2 Timoteo 4:1 - Manityanati Tupax

¹ Sukarɨti Tupax sukarɨtityo Yɨriabux Jesucristo, naki kuatati ñana aɨbu taruku nanentakaxti takanati yarusɨrɨx Yɨriabux, nauki asaraiti ɨmoma axɨbama sɨborikomainki takanaintyo axɨbama tɨkoiñoma, asamu nuxia iñemo

Manitanati Tuparrü

¹ Rranitaca aemo au nürirrti Tuparrü y au nürirrti Señor Jesucristo, naqui cuati tato ñana tacanati yarusürürrü yüriaburrü, nauqui acurrtati aübu bama süboricoiqui y ümo bama ito tücoiño. Suraboira nurria nirracüpucu aemo:

2 Timoteo 4:1 교차 참조

San Mateo 16:27

Tyopiki axɨñɨ Aɨtoxti ñoñɨnx isekatɨ ñana aɨbu niriakaxti Tupax ichepe axɨbamaintyo ángeles, auki kaɨma toxio uiti taikiana ɨmoti taman nikuax axɨna isamutenti.

San Lucas 19:12

Nanti ɨmoma: “Anati tɨkañe taman ñoñɨnx axɨpekukimia axɨbama taruku nenaxixhimia, sɨrotitɨ iche'e au kiatax kɨx, nauki atoxi ɨmoti yarusɨrɨx nɨriakaxti auki asɨkɨbɨti tato.

San Lucas 19:15

“Axti toxio ɨriakaboti, auki basɨkɨbɨkoti tato au nikɨxti. Naukiche iñataiti tato, bakɨpuruti iyo axɨmanuma ikumanakataxti axɨbama mekuche aiñokoti nimonixhti, nauki atusi ɨmoti mantukubu isumainkianɨ uiti taman.

San Lucas 23:42

Auki nantityo: –Jesús, akionsɨ iyoñɨ axtɨ tɨtoxio aemo nɨriaka.

Hechos 10:42

Uiti aikɨpuruti somɨ nauki suburaboi sukarɨ axɨbama ikokoromati Tupax, ta uiti aiñanati nauki asaraiti ɨmoma axɨbama sɨborikoma takanaintyo ɨmoma axɨbama tɨkoiñoma.

Hechos 17:31

Tyopiki axti Tupax kuatati ñana au axɨmanu nanenes ensɨmunu uiti tɨkañe, auche asaraiti ɨmo namanaiña aɨbu axɨna uxia ñapanaunkuxti, uiti taman ñoñɨnx naki samamekanati uiti ityusiankatati axɨna sane naukiche sɨborikoti tato uiti.”

Romanos 2:16

au axɨmanu nanenes ñana auche axti Tupax asaratitɨ uiti Jesucristo axɨba umanekana au nausasɨxɨma mañoñɨnka, isiuki axɨba omixhia manityakax xhanunekaka.

Colosenses 3:4

Axti Cristo tyonenti axɨna nausɨboriki. Axtɨ kuatati tato ñana, axañointyo abaka ñana chepeti nauki aupukɨnuintyo ui nanentakaxti.

2 Tesalonicenses 2:8

Auki kaɨma kuatati maniki chuxiampɨ nisɨborikixhti, tyonenti naki iñaxioti ui yasukɨkɨ naruxti Yɨriabux Jesús auki champɨ nakaxti maniki ñoñɨnx axtɨ kuatati tato aɨbu nanentakaxti.

1 Timoteo 5:21

Tyone nixhakɨpuku aemo sukarɨti Tupax, sukarɨtityo Jesucristo, sukarɨmaintyo axɨbama ángeles samamekanama uiti Tupax tapɨ anati naki taruku nikuasɨrɨkɨxti aemo pɨnanaki makiataka.

2 Timoteo 1:10

Axɨmanu nipukɨruxti utaku tusiankana axɨna niyarusɨrɨkɨx kaɨma uiti Cristo Jesús naki uiche utaesɨbuka eanaki nomɨnantɨ, naki uiche aikiaɨbuti konkox oboityo axɨba omixhia manityakax, sɨro uiti au nanentax axɨna sɨborikixh chɨtakɨnunaumpɨ.

2 Timoteo 2:14

Urasoi sukarɨ makiataka axɨna sane, aikuansomokosoma sukarɨti Tupax tapɨ asioma uratokiakama. Tyopiki champɨ nanenekiche axɨmanu nuratokikixhimia. Uixh mameso ñapanaunkuxɨma axɨbama onsapetioma.

2 Timoteo 4:18

axti Cristo okɨmanati chakuñɨ ñopɨnanaki nanaiña nomɨnantɨ, nauki yɨrotɨ uiti au napes. ¡Taikiana Yarusɨrɨxti ɨmo nanaiña naskɨbeka! Amén.

2 Timoteo 4:8

Ane toxiobo iñemo axɨna icharusɨbo koñotɨ yasuriu axɨna toxio ñana iñemo uiti Yɨriabux, tyopiki uxia ñapanaunkuxti, au axɨmanu nanenes ñana. Chiñemoantaipɨ ta ɨmo namanaiña axɨbama kuasɨrɨti ɨmoma chepe axtɨ tɨkuatati tato ñana.

Tito 2:13

Chepe axtɨ iñatai ñana axɨmanu ensɨmunu tɨkañe oemo axɨna kɨmenuche nubaxɨperaka: niyekixhti tato aɨbu nanentakaxti yarusɨrɨx Tupax oemo Jesucristo, naki uiche ane maximiakatax oemo.

1 Pedro 1:7

Tyopiki axɨna apikokokati Tupax tyone takana oro: axɨna uiche atusi axtɨ uxia chɨrɨriko ui pes, axɨmanu makokonaunkux chɨtapenekopɨ oboi makokotoka, taruku nikuax pɨnanaki axɨmanu oro, axɨna mameso ñana. Sane axtɨ tɨkuatati tato Jesucristo, uxia ñana nuraxti kɨtɨpɨ axɨna napakokonaunku ɨmoti Tupax, tyopiki taman makokonaunkux axtɨ chɨtapenekopɨ ui makokotox koñotɨ uxia manityakax kɨtɨpɨ.

1 Pedro 4:5

Axɨma ñana ane tyopikiche asaraiti ɨmoma axti naki ipiakati asaraiti nipɨnatema axɨbama sɨborikomainki takanaintyo axɨbama tɨkoiñoma.

1 Pedro 5:4

Sane axtɨ kuatati tato Cristo ñana, tyonenti naki yɨriabux ɨmoma axɨbama asaramatɨ autaku, toxio ñana aume yarusɨrɨx makumanatax axɨna champɨ nityakɨrux.

2 Pedro 1:11

Ui axɨna sane aurɨbo aume tyurux nauki amenotɨ esati Yɨriabux Jesucristo ñome nanaiña naskɨbeka axti naki uiche ane maximiakatax oemo.

2 Pedro 1:17

Sumasakati naukiche axti Tupax naki Uyaɨ yarusɨrɨx nɨrixhti uiti, naukiche somonkoi axɨmanu yarusɨrɨx nuraxti Tupax ɨmoti: “Tyonenti Isaɨ axti naki taruku nikuasɨrɨkɨxti iñemo, naki samamekanati sobi.”

1 Juan 2:28

Sane kaɨma masaɨtaiki, abasikia chepeti Cristo, sane axtɨ kuatati tato oñonkatɨ ɨmoti tapɨ ane uiche okɨso ñɨnanati.

Apocalipsis 1:7

¡Axti Cristo kuatati omonɨ kɨsaɨboka! Namanaiña ñana asaramati axɨbamaintyo uiche aityabairomati tɨkañe. Namanaiña mañoñɨnka ikuki axɨna kɨx oxonene ɨmoma ñana tyakuti. Ñemanauntu, Amén.