Efesios 5:14 - Manityanati Tupax

¹⁴ tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

Manitanati Tuparrü

¹⁴ Rrepente aboma bama cuamatü eanaqui tomiquianene au nanentarrü. Ta sane nantü arrümanu macantacarrü osoi: ¡Arrtopü naqui ñanuturrü! Atüsai eanaqui bama macoiñoca, bama aboma eana nomünantü. Auqui caüma aca au nanentarrü uiti Cristo, tacanarrtü cuatanene surrü.

Efesios 5:14 교차 참조

San Lucas 1:78

Tyopiki axti Tupax oemo, oboi taruku nipukɨruxti, kuatɨ uiti oemo auki ape axɨna sux ɨmo iyebo nanenes,

San Lucas 15:24

Tyopiki axti naki isaɨ anankati koiñoti axɨna kaɨma sɨborikoti tato. Ensoroti oñopɨnanaki tapɨ kaɨma tabɨkoti tato osoi.’ Auki iñatama nipukɨnunkuxɨma.

San Juan 8:12

Manityanati tatityo Jesús ɨmo namanaiña, nanti sane: –Axɨñɨ basaruxɨñɨ ɨmo axɨbama sɨborikoma iku axɨna kɨx. Axti naki kuatati isiuñɨ, ane nanentax ɨmoti uiche asɨboriti, chanantopɨ amenti au tomikianene.

San Juan 9:5

Axɨna yakaiki iku axɨna kɨx, axɨñɨ basaruxɨñɨ ɨmo namanaiña.

Hechos 13:47

Tyopiki sane yakɨpukuxti Yɨriabux suiñemo, nanti sane: ‘Iñakɨ takana basarux ɨmo axɨbama chɨriopɨma, nauki aɨrotɨ uraboi sukarɨma kausane ataesɨbuma eanaki nomɨnantɨ namanaiña axɨbama ikuki axɨna kɨx.’

Romanos 6:13

Tapɨ apityoximiata naukɨtɨpɨ ɨmo nomɨnantɨ, nauki uixh aisamune axɨna chuxiampɨ. Apityoximia tyone ɨmoti Tupax, takanati naki tɨkoiñoti ta sɨborikoti tato, apityoximiaintyo naukɨtɨpɨ axɨna uiche aisamune axɨna uxia au ñakionkoxti.

1 Corintios 15:34

Ausiapata tato ñemanauntu yusiu axɨba omixhia napapanaunku, tapɨ apisamukio axɨba nomɨnantɨ, tyopiki aboma abaxɨpeku axɨbama chisuputarapɨmati Tupax. Sukanañɨ axɨna sane nauki aukɨsoka.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

Efesios 2:1

Tɨkañe axaño taukonka yotopiki axɨmanio chomixhampɨ apisamute oboityo axɨmanio nomɨnantɨ aboi

Efesios 2:5

toxio uiti osɨborikibo chepeti Cristo naukiche amonko oñɨnki okonka yotopiki axɨba nomɨnantɨ osoi. Ui nipukɨruxti Tupax axaño apasutiu maximiakatax ñome nomɨnantɨ aboi.

Colosenses 3:1

Ui axɨna sane, axaño ausɨborikia tato chepeti Cristo, sane naukiche apapachesio axɨba auki napes, kauta nakaxti Cristo tɨmonsoti au nepanaunkuxti Tupax.

1 Tesalonicenses 5:6

Sane naukiche, amasankatɨ nuxia, besɨro nausɨboriki tapɨ apisamute takana nisɨboriki makiataka.

2 Timoteo 1:10

Axɨmanu nipukɨruxti utaku tusiankana axɨna niyarusɨrɨkɨx kaɨma uiti Cristo Jesús naki uiche utaesɨbuka eanaki nomɨnantɨ, naki uiche aikiaɨbuti konkox oboityo axɨba omixhia manityakax, sɨro uiti au nanentax axɨna sɨborikixh chɨtakɨnunaumpɨ.

2 Timoteo 2:26

sane añekama ui nimetoxti chobores kauta aboma amanama nauki aisamunenti aɨbuma axɨna nixhantɨmoti.