Efesios 4:32 - Manityanati Tupax

³² Taikiana uxia aboi aupuapatoe, apixhimiaka axɨba chomixhampɨ aboi aumeampatoe, takanati Tupax xhimiakana tato uiti nomɨnantɨ aboi tyopikiti Cristo.

Manitanati Tuparrü

³² Tari buenurraño aumeampatoe. Aupucüru itacu maquiataca. Apiñarrimiaca nomünantü uiti quiatarrü, tacana ito arrti Bae Tuparrü iñarrimiacatati nomünantü aboi auqui nacarrti Cristo.

Efesios 4:32 교차 참조

San Mateo 6:12

Aixhimiaka tato axɨba nomɨnantɨ soboi, takana axɨsomɨ sopixhimiakata tato ɨmo axɨbama chuxiampɨ uimia suiñemo.

San Marcos 11:25

Axtɨ ameanka, apixhimiaka axɨna chuxiampɨ aboi ɨmoti kiatax, sanentyo naki Aubaɨ anati au napes ixhimiakatati aume axɨba nomɨnantɨ aboi.

San Lucas 1:78

Tyopiki axti Tupax oemo, oboi taruku nipukɨruxti, kuatɨ uiti oemo auki ape axɨna sux ɨmo iyebo nanenes,

San Lucas 11:4

Aixhimiaka tato axɨba nomɨnantɨ soboi, takana axɨsomɨ sopixhimiakata tato ɨmo axɨbama chuxiampɨ uimia suiñemo. Tapɨ chebo obi suichapene au makokotox, aityaesɨmunususomɨ eanaki nomɨnantɨ.’

San Lucas 17:4

Champɨ nɨmoche axtɨ isamutenti siete nomɨnantɨ aemo au sapes, axtɨ siete niyekixhti aesakɨ nanti aemo: ‘Chanantopɨ sobi isamune’, aixhimiaka tato ɨmoti.”

San Lucas 6:35

Tapɨ axaño tari akuasɨrɨma aume axɨbama chuxiampɨ uimia aume, apisamusio axɨba omixhia, apityoximia namenaxi ɨmoti kiatax tapɨ auxianka atoxi tato aume ityobo. Sane ñana yarusɨrɨx toxiobo tato aume ityobo, sane atusi ta axaño aɨtoxti Tupax auki napes, tyopiki uxia uiti ɨmo axɨbama chuxiampɨ nisɨborikixhimia au nastaxti.

San Lucas 6:37

“Tapɨ ane nɨmoche aboi nipɨnate makiataka, sane champɨ nɨmoche uiti Tupax napipɨnate. Tapɨ apiñata nikuax nipɨnate makiataka, sane chiñatatipɨ Tupax aume nikua axɨna napipɨnate. Apixhimiaka ɨmo makiataka axɨna nipɨnatema aume, sane ixhimiakatati Tupax aume napipɨnate ñana.

Hechos 28:2

Axɨmanuma po'osoma akamanu taruku nipukɨruxɨma suichaku, ityopiki xobeoka ximianene, maunximianama pes, auki namatɨ suiñemo somenotɨ supape.

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

1 Corintios 13:4

Axtɨ makumananaunka masamunaunka aɨbu makiataka. Uxia osoi ɨmo makiataka. Chuyubatiopɨ nenaxi makiataka, axtɨ au numakionko champɨti kiatax oñopɨrɨkɨ.

2 Corintios 2:10

Axtɨ anati naki ɨmoche apixhimiakata nipɨnatenti, axɨñɨntyo xhimiakana sobi ɨmoti. Ixhimiakata ɨmoti, axtɨ ane tyopikiche xhimiakana ɨmoti ui nipukɨru autaku sukarɨti Cristo.

2 Corintios 2:7

Axɨna kaɨma apachɨkoboibo aɨbuti ta apixhimiaka ɨmoti axɨmanu nipɨnatenti amasasatɨtyo tyakuti, tapɨ tarukapae nisuchekixhti.

2 Corintios 6:6

Sopityusiankataityo ui axɨna besɨro suisɨboriki, tyopiki suisuputakai axɨna ñemanauntu, ui axɨna supasamunaunka suipukɨruityo aɨbu namanaiña, tyopiki ane noñemaxti Espíritu Santo suisɨtɨpɨ, tyopiki ñemanauntu kuasɨrɨma suiñemo namanaiña,

Efesios 5:1

Axaño aɨtoxti Tupax año, aukuasɨrɨka ɨmoti. Sane naukiche apiña nuxia nauki aye aboi takana nakaxti.

Santiago 5:11

Axɨsomɨ sumastai taruku nipukɨnunkuxɨma axɨbama takisɨrɨma aɨbu narukux ɨmoma. Axaño apakionkaño ɨmoti Job tɨkañe, iñatati nuxia narukux ɨmoti naukiche takisɨrɨti, tusiuityo aume kausane yachɨkoiti Tupax au nityakɨrux aɨbuti, tyopiki axti Tupax taruku nipukɨruxti.

2 Pedro 1:7

tari akuasɨrɨma aume axɨbama aubarukityaiki au nɨrixhti Cristo, yopɨrɨkɨ nanaiña tari chepe nikuasɨrɨkɨxɨma aume namanaiña.

1 Juan 1:9

Tapɨ axtɨ usuraka oñɨ sukarɨti Tupax, sane oñonkatɨ ɨmoti, axti naki uxia ñapanaunkuxti, ixhimiakatati nanaiña axɨba nomɨnantɨ osoi.

1 Juan 2:12

Masaɨtaiki, xhakonomoka aume tyopiki axti Tupax moximiakana uiti nomɨnantɨ aboi yotopiki axɨba isamutenti Jesucristo.