhia manityakax sopiñununekakaño.

1 Timoteo 1:2

nixhakionko tanu aemo Timoteo, ñemanaunkuxatoe isaɨkɨ auki axɨna numakokonaunku. Tari axti Tupax naki Uyaɨ axtityo Jesucristo naki yɨriabuxti oemo aikunusɨankanatiyɨ, apukɨruti atakukɨ taikianaintyo aixhimiakati nomɨnantɨ obi.

1 Timoteo 3:8

Saneityo axɨbama Diáconos, tari uxia nisɨborikixhimia au nastaxɨma namanaiña, tapɨ mapañama ɨmo makiataka tapɨ taru norisɨbaxti, tapɨ taruku nixhankaxɨma ɨmo monixh.

Tito 1:1

Ñakonomosoxti Pablo, nikumanakataxti Tupax naki nesaxti apóstol Jesucristo, uiti aikɨpuruti nauki axɨbama samamekanama uiti Tupax aikokoma asuputariomaintyo axɨba ñemanauntu nuraxti Tupax,

Tito 1:7

Axti yɨriabux ɨmoma axɨbama ikokoromati Jesús tyonenti naki asarabotɨ yutaku nuraxti Tupax, sane naukiche tari champɨ urapoboiboma kɨtɨpɨti. Taikiana uxia nisɨborikixhti aɨbu makiataka, tapɨ naki chabo'ox, tapɨ naki uxia ɨmoti chɨrɨri, tapɨ naki xhanxti enaxioti auki naka makiataka.

Filemón 1:1

Axɨñɨ Pablo, yaka auna amanañɨmpo tyopikiti Cristo Jesús, ichepetityo usaruki Timoteo supakionko ɨmoti subaruki Filemón, naki supachɨkoisapa,

Hebreos 13:23

Ixhanka suraboi ausukarɨ axti usaruki Timoteo chauki tɨtaesɨburuti, axtɨ konto aiñanainti, sɨrotitɨ chepeñɨ axtɨ tiyɨkatɨ tanu yasaraño.

Santiago 1:1

Axɨñɨ Santiago yaserebikia ɨmoti Tupax ɨmotityo Yɨriabux Jesucristo, nixhakionko tanu ɨmoma axɨbama aɨtoxti Israel axɨbama aboma au nanaiña iku axɨna kɨx.

1 Pedro 2:25

Tɨkañe axaño amamenka takana axobe nobixhaka bokɨsebo, tapɨ kaɨma abekatɨ tato esati Cristo, tyonenti takanati naki asaratitɨ autaku ta okɨmanatityo autaku.

2 Pedro 1:1

Axɨñɨ Simón Peru yaserebikia ɨmoti Jesucristo anankañɨntyo isiuti, nixhakionko tanu ɨmoma axɨbama ikokoromati Jesús takana axɨsomɨ, tyopiki axti naki Tupax oemo chepeti Jesucristo uxia ñapanaunkuxti.

SAN JUDAS 1:1

Axɨñɨ Judas, yaserebikia ɨmoti Jesucristo isarukitityo Santiago, nixhakionko ɨmoma axɨbama kuasɨrɨma ɨmoti Tupax, naki Uyaɨ axɨbama samamekanama uiti, axɨbama asaratitɨ Jesucristo tyakuma.

Apocalipsis 1:1

Tyone axɨmanu ñemanauntu ananka anekana tusiankana uiti Tupax sukarɨti Jesucristo, axɨna tusiankanabo uiti sukarɨma axɨbama nesaxti apóstoles axɨna konto ñana uxiante. Axti Jesucristo urapoiti axɨna sane sukarɨti Kuan naki nesaxti apóstol ityurukiti taman ángel,

Apocalipsis 1:20

Sobi suraboi asukarɨkɨ axɨna ananka anekana isane nɨmoche axɨmanio siete nostoñeka asakio abe au nepanaunku niñee, axɨmaniointyo siete kantreruka omixhante ui oro: axɨmanio siete nostoñeka, ta tyonema axɨbama ángeles auki axɨmanio siete kauta aboma axɨbama ikokoromañɨ, tapɨ axɨmanio siete kantreruka, ta tyoneio axɨmanio kauta aboma axɨbama ikokoromañɨ.

Apocalipsis 19:10

Auki yachesoikia yobesa nipopesti maniki ángel, nauki xhanau ɨmoti, tapɨti nanti iñemo: “Tapɨ sane obi, tyopiki axɨñɨ yaserebikiaityo ɨmoti Tupax, takana axɨkɨ chepe axɨbama makiataka arukityaiki, axɨbama aruku nuxia ɨmoma uraboimia nuraxti Jesús. Anau ɨmoti Tupax.” Tyopiki axɨmanu manunekakax kɨtɨpɨti Jesús, tyone axɨna uiche manityanama axɨbama profetas.

Apocalipsis 2:12

“Akonomointyo ɨmoti maniki ángel auki Pérgamo kauta aboma axɨbama ikokoromañɨ: ‘Sane nuraxti maniki ane kɨses uiti otoro tox nabeux:

Apocalipsis 2:8

“Akonomointyo ɨmoti ángel auki Esmirna kauta aboma axɨbama ikokoromañɨ: ‘Tyone axɨna nanti naki kusɨrɨbo tyonentityo naki nityakɨrux, axti naki koiñoti sɨborikoti tato:

Apocalipsis 22:9

Nanti iñemo: “Tapɨ aisamute axɨmanu sane, tyopiki axɨñɨ yaserebikia ɨmoti Tupax, takana axɨkɨ chepe axɨbama arukityaiki axɨbama profetas namanaiñaintyo axɨbama ikokotama axɨna korobo iku axɨna kichonimiakax. Anau ɨmoti Tupax.”