Colosenses 2:2 - Manityanati Tupax

² Axɨñɨ ɨmo yaka nauki aruku nuxia aume au nabausasɨ, nauki chepe nabaka aɨbu napakumananaunku aumeampatoe aɨbu besɨro napapanaunku axɨna uiche atusi aume axɨna nixhantɨmoti Tupax aisamunenti axɨna ananka anekana uiti, ta tyonenti Cristo.

Manitanati Tuparrü

² Irranca nauqui arucu nurria aume, y nauqui ichépe nabaca aübu naucua aumeampatoe. Irranca nauqui atusi nurria aume y aüro au nautanu arrüna ñapensacarrti Tuparrü, arrüna ananca anecana. Sane nauqui apisuputarati nurria Cristo, itopiqui ümoti te arrümanu ñapensacarrti Tuparrü.

Colosenses 2:2 교차 참조

San Mateo 11:25

Au axɨmanio naneneka, nanti Jesús sane: “Taruku nɨriaka, Iyaɨ, nenaxi nanaiña axɨna ane au napes takanaintyo axɨna kɨx, ityopiki aityusiankata sukarɨma axɨbama takisɨrɨma axɨba umanekana obi pɨnanaki axɨbama taruku nipiakaxɨma.

San Mateo 11:27

“Toxio iñemo uiti Iyaɨ nanaiña. Champɨti naki isuputarati nuxia naki Aɨtoxti, axtiatai Yaɨtoti. Champɨtityo isuputarati nuxia Yaɨtoti, axtiatai Aɨtoxti axɨbamaintyo axti naki Aɨtoxti xhanxti nauki asuputaramati.

San Mateo 13:11

Aiñumuti Jesús nuraxɨma: “Axaño, tusiankana ausukarɨ uiti Tupax, axɨna nɨriakax ane au napes axɨna ananka anekana, tapɨ axɨma anekana pɨnanakimia.

San Lucas 1:1

Sɨrɨmanama axɨbama aɨbapae tyone yachɨkoimia aikonomonomaio axɨmanio tɨkañe omixhankio uiti Tupax auna uyaxɨpeku,

San Juan 10:30

Axɨñɨ ichepeti Iyaɨ kunauntañantai subaka.

San Juan 10:38

Tapɨ axtɨ isamute axɨna yakɨpukuxti, apikokosio axɨmanio omixhante sobi, nauki atusi aume axti Iyaɨ anati chepeñɨ.

San Juan 16:15

Nanaiña axɨna nenaxixhti Iyaɨ, tyoneintyo niñenaxi. Sane naukiche sukanañɨ axti Espíritu Santo yasutiuti axɨna niñenaxi uiti aityusiankati ausukarɨ.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 5:17

Tapɨti Jesús nanti ɨmoma: –Axti Iyaɨ nantaxtai ane yachɨkoiti, axɨñɨntyo ane niyachɨkoi.

San Juan 5:23

nauki namanaiña aiñanaunumati Aɨtoxti takana ñanaunkuxɨma ɨmoti Yaɨtoti. Axti naki chiñanaunutipɨ Aɨtoxti, chiñanaunutipityo Yaɨtoti, naki uiche aikɨpuruti.

San Juan 6:69

Axɨsomɨ tɨsopikokota nura, tɨtusiu suiñemo ta axɨkɨ Aɨtoxti Tupax.

Hechos 4:32

Namanaiña axɨmanuma ikokoromati Jesús, chepatai naka ñakionkoxɨma aɨbumantoe. Champɨti naki nanti axɨba nenaxixhti ta ɨmotiatai, nanaiña nenaxixhimia sɨro uimia ɨmo namanaiña.

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

Romanos 16:25

Omixhia numanityaka kɨtɨpɨti Tupax, axti naki uiche ane naukusɨu takana axɨba omixhia nixhanunekaka axɨnaintyo manunekakax kɨtɨpɨti Jesucristo. Tyone sɨro isiuki axɨna tusiankana uiti Tupax axɨna ananka anekana uiti, tyone ananka anekana aukiapae tɨkañe naukiche chuxiantenkipɨ axɨna kɨx,

Romanos 2:4

Axɨkɨ chaxiankapɨ asuriu axɨna taruku nipukɨruxti Tupax atakukɨ, axɨna taruku nakuasɨrɨkɨ ɨmoti, chɨkontopɨ ane nɨmoche uiti naipɨnate. Chɨtusiupɨ aemo, axɨmanu nipukɨruxti uixh aiñokota nomɨnantɨ nauki aɨkatɨ esati.

1 Corintios 14:31

Sane namanaiña, taikianati taman manunekanati au noñemaxti Tupax, nauki namanaiña aye uimia namanaiñaintyo ununekanama.

1 Corintios 2:12

Axoñɨ chɨtoxiopɨ oemo nuyausɨpɨ ikuki axɨna kɨx, ta axti Espíritu Santo naki toxioti oemo uiti Tupax, nauki atusi oemo nanaiña axɨba ui nipukɨruxti Tupax ityoximiatati oemo.

Gálatas 3:28

Champɨki nɨmoche axtɨ judío o chɨtɨpɨ judíos año, axtɨ kumanakax o champɨ, axtɨ axti ñoñɨnx o paɨx. Tyopiki axtɨ usaka chepeti Jesús, namanaiña kunauntaña nusaka.

Efesios 1:7

Aɨbuti Cristo ane maximiakatax oemo ui notoxti, axɨna maximiakatax ñome nomɨnantɨ oboi niyarusɨrɨkɨ nipukɨruxti.

Efesios 3:16

Xhankikia pɨnanakiti Uyaɨ aruki axɨmanu yarusɨrɨx nenaxixhti auki napes tari aityoximiati aume, au nabausasɨ, noñemaxti nikusɨuxtityo Espíritu Santo,

Efesios 3:3

Urapoiti Tupax sukarɨñɨ axɨna nixhantɨmoti aisamunenti axɨna ananka anekanatai uiti, tyone axɨna tixhakonomoka pariu tanu aume.

Efesios 6:22

Sane naukiche ikɨpukati tanu aubesa, nauki uraboiti ausukarɨ kausane suisɨboriki auna nauki uiti aruku nuxia aume.

Filipenses 2:1

Axɨñɨ tusiu iñemo toxio uiti Cristo aume noñemaxti nauki aruku ɨmo makiataka aboi. Axɨna napakumananaunku uixh pukɨnuñama makiataka, tusiu iñemo ta namanaiña anati Espíritu Santo aukɨtɨpɨ tarukuityo naupukɨru tyaku makiataka.

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

Colosenses 1:26

axɨna nuraxti tyone axɨmanu nixhantɨmoti aisamunenti aukiapae tɨkañe axti Tupax ananka anekana uiti, ta kaɨma ityusiankatati sukarɨma axɨbama ikokoromati.

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

Colosenses 1:9

Sane naukiche axɨsomɨ, auki axɨmanu nanenes naukiche tɨtusiu suiñemo nanaiña axɨmanu sane, chɨtochenkopɨ someanka ɨmoti Tupax autaku nauki asuputarai noñemaxti nauki aityoximiatityo nanaiñantai apapanaunkubu uiti Espíritu Santo.

Colosenses 2:19

Axɨma chabomampɨ chepeti Cristo, tyonenti naki Yɨriabux ɨmo namanaiña axɨbama ikokoromati Cristo tyonentityo naki uiche aruku ɨmoma naneneka. Torio uiti Cristo nanaiña ɨmoma axɨbama ikokoromati nanaiña axɨna nixhantɨmoma, oberabaramaintyo uiti takana axɨna nixhankaxti Tupax.

Colosenses 3:14

Yopɨrɨkɨ nanaiña aukuasɨrɨ aumeampatoe, tyopiki axɨna napakumananaunku tyone axɨna uiche chepe nabaka.

Colosenses 4:3

Apankityo suichaku, pɨnanakiti Tupax nauki axɨsomɨ taikiana uxia supanunekaka axɨba omixha manityakax kɨtɨpɨti Cristo sane suburaboi axɨna nixhantɨmoti Cristo aisamunenti tyakuapae yaka auna amanañɨmpo.

Colosenses 4:8

Sane ikɨpukati tanu aubesa, nauki uraboiti ausukarɨ kausane suisɨboriki auna, nauki aupukɨnunka uiti.

1 Tesalonicenses 1:5

Naukiche suburapoi ausukarɨ axɨba omixhia manityakax, chisopisamutempɨ ui manityakaxtai, sopisamute ui noñemaxti Tupax takanaintyo ui noñemaxti Espíritu Santo.

1 Tesalonicenses 3:2

nauki sopikɨpuruti tanu usaruki Timoteo, baserebiotityo ɨmoti Tupax nauki uraboiti axɨba omixhia manityakax kɨtɨpɨti Cristo. Sopikɨpukati tanu nauki acheti aupukɨnunkubu nauki sane aruku nuxia aume aɨbu napakokonaunku kɨtɨpɨti Jesucristo.

1 Tesalonicenses 5:14

Apasamuintyo nuxia suiñemo masarukityaiki, apikuansomokosoma axɨbama chixhanxɨpɨma ane yachɨkoimia. Tapɨ axɨbama apekiatai ñakokonaunkuxɨma amukanaño ɨmoma tari aruku ɨmoma, apiñununekasama axɨbama chikokoropɨmati nuxia Yɨriabux Jesús, apasamunau aɨbu namanaiña.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

Hebreos 10:22

Sane naukiche kuri esati Tupax aɨbu kicheseña nuyausasɨ aɨbuityo ñemanauntu numakokonaunku, axɨbio nuxia nuyausasɨ pɨnanaki nanaiñantai nomɨnantɨ takanaintyo nokɨtɨpɨ axɨbio ui tux kɨcheseña.

Hebreos 6:11

Suixhanka nauki axaño sɨsio año aɨbu narukux aume chepe nityakɨrux ñana, nauki apasuriu nanaiña axɨba omixhia chaɨbopɨ nauxianka apasuriu.

2 Pedro 1:10

Sane naukiche masarukityaiki, axti Tupax samamekana año uiti amenotɨ axɨpekuma axɨbama aɨtoxti, apiña nuxia nauki sɨsio aukɨtɨpɨ axɨna sane, axtɨ apisamute sane, chautapenekapɨ ñana aɨbu napakokonaunku.

2 Pedro 1:3

Axti Tupax ui nɨriakaxti toxio oemo nanaiña axɨna nuxiantɨmo, nauki uisamune nosɨboriki isiu nixhankaxti. Uiti Tupax atoxi oemo nanaiña axɨmanu sane naukiche iyusianakanatiyɨ Jesucristo usukarɨ. Auki nakaxti samamekana oñɨ nauki aye osoi au axɨmanu champɨ takanache nanentakax esati.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

1 Juan 3:19

Sane atusi oemo ta axoñɨ uisamute axɨna ñemanauntu, sane champɨ arapoboiboti Tupax oemo.

1 Juan 5:7

Trexɨma axɨbama astaimia axɨna sane: