Efesios 4:28 - Manityanati Tupax

²⁸ Axti naki kusɨpɨx tɨkañe, kaɨma tari iñokonati nikusɨpɨkɨxti yapacherati yachɨkoboiboti axɨna uxia, oboi ne'estiatoe nauki ane toxiobo uiti ɨmo axɨbama taruku nityakisɨrɨkɨxɨma.

Manitanati Tuparrü

²⁸ Arrti naqui cusüpürrü tücañe, caüma tari iñoconati manu churriampü yachücoiti. Tari yatrabacarati nurria, nauqui acanati arrüna tuburiboti, y nauqui ane ito pario nimonirrti ümo bama pobrerrü.

Efesios 4:28 교차 참조

San Lucas 19:8

Atɨraiti Zaqueo nanti ɨmoti Yɨriabux: –Asasatɨ, Yɨriabux, ixhanka ityoximia kɨmuintya aruki nanaiña niñenaxi ɨmo axɨbama taruku nityakisɨrɨkɨxɨma. Axtɨ ane isusɨpɨtio pɨnanakiti kiatax, yacheka tato ɨmoti cuatro yopɨrɨkɨ.

San Lucas 3:8

Apisamuse nuxia nauki atusi ta abekatɨ tato esati Yɨriabux, tapɨ amukanaño aumeampatoe: ‘¡Axɨsomɨ nityakɨbaɨtuxti Abraham!’ Tyopiki sukanañɨ aume axtɨ xhanxti Tupax omixhante uiti axɨba kanka ityakɨbaɨtubuti Abraham.

San Juan 12:6

Tapɨti Judas nanti axɨna sane, chɨtɨpɨ ui axɨna kuasɨrɨma ɨmoti axɨbama taruku nityakisɨrɨkɨxɨma, ityopiki kusɨpɨxti, mekuti nakax axɨmanu nimonixhimia, nantaxtai kusɨpɨoti aruki.

San Juan 13:29

Tyopiki axti Judas tyonenti iñaɨbutati nimonixhimia, aboma axɨbama kuatɨ au ñakionkoxɨma bakɨpuruti Jesús ɨmoti apacheti axɨna nixhantɨmoma ɨmo axɨmanu pukɨnunkux Paxkua, o acheti monixh ɨmo axɨbama taruku nityakisɨrɨkɨxɨma.

Romanos 12:13

Apisamuse takana axtɨ nauxiantɨmo axɨna nixhantɨmoma axɨbama champɨ nipɨnatema, taikiana aupukɨru tyakuma axɨbama iñataimia au naupo.

1 Corintios 4:12

Supatacheka ui supachɨkoi iyo sumutuburibo. Axtɨ ipiauxamanama somɨ ityobo sopikunusɨankakama. Subaka aɨbu supatanekaka ñɨnanama, tɨborikoma suiñemo, champɨ nɨmoche soboi.

2 Corintios 8:12

Tyopiki axtɨ anati naki ñemanauntu xhanxti akumanati, yasutiuti Tupax ñakumanataxti isiu axɨna ane uiti. Axti Tupax chɨmankiotipɨ axɨna champɨ osoi.

2 Corintios 8:2

Axɨpekuki nautakisɨrɨkɨ ui axɨmanu makokotox aume, taruku naupukɨnunku. Axɨna champɨ namenaxi, sɨrɨmana napakumanata takana axtɨ tarukapae namenaxi.

Gálatas 6:10

Sane naukiche, axtɨ chebo oemo, tari uisamune axɨna uxia ɨmo namanaiña, ɨmomampae axɨbama ikokoromati Jesús ochepe.

1 Timoteo 6:18

Aikɨpusuma nauki aisamunema axɨna uxia, tari chiyaupɨ nenaxixhimia oboi axɨbama omixhia isamutema, tari makumananaunxɨma tarukuityo nipukɨruxɨma.

Tito 3:14

Axɨbama aboma usiu tari aipiama aisamunema axɨba omixhia nauki ayurama axtɨ ane nɨmoche, nauki uxia nisɨborikixhimia.

Tito 3:8

Axɨna ta ñemanauntu, ixhanka sane nanunekaka nauki axɨbama ikokoromati Tupax tari aisamunema axɨna uxia. Axɨba sane omixhia chiyaupɨ nɨmoche ɨmo namanaiña.