Efesios 6:17 - Manityanati Tupax

¹⁷ Axɨna maximiakatax tari tyone axɨna okɨmanabo tyaku nautanu, tari axɨna nuraxti Tupax tyone axɨna sɨrɨmanax naukɨse axɨna toxio aume uiti Espíritu Santo.

Manitanati Tuparrü

¹⁷ Aparrüpera ümo manu nanenese auche autaesübuca icuqui na cürrü. Tone tacana nausumpreru yerurrü auquibo nautanu. Apaquionsaño ito iyo nurarrti Tuparrü, arrüna torrio aume uiti Espíritu Santo. Tone tacana naucüso sürümanarrü.

Efesios 6:17 교차 참조

San Mateo 4:4

Auki aiñumuti Jesús nuraxti: –Axɨna Nikorox nantɨ: ‘Chɨtɨpɨ ui axɨnantai pan asɨboriti ñoñɨnx, ta ui nuraxti Tupax.’

San Mateo 4:7

Aiñumuti Jesús nuraxti: –Nantityo iku Nikorox: ‘Tapɨ aiñata nakokoto ɨmoti Yɨriabux naki Tupaxti aemo.’

Efesios 5:26

Isamutenti sane nauki tapɨ ane nomɨnantɨ osoi, ikiaɨbutati nomɨnantɨ osoi ui tux oboityo nuraxti.

1 Tesalonicenses 5:8

Tapɨ axoñɨ chusakapɨ au tomikianene, ta usaka au nanentax. Sane naukiche amasankatɨ nuxia, tari oñonkatɨ ɨmoti Tupax akuasɨrɨmaintyo oemo axɨbama osɨborisapa. ¡Axɨna axtɨ oñonkatɨ ɨmoti Tupax axɨna numakumananaunku tyoneio axɨba omokɨmanabo utaku ñomɨnana nomɨnantɨ takana axɨna uiche utabuxikia! Axtɨ uikokota nuxia axɨna maximiakatax oemo tyone ñana axɨna okɨmanabo utaku takana nityabuxi nutanu.

Hebreos 4:12

Tyopiki nuraxti Tupax sɨboriko ta anentyo nɨriakax. Otoro nuxia takana taman kɨses obotoro tox nabeux, sɨrotɨ au nanaiña nokɨtɨpɨ au nuyausɨpɨ sɨrotityo au nanaiña axɨna nixhantɨmo aisamune nuyausasɨ.

Hebreos 6:5

tiñakontemaintyo axɨba omixhia nuraxti Tupax axɨnaintyo nɨriaka axɨmanu kɨx kuabotiki,

Apocalipsis 1:16

Au nepanaunku ne'esti abe siete nostoñeka, aikiti kuatɨ tanene taman kɨses ñaupaña nuxia, otoro tox nabeux. Nisuxti kuara takana nikua sux axtɨ ane kɨmuitya napes.

Apocalipsis 12:11

Axɨbama usarukityaiki chɨtapenekopɨma uiti ui noto axɨmanu Nobixhax uityo axɨmanio omixhia manityakax urapoimia. Chɨbixhubupɨma ñɨnana nikonkoxɨma, ta chɨkuasɨrɨpɨ ɨmoma nisɨborikixhimia.

Apocalipsis 19:15

Kuatɨ aikiti taman kɨses otoro nuxia, uiche obɨri uiti ɨmo mañoñɨnka ikuki axɨna kɨx. Bakɨpuruti ñana ɨmoma aɨbu yerux mekuti. Uixhtiatoe ñana aityaichometi axɨmanu uva nauki aikiaɨbuti axɨmanu vino tyone axɨna takana tarukapae nityɨborixhti Tupax naki taruku nɨriakaxti.

Apocalipsis 2:16

Sane naukiche ariaku tato esati Tupax. Axtɨ chaisamutempɨ sane, konto yɨkatɨ ñana tanu aesakɨ, aɨbu axɨmanu kɨses kuatɨ saikiñɨ nauki xhai aɨbuma.