2 Timoteo 3:6 - Manityanati Tupax

⁶ Tyonema axɨbama sɨromatɨ ubau poka atachemakama ñome paɨka axɨba sɨrɨmana nomɨnantɨ oboi, tyopiki axɨba ausɨratai niñuxantɨmo,

Manitanati Tuparrü

⁶ Aboma ito bama süromatatai au poca atachemacama ñoma paüca ui arrüna ñanunecacarrüma chomirriampü. Sane nauquiche arrüba paüca opichübañantai, ane nomünantü oboi ui arrüna niñurrancarrü ñome ba chomirriampü.

2 Timoteo 3:6 교차 참조

San Mateo 11:28

Ausiapata tauna yesañɨ namanaiña axɨbama batachebo ui yachɨkoimia kianaintyo nikiakaxɨma, sobi tochenkoma.

San Mateo 23:13

“¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

San Mateo 23:14

“¡Autakisɨrɨkatai ñana, axɨbama apanunekaka bakɨpukux uiti Moisés ichepe axɨbama fariseos, chapisamutempɨ axɨna amukanaño!, ityopiki apikiaɨbuta ñopɨnanaki biuraka axɨna nomenaxhixh, nauki tapɨ tusiapae abaityux nameanka. Tyaku ñana apasutiu yarusɨrɨx nautakisɨrɨkɨ.

San Mateo 4:24

Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

San Marcos 4:19

chɨchebopɨ uimia nauki axɨmanio omixhia manityakax oboi aikoñokoma nisɨborikixhimia. Taruku nixhankaxɨma ɨmo monixh nauki aye uimia axɨna nixhantɨmoma, nauki taruku nipukɨnunkuxɨma iku axɨna kɨx.

1 Corintios 12:2

Axaño tusiu aume naukiche chapikokokatikipɨ Jesús amekatɨatai isiu matupaka nisamuku mañoñɨnka.

1 Timoteo 5:6

Tapɨ axɨna biurax ityoximianɨ ɨmo nipukɨnunkux chauki tɨkoiño auki nisɨborikixh.

1 Timoteo 6:9

Tapɨ axɨbama xhanxɨma ane tarukapae nenaxixhimia tapenekoma au nimetoxti chobores. Ane makokotox ɨmoma aisamunema axɨba chomixhampɨ ɨmo makiataka, sane mameso nanaiña nisɨborikixhimia.

Tito 1:11

Tapɨ chebo obi anunekama, tyopiki auki nakaxɨma chɨmastakaxɨpɨ ɨmo makiataka aɨbu namanaiña axɨbama aɨtoxɨma, manunekanama axɨba chomixhampɨ yakɨna ane nimonixhimia isiuki axɨmanu ñanunekakaxɨma.

Tito 3:3

Tyopiki tɨkañe saneityo nosɨboriki chuxiampatai osoi ɨmo makiataka champɨatai uxia oemo. Uñamenkatai chɨmastakaxɨpɨ oemo uisamute nanaiñantai axɨba chomixhampɨ. Osɨborikia aɨbu chɨrɨri uyubatio nenaxi makiataka, tɨborikomantai oemo axoñɨntyo otɨborikiatai aɨbu makiataka.

2 Pedro 2:18

Oboi axɨba omixhantai nuraxɨma, matachemakanama ɨmo makiataka, ñemanaunkuxatoe champɨ nanenekiche ñanunekakaxɨma. Matachemakanama ɨmo makiataka aisamunema chepema axɨba chuxiampɨ nixhantɨmoma. Tapenekoma uimia axɨbama apekiatai aiñokoma axɨba nomɨnantɨ.

2 Pedro 3:17

Sane naukiche, masarukityaiki, tɨtusiu aume axɨna sane, amasasai nuxia, tapɨ autapeneka ui axɨbama chuxiampɨ nisɨborikixhimia nauki tapɨ apiñokotaityo napakokonaunku ɨmoti Tupax.

SAN JUDAS 1:16

Champɨatai uxia ɨmoma, nanaiñantai untema xhanxɨma kunauntañama nanaiña ane ɨmoma. Manityanama takanati naki taruku nipiakaxti, uxiantai nuraxɨma ɨmo makiataka nauki aye uimia nixhantɨmoma pɨnanakimia.

SAN JUDAS 1:18

namatɨ tɨkañe aume: “Au nityakɨru axɨba naskɨbeka aboma ñana axɨbama chiyaupɨ nunkuxɨma, sɨborikoma yupu axɨba chomixhampɨ nixhantɨmoma.”

SAN JUDAS 1:4

Tyopiki auki ñatachemakakaxɨma aume aboma abaxɨpeku axɨbama tɨtusiu ui Nikorox aukiapae tɨkañe ta ane ñana takisɨrɨkɨx ɨmoma. Au ñakionkoxɨma, tyopiki axti Tupax taruku nukuasɨrɨkɨ ɨmoti, champɨ kausane uiti oemo axtɨ chuxiampɨ nosɨboriki, champɨityo axtɨ ikokoromati naki kunauntañati Yɨriabux oemo, axti Jesucristo.