2 Timoteo 1:5 - Manityanati Tupax

⁵ Tyopiki xhakionkañɨ ɨmo axɨna ñemanaunkuxatoe nakokonaunku. Kusɨrɨbo tɨkañe apakokonau napoxityo Loida chepe napakɨma Eunice, tusiuityo nuxia iñemo ta axɨkɨ akokonaunkaityo.

Manitanati Tuparrü

⁵ Rraquioncañü ito iyo arrüna urriampae nacoconauncu ümoti Tuparrü. Cusürübo aicocoroti Jesús manu naporri, nürirri Loida. Auquito arrümanu napacüma nürirri Eunice icocoroti. Sane nauquiche arrücü ito aicococatito, bien tusio nurria iñemo.

2 Timoteo 1:5 교차 참조

San Juan 1:47

Naukiche asaratitɨ Jesús kɨmenuti Natanael, nanti: –Kuatati tauna tyonenti naki ñemanauntu auki Israel, naki chipiakatipɨ apanti.

Hechos 16:1

Iñataiti Pablo au Derbe sɨrotitityo au Listra, po'osoti akamanu tamanti ñoñɨnx nɨrixhti Timoteo, aɨto taman paɨx judía axɨna ikokoroti Jesús, tapɨti yaɨtoti manityanati griego.

Hechos 26:26

Akamanu nakaxti yɨriabux Agripa, axti tusiu nuxia ɨmoti nanaiña, sane naukiche uxia nixhakionko xhanitya sukarɨti. Tyopiki tusiu iñemo, axtityo tusiu ɨmoti nanaiña axɨna sukanañɨ, ityopiki nanaiña axɨna sane chomixhantempɨ umanekanatai au taman tyoripiakɨx.

Romanos 14:14

Axɨñɨ tusiu iñemo ikokota nuraxti Yɨriabux Jesús, nanaiña uxia umane. Tapɨ axtɨ anati naki au ñakionkoxti chuxiampɨ, ɨmotiatae axɨna chuxiampɨ.

Romanos 14:5

Ane kiatax: Aboma axɨbama taruku nikuax taman nanenes ɨmoma pɨnanaki kiatax, aboma makiataka namatɨ chepatai nubaka naneneka ɨmoma. Tari taikianati taman atusinau nuxia ɨmoti axɨna nanti.

Romanos 15:14

Masarukityaiki, axɨñɨ tusiu nuxia iñemo axaño ane aukɨtɨpɨ axɨna uxia axɨnaintyo napapanaunku apipiaka apanuneka aumeampatoe.

Romanos 4:21

tusiu nuxia ɨmoti ta axti Tupax ane nɨriakaxti nauki aisamunenti axɨna ɨriotɨ uiti.

Romanos 8:38

Tusiu iñemo ta ñemanauntu champɨ uiche aiñana oñɨ pese pɨnanaki nukuasɨrɨkɨ ɨmoti Tupax, nipɨ nokonko, nipɨ nosɨboriki, nipɨ axɨbama ángeles, nipɨ nɨriakaxɨma axɨbama espíritu, nipɨ axɨna kaɨma, nipɨ axɨnaintyo kuabotiki,

2 Corintios 6:6

Sopityusiankataityo ui axɨna besɨro suisɨboriki, tyopiki suisuputakai axɨna ñemanauntu, ui axɨna supasamunaunka suipukɨruityo aɨbu namanaiña, tyopiki ane noñemaxti Espíritu Santo suisɨtɨpɨ, tyopiki ñemanauntu kuasɨrɨma suiñemo namanaiña,

1 Timoteo 1:5

Asamu nuxia iñemo aiñununekasama nauki ñemanaunkuxatoe akuasɨrɨma ɨmomantoe. Axɨbama champɨ kausane au nausasɨxɨma, axtɨ ñemanauntuityo ikokoromati Tupax, sane ñakumananaunkuxɨma.

1 Timoteo 4:6

Anuneka axɨba sane ɨmoma axɨbama ikokoromati Jesús, sane ñemanauntu uxia naserebiki ɨmoti Cristo Jesús, axti naki baserebioti tyone niyarataxti axɨba omixha manityakax ui ñakokonaunkuxti axɨmanu manunekatax sɨrotitɨ isiu.

2 Timoteo 1:12

sane naukiche taruku nichakisɨrɨkɨ oboi axɨba sane. Ta axɨñɨ chisɨsokapɨ oboi, tyopiki axɨñɨ tusiu iñemo ñakuti ɨmoche ñonkatɨ. Tusiuityo iñemo chepe axɨmanu nanenes ñana asaratitɨ tyaku axɨmanu toxio uiti iñemo.

2 Timoteo 3:15

Akionsɨ aukiapae simiankɨki asuputakai axɨna Nikorox, axɨba oboiche taruku napanaunku nauki ataesɨbuka eanaki nomɨnantɨ tyopiki nakokonaunku ɨmoti Cristo Jesús.

Hebreos 11:13

Namanaiña axɨmanuma mañoñɨnka koiñoma chiyasutiuma axɨmanu ɨriotɨ uiti Tupax ɨmoma. Ta ui axɨna ikokoromati nuxia, astaimia auki icheatai, auki taruku nipukɨruxɨma, akamanu tusiu ɨmoma, ta axɨma chɨtɨpɨ nikɨxɨma axɨna kɨx.

Hebreos 6:9

Masarukityaiki, sukanasomɨ aume axɨna sane, tusiu suiñemo ta axaño chapiñokotapɨ napakokonaunku, ta amonkatɨ nuxia ɨmoti Tupax. Tyone axɨna koñotɨ apisamune, tyopiki sane ane maximiakatax aume.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.