2 Timoteo 2:5 - Manityanati Tupax

⁵ Sanentityo naki sɨrotitɨ ɨmo kupiukux champɨ iyebo uiti axtɨ isamutenti isiuki nixhankaxti.

Manitanati Tuparrü

⁵ Suraboira ito asucarücü arrüna quiatarrü machepecatarrü: Aboma bama bapurrtarama ümo barucurrü. Pero arrümanu barucurrü ane niyücürrü. Chüpuerurrüpü aisamunema isiu nirrancarrüma. Tiene que aisamunema isiu niyücürrü. Si no, chüpuerurrüpü acanama.

2 Timoteo 2:5 교차 참조

San Lucas 13:24

–Apapache nikiubu año kausane nauki ayepo aboi auki axɨmanu tyurux tunumusiña. Tyopiki sukanañɨ aume sɨrɨmanama ñana axɨbama xhanxɨma aɨromatɨpo, chiyebopɨ uimia.

Filipenses 1:15

Ñemanauntu aboma axɨbama urapoimia axɨba omixhia manityakax tyopiki ubatioma axɨna niyachɨkoi o tyopiki tɨborikomantai suatañɨ, abomaintyo makiataka isamutema sane tyopiki ñemanauntu xhanxɨma anunekama.

Colosenses 1:29

Ɨmo nanaiña axɨna sane isamute niyachɨkoi ui noñemaxti Cristo axɨna toxio uiti iñemo.

Hebreos 12:4

Tyopiki axaño ui namokɨmaka autakuapatoe pɨnanaki nomɨnantɨ, champɨti tɨkoiño takanati Jesús.

Hebreos 2:7

Mɨmanantai naneneka simiamantai nɨriakaxti obi pɨnanaki axɨbama ángeles, auki yarusɨrɨx nɨriakaxti obi.

Hebreos 2:9

Basakati Jesús, naki simia nɨriakaxti uiti Tupax pɨnanaki axɨbama ángeles ñome mɨmanantai naneneka, anati aɨbu yarusɨrɨx nɨriakaxti, tyopiki nikonkoxti. Axti Tupax, ui ñakumananaunkuxti, chebo uiti nauki asuriuti nikonkoxti tyaku namanaiña.

Santiago 1:12

Taruku ñana nipukɨnunkuxti naki ñoñɨnx axtɨ aruku nuxia ɨmoti ñome makokotoka, tyopiki axtɨ uxia nisɨborikixhti au nastaxti Tupax, toxio ñana isɨborikiboti axɨna champɨ nityakɨrux axɨna ɨriotɨ uiti ɨmoma axɨbama manaunuma ɨmoti.

1 Pedro 5:4

Sane axtɨ kuatati tato Cristo ñana, tyonenti naki yɨriabux ɨmoma axɨbama asaramatɨ autaku, toxio ñana aume yarusɨrɨx makumanatax axɨna champɨ nityakɨrux.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Apocalipsis 3:11

Konto ñana isekatɨ tato. Asasatɨ nuxia tyaku axɨna ane obi tapɨ anati ikiaɨbutati apɨnanakikɨ axɨna toxiobo ñana aemo.

Apocalipsis 4:10

Axɨmanuma veinticuatro mayɨriabuka bachesoiyoma esati manaunuma ɨmoti, auki yarɨtaɨbutama nityarusɨxɨma esa axɨmanu nityɨmoxti, namatɨ:

Apocalipsis 4:4

Abetyo pikiataka veinticuatro nityɨmo mayɨriabuka, kauta amonkoma tɨmonsoma veinticuatro mayɨriabuka: purusubi naibixhimia ane nityarusɨxɨma ityama uxiante ui oro.