2 Timoteo 4:16 - Manityanati Tupax

¹⁶ Au axɨmanu kusɨrɨbo niyɨkɨx nixhokɨmaka chakuñɨantoe kutakikibo mayɨriabuka, champɨti anankati chepeñɨ. Namanaiña iñokonomañɨ. Tapɨ ane nɨmoche uiti Tupax axɨna sane yachɨkoimia.

Manitanati Tuparrü

¹⁶ Arrüñü tütane taman niyücü uimia esa bama mayüriabuca, nauqui acurrtama saübuñü. Yacatü uimia tamañü. Namanaiña bama niyesa amigorrü iñoconomañü. Pero rranquiquia pünanaquiti Tuparrü, tapü ane causane uiti ümoma, itopiqui arrüna iñoconomañü.

2 Timoteo 4:16 교차 참조

Hechos 7:60

Auki bachesoiyoti rabotɨ nuxia nityosibixhti: “¡Yɨriabux, tapɨ ane kausane obi ɨmoma yutaku axɨba nomɨnantɨ uimia!” Naukiche tɨnanti axɨna sane, koiñoti.

San Juan 16:32

Tɨsaimiampae axɨna auche ñana, axaño apiñaximiakakaño taikianati taman amekatɨ isiu nakax aume, tapɨ axɨñɨ ñonkoka aboi tamañɨ. Chiyasikiapɨ tamañɨ ityopiki anati Iyaɨ ichepeñɨ.

San Marcos 14:50

Namanaiña axɨmanuma nesaxti apóstoles iñokonomati Jesús, besɨburuma.

1 Pedro 3:15

Apanau ɨmoti Cristo naki Yɨriabux au nabausasɨ. Taikiana amasankatɨ nuxia nauki apanuneka ɨmoma axɨbama xhanxɨma atusi ɨmoma axɨna kɨtɨpɨche napakokonaunku,

2 Timoteo 4:10

Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

2 Timoteo 1:15

Tɨtusiu aemo, axɨbama auki Asia iñokonomañɨ, axti Figelo axtityo Hermógenes.

Filipenses 1:17

Tapɨ makiataka isamutema tyakumantoe, chiñemanauntupɨ nuraxɨma, ta tyopiki xhanxɨma aiñama uɨbo nichakisɨrɨkɨ axɨna yaka auna amanañɨmpo.

Filipenses 1:7

Uxia axɨna nixhakionko sane abapa namanaiña axaño, tyopiki taruku naukuasɨrɨkɨ iñemo, tyopiki axaño abaka chepeñɨ ɨmo niyachɨkoi ui ñakumananaunkuxti Tupax axɨna toxio uiti iñemo. Kauta anankañɨ amanañɨmpo sukarɨmaintyo axɨbama mayɨriabuka, axaño amonkatɨ nantax iñemo nauki sukanañɨ axɨna ñemanauntu oboi axɨba omixhia manityakax.

2 Corintios 7:11

Axɨmanu nausucheki ui noñemaxti Tupax, ¡amasasatɨ kausane uixh! Uixh amontarabeka nuxia nauki amokɨma chakuñɨ. Uixh autɨborikia aupixhukaityo. Auki kaɨma auxianka amasarañɨ, autɨborikia chakuñɨ takisɨrɨti aboi maniki tyopikiche. Ui nanaiña axɨna sane apityusiankata ta champɨ kausane aboi.

1 Corintios 9:3

Tyone axɨna sukanañɨ ɨmoma axɨbama chɨsamianapɨ ɨmoma:

Hechos 25:16

Axɨñɨ sukanañɨ ɨmoma, axti yɨriabux auki Roma chɨtɨpɨ yacheataxti aityoximianati ɨmo nikonkoxti naki ane nipɨnatenti, axtɨ chɨkusɨrɨbopɨ axti naki ane nipɨnatenti ichepe axɨmanuma uiche urabomati sɨromatɨ au nanentax, sane maniki ane nipɨnatenti akamanu okɨmanati tyakutiatoe.

Hechos 22:1

“Masarukityaiki mayaɨtaiki, amonsapesio kaɨma axɨna nisura aume ichakuñɨantoe.”

San Lucas 12:11

“Axtɨ emekatɨ uimia ubau sinagoga, esa mayɨriabuka, axɨbama uiche asaraimia aume, tapɨ amontarabeka iyo axɨna aburapoboibo,

1 Corintios 13:5

Axtɨ kuasɨrɨma oemo makiataka, chuisamutempɨ ɨmoma axɨma chuxiampɨ, choñonxɨkapɨ utakuatoe. Chotɨborikiataipɨ ɨmoti kiatax.

2 Timoteo 4:15

Asasaityo nuxia ñɨnanati, tyopiki chuxiampɨ ɨmoti axɨna supanunekaka.