Colosenses 3:4 - Manityanati Tupax

⁴ Axti Cristo tyonenti axɨna nausɨboriki. Axtɨ kuatati tato ñana, axañointyo abaka ñana chepeti nauki aupukɨnuintyo ui nanentakaxti.

Manitanati Tuparrü

⁴ Arrtü cuati tato Cristo, namanaiña asaramati. Auqui caüma tusio ito arrüna champü tacanache nausüboriqui ichepeti, itopiqui uiti te osüboriquia ñana.

Colosenses 3:4 교차 참조

San Mateo 13:43

Auki axɨbama uxia nisɨborikixhimia kuara nikɨtɨpɨxɨma takana sux au napes esati Yaɨtoxɨma. Axɨbama ane uiche onkoimia, tari onsaperioma.

San Lucas 17:30

Saneityo ñana au axɨmanu nanenes axtɨ kuatati tato Aɨtoxti ñoñɨnx.

San Juan 11:25

Auki nanti Jesús ɨmo: –Axɨñɨ tyonenti naki bachebo sɨborikixh, sobityo sɨborikoma tato axɨbama tɨkoiñoma. Axti naki ikokorotiñɨ, axtɨ koiñoti sɨborikoti tato.

San Juan 14:3

Axtɨ tɨkoñokono sobi, isekatɨ tato auki amekatɨ isiuñɨ, nauki abasikia ichepeñɨ kauta niyaka.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 17:24

“Iyaɨ, axɨbama aboma isiuñɨ obi aityoximianama iñemo, ixhanka nauki aboma ichepeñɨ kauta niyaka, nauki asaraimia niyarusɨrɨkɨ nisɨriaka axɨna toxio iñemo obi, ityopiki isuasɨrɨka aemo aukiapae naukiche chuxiantenkipɨ axɨna kɨx.

San Juan 20:31

Axɨba bokorobo auna tyoneio axɨba oboiche apikokoroti Jesús tyonenti naki Mesías, Aɨtoxti Tupax, ui axɨna apikokota ane ñana ausɨborikibo ityopikiti.

Hechos 3:15

Sane koiñoti aboi naki uiche osɨborikia, axti naki sɨborikoti tato uiti Tupax, axɨsomɨ sumastai nanaiña axɨna sane.

Romanos 8:18

Axɨñɨ tusiu iñemo, axɨna nutakisɨrɨkɨ kaɨma, chuichepekatapɨ aɨbu axɨmanu nanentakax esati Tupax axɨna bastaboibo ñana.

Romanos 8:19

Nanaiña axɨba omixhiante uiti Tupax xhanxɨma asaraimia axɨmanu nanenes auche ñana atusianka ta ñemanauntu aɨtoxti Tupax oñɨ.

1 Corintios 1:7

Sane naukiche nanaiña ñakumanataxti Tupax ane aboi axɨna abaka aɨbu nauxianka amasarati Yɨriabux Jesucristo ñana axtɨ tɨkuatati tato.

1 Corintios 15:43

Axɨna sɨro kɨtu tyone axɨna chikokorotipɨ Tupax. Tapɨ axɨna sɨboriko tato sɨrotɨ au nanentax esati Tupax.

2 Corintios 4:17

Axɨna nutakisɨrɨkɨ iku axɨna kɨx chɨsɨsiopɨ ñana, konto sɨrotɨ. Ityobo kuatɨ uixh oemo yarusɨrɨx upukɨnunkubu axɨna champɨ nityakɨrux.

Gálatas 2:20

chauki chaxɨpɨñɨnki isɨborikia, ta tyonenti Cristo naki sɨborikoti sɨtɨpɨñɨ. Tapɨ axɨna nisɨboriki kaɨma ane sɨtɨpɨñɨ, isɨborikia ui axɨna ikokokati naki Aɨtoxti Tupax, tyopiki isuasɨrɨka ɨmoti ityoximiatatityo nisɨborikixhti chopikiñɨ.

Filipenses 3:21

uiti aikiaɨbuti axɨna champɨ nanenekiche nokɨtɨpɨ nauki aye uixh takana nanentaka nikɨtɨpɨxti. Isamutenti ñana ui axɨmanu yarusɨrɨx nɨriakaxti iku axɨna kɨx.

1 Tesalonicenses 4:17

Auki axoñɨ axɨbama osɨborikiaiki uɨkatɨ uiti chepema omeana kɨsaɨboka, akamanu uikuñukati ape. Auki sɨsio oñɨ chepeti Yɨriabux Jesús ɨmo champɨ nityakɨru nosɨboriki.

1 Timoteo 6:14

aiñaɨbu axɨna bakɨpukux toxio aemo aɨbu axɨna besɨro nasɨboriki nauki tapɨ anati naki chuxiampɨ nuraxti akɨtɨpɨkɨ, chepe axtɨ kuatati tato Jesucristo.

2 Timoteo 1:1

Axɨñɨ Pablo, anankañɨ isiuti Cristo Jesús, bakɨpukux iñemo uiti Tupax, naki uiche utaesɨbuka eanaki nomɨnantɨ uitityo Cristo Jesús, naki kɨmenuche baxɨperaka,

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Tito 2:13

Chepe axtɨ iñatai ñana axɨmanu ensɨmunu tɨkañe oemo axɨna kɨmenuche nubaxɨperaka: niyekixhti tato aɨbu nanentakaxti yarusɨrɨx Tupax oemo Jesucristo, naki uiche ane maximiakatax oemo.

Hebreos 9:28

sanentityo Cristo tamantai nikonkoxti, nauki ane maximiakatax tato oemo yotopiki axɨba nomɨnantɨ osoi. Auki kuatati tatityo, chɨtɨpɨ nauki akontiki yotopiki axɨba nomɨnantɨ osoi, ta nauki aye uimia nisɨborikixhimia axɨbama ikokoromati.

1 Pedro 1:13

Sane naukiche, amasankatɨ nuxia, apisamuse axɨna uxia. Amonkatɨ nuxia ta axti Tupax uxia nastaxti aume axtɨ tɨkuati tato Jesucristo.

1 Pedro 5:4

Sane axtɨ kuatati tato Cristo ñana, tyonenti naki yɨriabux ɨmoma axɨbama asaramatɨ autaku, toxio ñana aume yarusɨrɨx makumanatax axɨna champɨ nityakɨrux.

1 Juan 2:28

Sane kaɨma masaɨtaiki, abasikia chepeti Cristo, sane axtɨ kuatati tato oñonkatɨ ɨmoti tapɨ ane uiche okɨso ñɨnanati.

1 Juan 3:2

Masarukityaiki, chauki tɨaɨtoxti Tupax oñɨ. Chɨtusiupɨ nuxia oemo kausaneampae ñana, axɨna tusiu oemo axtɨ tɨkuatati tato Jesucristo axɨna nusaka ta tyoneantoe nakaxti, tyopiki basakati ñana axɨna ñemanaunkuxatoe nakaxti.

1 Juan 5:12

Axti naki ikokoroti Aɨtoxti Tupax, champɨ nityakɨru nisɨborikixhti. Tapɨti naki chikokorotipɨ Aɨtoxti Tupax, chɨtoxiopɨ ɨmoti axɨmanu sɨborikixh champɨ nityakɨrux.

SAN JUDAS 1:24

Axti Tupax asaratitɨ autaku tapɨ apisamute axɨba nomɨnantɨ, anentyo nɨriakaxti nauki tapɨ ane nomɨnantɨ aboi axtɨ amekatɨ esati axtɨ tɨkuatati tato aɨbu niyarusɨrɨkɨ nɨriakaxti. Amekatɨ ñana esati aɨbu taruku naupukɨnunku, champɨ nomɨnantɨ aboi anentax naukɨtɨpɨ takana nabaibi axɨna iyebo.

Apocalipsis 2:7

¡Axti naki ane uiche onsapeti, tari onsaperati axɨna nuraxti Espíritu Santo ɨmo namanaiña axɨbama ikokoromañɨ! Ɨmoma axɨbama chɨtapenekopɨma oboi makokotoka chiñokotapɨmaintyo ñakokonaunkuxɨma iñemo, basoma sobi nɨta axɨmanu soes bachebo sɨborikixh, axɨna ane au Paraíso esati Tupax.’

Apocalipsis 22:1

Auki axti maniki ángel ityusiankatati sukarɨñɨ taman nusɨrux kauta ane tux axɨna uiche ane sɨborikixh champɨ nityakɨrux. Axɨmanu nusɨrux osɨro esaki axɨmanu nityɨmoxti Tupax nityɨmointyo Nobixhax. Kicheseña nuxia.

Apocalipsis 22:14

Taruku ñana nipukɨnunkuxɨma axɨbama iyaxɨbitama naibixhimia, tyopiki toxio ñana utuburiboma nɨta axɨmanu soes uiche ane sɨborikixh axɨna champɨ nityakɨrux. Axɨma sɨromatɨpo ñana auki axɨmanio tyuruka au axɨmanio poka.