2 Timoteo 1:7 - Manityanati Tupax

⁷ Axti Tupax chɨtoxiotipɨ Espíritu Santo oemo uiti nauki taruku nuixhuku, ta nauki aruku nuxia oemo, nauki makumananau naukityo mapanau.

Manitanati Tuparrü

⁷ Arrti Bae Tuparrü icüpurutiti Espíriti Santo au nuyausasü. Uiti caüma chuirrucapü ñünana macrirrtianuca. Bacheboti ucusüubu. Bayuraratito oemo, nauqui acuama oemo macrirrtianuca, y nauqui urria numapensaca.

2 Timoteo 1:7 교차 참조

San Lucas 10:19

Toxio sobi aume axɨna nipiaka nauki apikɨmonio noixhoboka yochepe nupataka, nauki amekatɨ pɨrɨkɨ nikusɨuxti naki chuxiampɨ uiti aume, tapɨ anentyo kausane aume.

San Lucas 15:17

Au nityakɨrux kuatɨ au ñakionkoxti: ‘¡Au nipoxti iyaɨ sɨrɨmanama axɨbama ikumanakataxti ane kɨtɨpɨx utuburiboma, tapɨ axɨñɨ auna tɨsaimia nisonko ui nisɨrɨpɨ!

San Lucas 24:49

Axɨñɨ xhakɨpukaiki aume axɨna toxiobo uiti Iyaɨ aume, axaño abasikiatai, auna Jerusalén, chepe axtɨ apasutiu nɨriakax auki napes.

San Lucas 8:35

Axɨmanuma po'oso yebomatɨ asaborimia axɨmanu sane. Naukiche iñataimia kauta anankati Jesús, tabɨkoti uimia tɨmonsoti yobesa nipopesti axti maniki ñoñɨnx amonkoma machoboreka kɨtɨpɨti, ane naibixhti kɨtɨpɨti champɨ kausane ɨmoti. Auki bixhubuma.

San Juan 14:27

“Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

Hechos 1:8

Tapɨ axɨñɨ ixhanka atusi nuxia aume ta kuatati ñana Espíritu Santo aukɨtɨpɨ, uiti apasutiu ñana noñemaxti Tupax nauki apanuneka sɨtɨpɨñɨ au Jerusalén, au Judea, au Samaria, au nanaiña axɨba poka iku kɨx.

Hechos 10:38

Tusiu aume, toxioti Espíritu Santo ɨriakaboti Jesús naki auki Nazaret, axti Jesús isamuniontiño axɨba omixhia auki namensti, uxiankamaintyo tato uiti axɨbama takisɨrɨ uiti chobores. Axɨna sane isamutenti, ityopiki axti Tupax anati ichepeti.

Hechos 20:24

Tapɨ axɨñɨ champɨapae nɨmoche sobi axtɨ ikiaɨbutama xhopɨnanakiñɨ nisɨboriki, axɨna nixhantɨmo ta iñanai tyakɨru niyachɨkoi aɨbu nipukɨnunku nauki sane isamune yakɨpukuxti Yɨriabux Jesús iñemo xhanuneka axɨba omixhia manityakax nukuasɨrɨkɨ ɨmoti Tupax.

Hechos 21:13

Aiñumuti Pablo: –¿Kausane abareoka axɨñɨ isucheka aboi? Axɨñɨ champɨ ityopikiche iixhu, sane axtɨ ityomoenomañɨ saneityo axtɨ ityabairomañɨ au Jerusalén tyopikiti Yɨriabux Jesús.

Hechos 26:11

Taruku nityakisɨrɨkɨxɨma sobi au nanaiña axɨmanio sinagogas nauki aiñokoma ñakokonaunkuxɨma, taruku nichɨbori kuatama yɨkatɨ isiuma axtɨ besɨburuma au pikiataka poka tanu ichee.

Hechos 26:25

Tapɨti Pablo aiñumuti: –Chɨmamesopɨ nichanu, yɨriabux Festo. Axɨna sukanañɨ tyone ñemanauntu, uxia axɨna nixhapanaunku.

Hechos 6:8

Axti Esteban, ane kɨtɨpɨti noñemaxti Tupax, omixhankio uiti axɨba champɨ tastaimia axɨpekuma axɨmanuma po'oso.

Hechos 9:22

Tapɨti Saulo yusiu naneneka aruku nuxia ɨmoti aɨbu ñanunekakaxti, axɨmanuma po'osoma au Damasco chɨmastakaxɨpɨ ɨmoma oboi nuraxti, urapoiti sukarɨma axti Jesús ta tyonenti Mesías.

Romanos 5:5

Axɨmanu iyebo ñana osoi esati Tupax, chɨtɨpɨ mapankax, ityopiki axti Tupax auki noñemaxti Espíritu Santo axɨna nuyausasɨ isamute nanaiña axɨba omixhia.

Romanos 8:15

Tyopiki axaño chɨtoxiotipɨ Espíritu Santo aume naki uiche autakisɨrɨka tarukuityo naupixhuku, ta axti Espíritu naki uiche aɨtoxti Tupax año.

1 Corintios 2:4

naukiche xhanityaka aupu naukichetyo xhanunekaka aume axɨba omixhia manityakax, chixhanityakapɨ aume takana axɨbama taruku nipiakaxɨma anityama nauki sane apikoko nixhanityaka. Ta axaño apikokota ui noñemaxti Espíritu Santo uityo noñemaxti Tupax,

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

Colosenses 1:8

Uiti atusi suiñemo kausane nausɨboriki, kausaneityo ui noñemaxti Espíritu Santo taruku napakumananaunku ɨmo makiataka.

Hebreos 2:15

Sane naukiche ane maximiakatax uiti ɨmo namanaiña axɨbama ui nixhukuxɨma ñɨnana nikonkoxɨma amonkoma baserebioma ɨmo nanaiña nisɨborikixhimia.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Juan 4:18

Axti naki makumananaunxti champɨ ñɨnanache aixhuti. Kauta ane makumananaunkux champɨ bixhukux. Axɨna ñemanaunkuxatoe makumananaunkux sɨrotɨ iche uixh bixhukux. Axti naki bixhubuti tapɨ manityomokonoti Tupax ɨmoti ta tyopiki chiñemanauntupɨ ñakumananaunkuxti.