2 Timoteo 2:16 - Manityanati Tupax

¹⁶ Tapɨ anityaka axɨba chomixhampɨ, tyopiki axɨbama manityanama axɨba chomixhampɨ, isiu nomeki naneneka isamutema axɨba nomɨnantɨ

Manitanati Tuparrü

¹⁶ Tapü ane nümoche obi arrüna nipiarirrimia bama chicocoromatipü Tuparrü, itopiqui arrüma manitanamantai. Manrrü oncomatü ümo arrüna nomünantü.

2 Timoteo 2:16 교차 참조

Tito 3:9

Tapɨ asikia aiñumu axɨba chomixhampɨ mapanaunkux, tapɨ ane nɨmoche obi nurax kɨtɨpɨ axɨbama kusɨnɨtaña tɨkañe, tapɨ ɨnantɨ aemo tyopiki axɨmanu bakɨpukux uiti Moisés. Axɨmanio sane champɨ isane nanenekiche.

1 Timoteo 6:20

Axɨkɨ Timoteo, asasatɨ nuxia tyaku axɨna bakɨpukux aemo. Tapɨ ane nɨmoche obi chɨtamampatai nuraxɨma axɨba champɨ nanenekiche, takanaintyo axɨba chiñemanauntupɨ manunekatax.

Tito 1:14

tapɨ ane nɨmoche uimia axɨba chomixhampɨ nuraxɨma axɨmanuma judíos, tapɨ ikokotama yakɨpukuxɨma axɨbama chixhanxɨpɨma asuriuma axɨba ñemanauntu manunekatax.

2 Timoteo 2:14

Urasoi sukarɨ makiataka axɨna sane, aikuansomokosoma sukarɨti Tupax tapɨ asioma uratokiakama. Tyopiki champɨ nanenekiche axɨmanu nuratokikixhimia. Uixh mameso ñapanaunkuxɨma axɨbama onsapetioma.

Apocalipsis 13:3

Taman uturuki axɨmanio siete nityanux axɨmanu numukianx ane takana taruku nobɨrityux ɨmo. Axɨmanu nobɨrityux uxiante tato, namanaiña axɨbama ikuki axɨna kɨx taruku nikɨtobɨxɨma auki sɨromatɨ isiu axɨmanu numukianx.

2 Pedro 2:18

Oboi axɨba omixhantai nuraxɨma, matachemakanama ɨmo makiataka, ñemanaunkuxatoe champɨ nanenekiche ñanunekakaxɨma. Matachemakanama ɨmo makiataka aisamunema chepema axɨba chuxiampɨ nixhantɨmoma. Tapenekoma uimia axɨbama apekiatai aiñokoma axɨba nomɨnantɨ.

2 Pedro 2:2

Sɨrɨmanama ñana isamutema nisɨborikixhimia takana axɨmanuma mapañama anunekama, isamutema nanaiñantai axɨba chomixhampɨ au nisɨborikixhimia. Auki nakaxɨma makiataka ñana chuxiampɨ nuraxɨma ɨmoma axɨbama ikokoromati Jesús.

Hebreos 12:15

Apapache nikiubu año tapɨ anati naki iñanatiyɨ pese pɨnanaki nikuasɨrɨkɨxti ɨmoti Tupax. Tapɨ chebo aboi anati naki chuxiampɨ nisɨborikixhti abaxɨpeku takana axone soes pichananene nixhanakax tyone takana picharax ɨmo namanaiña.

Tito 1:11

Tapɨ chebo obi anunekama, tyopiki auki nakaxɨma chɨmastakaxɨpɨ ɨmo makiataka aɨbu namanaiña axɨbama aɨtoxɨma, manunekanama axɨba chomixhampɨ yakɨna ane nimonixhimia isiuki axɨmanu ñanunekakaxɨma.

2 Timoteo 3:13

Tapɨ axɨbama chuxhiampɨ nisɨborikixhimia axɨbamaintyo mañatachemakaka isiu nomeki naneneka ñana sɨromatɨ ɨmo axɨna tarukapae chuxiampɨ, aɨbu ñatachemakakaxɨma, tyopiki axɨma tɨkusɨrɨboma atachema uiti chobores.

1 Timoteo 4:7

Tapɨ ane nɨmoche obi axɨba onkoi chomixhampɨ nuraxɨma axɨbaityo champɨ nanenekiche ñapanaunkuxɨma. Aiña nuxia nauki uxia nasɨboriki aɨbu makiataka.

1 Corintios 15:33

Tapɨ apichɨkaño nauki autapeneka. Takanati maniki nanti: “Axɨbama aboma ochepe axtɨ chuxiampɨ nisɨborikixhimia uimia mameso axɨna nubacheata uisamune.”

1 Corintios 5:6

Axaño champɨ tyopikiche au napakionko champɨti kiatax amopɨrɨkɨ. Tɨtusiu aume axɨmanu piarakax: “Ui simiantai levadura ikianɨ ape nanaiña axɨmanu pan.”

Apocalipsis 13:14

Oboi axɨmanio chebo ɨmo aisamunio axɨba champɨ tu bastai sukarɨ axɨmanu kusɨrɨbo numukianx, tapenekoma uixh axɨbama po'osoma iku axɨna kɨx, auki bakɨpuru ɨmoma nauki asamuma taman nausɨpɨtux axɨmanu numukianx sɨborikoiki axɨmanu obɨrio ɨmo ui kɨses.

1 Timoteo 1:9

Tusiuityo oemo axɨmanu bakɨpukux uiti Moisés chɨtɨpɨ ɨmoma axɨbama isamutema axɨba omixhia au nisɨborikixhimia. Axɨmanu bakɨpukux ta ɨmoma axɨbama isamutema axɨna chuxiampɨ axɨbama chɨmakokonaumpɨma, axɨbama chɨmanaunupɨma ɨmoti Tupax, axɨbama batabayoma ɨmo axɨbama, yaɨtoxɨma chepe nipiakɨtoxɨma, namanaiña mayatabayoka.

2 Timoteo 2:21

Axtɨ aiñokokio nanaiña axɨba nomɨnantɨ, tyone nasɨboriki takana axɨmanio nenaxi pox omixhantai omixhante ui oro chepe plata, axɨna kunusɨankana ɨmoti Tupax, axɨna baserebio ɨmo nanaiñantai axɨna uxia.