2 Timoteo 4:10 - Manityanati Tupax

¹⁰ Tyopiki axti Demas naki taruku nonxɨkɨxti yutaku axɨba ikuki axɨna kɨx, iñokonotiñɨ, sɨrotitɨ au Tesalónica. Tapɨti Crescente sɨrotitɨ au Galacia, tapɨti Tito sɨrotitɨ au Dalmacia.

Manitanati Tuparrü

¹⁰ Arrti Demas iñoconotiñü, itopiqui tarucapae nirrancarrti ñome ba icuqui nantai currü. Sürotitü au manu pueblurrü Tesalónica. Arrti Crescente sürotitü au manu cürrü Galacia, y arrti Tito sürotitü au manu cürrü Dalmacia.

2 Timoteo 4:10 교차 참조

2 Timoteo 1:15

Tɨtusiu aemo, axɨbama auki Asia iñokonomañɨ, axti Figelo axtityo Hermógenes.

2 Corintios 2:13

Chuxiampɨ nixhakionko, tyopiki chɨtabɨkotipɨ sobi axti isaruki Tito. Auki ñasamuka nariox ɨmoma nauki yɨrotɨ au Macedonia.

Hechos 16:6

Axti Espíritu Santo chichebopɨ uiti nauki aɨromatɨ au axɨmanu kɨx Asia, nauki uraboimia nuraxti Tupax. Sɨromatɨ au axɨmanio kɨx Frigia chepe Galacia,

Filemón 1:24

ñakionkoxɨmaintyo aemo axɨbama aboma chepeñɨ ɨmo niyachɨkoi axti Marcos, axti Aristarco, axti Demas axtityo Lucas.

2 Timoteo 4:16

Au axɨmanu kusɨrɨbo niyɨkɨx nixhokɨmaka chakuñɨantoe kutakikibo mayɨriabuka, champɨti anankati chepeñɨ. Namanaiña iñokonomañɨ. Tapɨ ane nɨmoche uiti Tupax axɨna sane yachɨkoimia.

Filipenses 2:21

Makiataka onxɨxɨma tyakumantoe, champɨ nɨmoche uimia axɨna uxia ɨmoti Jesucristo.

2 Corintios 7:6

Tapɨti Tupax, axti naki uiche pukɨnuñama axɨbama sucheboma, suipukɨnunka tyopiki iñataiti Tito.

Hechos 17:11

Axɨbama judíos, uxia nisɨborikixhimia pɨnanaki axɨmanuma auki Tesalónica, uxia ñakiokoxɨma asuriuma nuraxti Tupax, naneneka astaimia Nikorox nauki atusi ɨmoma axtɨ ñemanauntu axɨmanu manunekatax ɨmoma.

Hechos 17:1

Auki niyɨkɨxɨma, axti Pablo ichepeti Silas iñataimia au Anfípolis au Apolonia, auki iñataimia au Tesalónica, kauta ane taman sinagoga nesaxɨma axɨmanuma judíos.

2 Pedro 2:15

Amenkomantai, tyopiki kɨseboma pɨnanaki axɨna besɨro kutubiux. Isamutema nisɨborikixhimia isiukiti Balaam, aɨtoxti Bosor, naki xhanxti ane nimonixhti isiuki axɨba nomɨnantɨ isamutenti

Tito 1:4

Axɨkɨ Tito, auki niyaka onkatɨ ɨmoti Jesucristo, sane naukiche axɨkɨ iñemo takana axtɨ isaɨkɨatoe. Sane naukiche xhankikia pɨnanakiti Uyaɨ, pɨnanakitityo Jesucristo naki uiche ane maximiakatax oemo tari akurusɨka uimia taikianaintyo aixhimiakama nomɨnantɨ obi.

1 Timoteo 6:17

Axɨbama taruku nenaxixhimia iku axɨna kɨx, ukanɨ ɨmoma tapɨ onkomatɨapae ɨmo nenaxixhimia, tyopiki champɨ nanenekiche axɨmanio nenaxixhimia tari onkomatɨ ɨmoti Tupax naki sɨborikoti, tyonenti naki uiche aityoximiati oemo nanaiña nuxiantɨmo, nauki uxia nusaka oboi.

1 Timoteo 6:10

Tyopiki axɨna taruku nuxianka ɨmo monixh tyone nixhanaka nanaiña axɨba nomɨnantɨ. Abomaintyo axɨbama tyopiki ubatioma nenaxixhti kiatax sane naukiche iñokotama ñakokonaunkuxɨma ɨmoti Tupax, tyopiki taruku nityakisɨrɨkɨxɨma.

Gálatas 1:2

chepema namanaiña axɨbama usarukityaiki supakionko tanu aume axɨbama ikokoromati Jesús au Galacia.

2 Corintios 8:16

Chapie ɨmoti Tupax, tyopiki iñatati au nausasɨxti Tito nauki asaratitɨ autaku takana axɨñɨ.

2 Corintios 8:6

Sane naukiche sukanasomɨ ɨmoti Tito asamuti nuxia aikianti abaxɨpekuki axɨmanio makumanataka axɨna tyone tɨkañe yachɨkoiti.

Hechos 18:23

Anankati akamanu ñome mantukubatai naneneka, sɨrotitɨ tatityo taikiana taman uiti axɨmanio poka au Galacia ichepe Frigia, aɨbu ñanunekakaxti ɨmoma axɨmanuma ikokoromati Jesús.

Hechos 17:13

Naukiche axɨmanuma judíos auki Tesalónica ipiatema ta axti Pablo anankati manunekanati nuraxti Tupax au Berea, sɨromatityo ta'a, akamanu chɨtamampataityo uimia sukarɨ makiataka.

Hechos 15:38

Tapɨti Pablo chuxiampɨ ɨmoti nauki aɨrotitɨ ichepema, ityopiki basɨkɨbɨkoti tato Marcos tɨkañe auki Panfilia, chɨsɨrotitɨpɨ ichepema ɨmo axɨmanu niyachɨkoimia.

Hechos 13:13

Axti Pablo chepe axɨmanuma amonkoma chepeti sɨromatɨ auki Pafos niyɨkɨxɨma ɨmo Perge, au axɨmanu kɨx Panfilia. Tapɨti Kuan onkonoma uiti basɨkɨbɨkoti tato au Jerusalén.

San Lucas 17:32

Apakionsaño ɨmo nikɨpostoti Lot.

San Lucas 16:13

“Champɨti taman kumanakax yebokati aserebiti ɨmo axɨbama toxɨma mañoñɨnka. Tyopiki tɨborikoti kuatati taman tapɨti kiatax kuasɨrɨti ɨmoti, ɨmoti taman makokonaunxti tapɨ ɨmoti kiatax champɨ. Champɨtityo naki yebokati aserebiti ɨmoti Tupax takanaintyo ñome nenaxixhti.”

San Lucas 14:33

Sanenti naki, chixhanxtipɨ aiñokoti nanaiña nenaxixhti, chɨmotipɨ aɨrotitɨ isiuñɨ.

San Mateo 26:56

Nanaiña axɨna sane uxiante nauki akoko nura axɨbama profetas iku Nikorox. Isiukai, namanaiña axɨmanuma nesaxti apóstoles onkonoti Jesús uimia tamanti auki besɨburuma.

San Mateo 12:32

Axti Tupax xhimiakanaintyo uiti ɨmoti naki manityanati axɨba chomixhampɨ kɨtɨpɨti Aɨtoxti ñoñɨnx. Tapɨ ɨmoti naki manityanati axɨba chomixhampɨ kɨtɨpɨti Espíritu Santo, chɨxhimiakanapɨ ɨmoti au axɨba naskɨbeka kaɨma, saneityo au axɨba naskɨbeka kuantionki.

2 Corintios 8:23

Axti Tito, tyonenti naki anati auna chepeñɨ ɨmo niyachɨkoi autaku. Tapɨ axɨmanuma toxɨma makiataka usarukityaiki, bakɨpukux ɨmoma uimia axɨbama ikokoromati Jesús manaunumaintyo ɨmoti Cristo.