2 Pedro 3:11 - Manityanati Tupax

¹¹ Nanaiña iñaxio ñana ui axɨna sane, ¡apakokonau ɨmoti Tupax apisamusentyo axɨna uxia!

Manitanati Tuparrü

¹¹ Sane te ñana, masaruquitaiqui, nanaiña iñarrio. Sane nauquiche arraño tiene que apiña nurria nausüboriqui, apitorrimiasaño ümoti Tuparrü, nauqui apisamune isiu nirrancarrti,

2 Pedro 3:11 교차 참조

San Mateo 8:27

Axɨma, aɨbu nikɨtobɨxɨma, ñankitioma pɨnanakimiantoe: –¿Ñakutipatai naki, makiɨtɨx ichepe narubaityu tux opikokota yakɨpukuxti?

Romanos 13:11

Au nanaiña axɨna sane amasasatɨ nuxia ñome axɨba naskɨbeka kaɨma usukarɨ, atusityo aume tiñatai mapakɨmunkutux nauki ostopɨ. Tyopiki axɨna nukaɨbuku eanaki nomɨnantɨ tɨsaimia pɨnanaki aukutanu naukiche aɨbo oñonkoi axɨba omixha manityakax.

Romanos 13:12

Chauki tɨkoboi axɨna tobixh tɨsaimia anene. Sane naukiche uiñokona axɨba nomɨnantɨ uisamute nesaxatoe axɨna tobixh, uiñana okɨtɨpɨ axɨba omixhia ui nanentax takana axtɨ tamanti sortabox koborioti.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

Filipenses 1:27

Tyoneantai axɨna sukanañɨ aume: apiña nausɨboriki isiuki axɨba omixhia nuraxti Cristo. Apisamuse sane axtɨ yɨkatɨ tanu o chiyɨkapɨtɨ yasaraño, ixhanka atusi iñemo ta namanaiña axaño chepe naka nausɨboriki chepetyo napakionko au nanaiña, apiñata nuxia nauki aburaboi axɨmanio omixhia manityakax,

Filipenses 3:20

Tapɨ axoñɨ ta auki napes oñɨ, uixh naukiche uxianka nauki ayetitɨ auki napes naki uiche utaesɨbu eanaki nomɨnantɨ, axti Yɨriabux Jesucristo,

1 Tesalonicenses 1:5

Naukiche suburapoi ausukarɨ axɨba omixhia manityakax, chisopisamutempɨ ui manityakaxtai, sopisamute ui noñemaxti Tupax takanaintyo ui noñemaxti Espíritu Santo.

1 Timoteo 3:16

Ñemanauntu nanaiña axɨna tusiankana tyone axɨna uikokota taruku niyarusɨrɨkɨx: Axti Cristo kuatati iku axɨna kɨx takanati ñoñɨnx. Uiti Espíritu Santo uraboiti ta champɨ nipɨnatenti. Axɨbama ángeles asaramati. Axɨba omixhia nuraxti tusiu ɨmo namanaiña, namanaiña ikuki axɨna kɨx ikokoromati. Yasuriurumati au napes.

1 Timoteo 4:12

Tapɨ aicheta anati naki chuxiampɨ uiti aemo tyopiki yaɨxɨkɨkiapae. Aisamuse uxia nasɨboriki sukarɨma axɨbama ikokoromati Jesús axtɨ anityaka, aukityo nakumananaunku, nakokonaunku, tapɨ ane kausane nasɨboriki.

1 Timoteo 6:11

Tapɨ axɨkɨ Timoteo, aserebikia ɨmoti Tupax. Sane naukiche akosi iche ñopɨnanaki nomɨnantɨ. Aiña nuxia nauki akokonaunka ɨmoti Tupax. Taikiana besɨro nasɨboriki, akuasɨrɨma aemo axɨbama ikokoromati Jesús. Axtɨ abe axɨba chɨtamampatai aemo, tapɨ aikɨsabukɨatai apukɨnunau tyaku makiataka.

1 Timoteo 6:3

Axtɨ anati naki manunekanati axɨna chisiupɨ axɨna ñanunekakaxti Yɨriabux Jesucristo axɨnaintyo numakokonaunku ɨmoti Tupax,

1 Timoteo 6:6

Ñemanauntu axɨna numakokonaunku ɨmoti Tupax tyone axɨna uiche ane yarusɨrɨx noñenaxi, ta ɨmotiatai naki pukɨnuñanti aɨbu axɨna ane uiti.

Hebreos 13:5

Tapɨ tarukapae nauxianka ɨmo monixh. Aupukɨnu aɨbu axɨna ane aboi, tyopiki axti Tupax nanti sane: “Chɨtakɨrusupɨ ñana nixhakionko akɨ.”

Santiago 1:24

asaratitɨ ɨmotiatoe, axtɨ tɨbasɨkɨbɨkoti tato, chakionotiyɨpɨ kausane naka nisuxti.

Santiago 3:13

Axtɨ anati abaxɨpeku naki taruku nipiakaxti, tari aityusiankati oboi axɨba omixhia isamutenti, takanati naki taruku nityakisɨrɨkɨxti ui axɨmanu nipiakaxti.

1 Pedro 1:15

Tari taikiana besɨro nausɨboriki, tyopiki axti Tupax, naki uiche aityasuruti año, ta champɨ nomɨnantɨ uiti.

1 Pedro 2:12

Taikiana uxia nausɨboriki axtɨ abaka axɨpekuma axɨbama chikokoropɨmati Tupax. Sane axtɨ kaɨma chuxiampɨ nuraxɨma aume, takana axɨbama chuxiampɨ nisɨborikixhimia, astaimia ñana axɨna uxia apisamute auki machampienkanama ɨmoti Tupax uimia au axɨmanu tyakɨrux nanenes ñana.

2 Pedro 1:3

Axti Tupax ui nɨriakaxti toxio oemo nanaiña axɨna nuxiantɨmo, nauki uisamune nosɨboriki isiu nixhankaxti. Uiti Tupax atoxi oemo nanaiña axɨmanu sane naukiche iyusianakanatiyɨ Jesucristo usukarɨ. Auki nakaxti samamekana oñɨ nauki aye osoi au axɨmanu champɨ takanache nanentakax esati.

2 Pedro 1:6

tapɨ chebo oboi ɨmo naukɨtɨpɨ apisamune isiu nixhankax. Tapɨ autɨborikiatai aɨbu makiataka, apityoximia nausɨboriki ɨmoti Tupax,

2 Pedro 3:10

Au axɨmanu nanenes ñana auche ayetitɨ tato Yɨriabux Jesús, kuatati takanati taman kusɨpɨx. Au axɨmanu nanenes ñana axɨna napes iñaxio ui taman yarusɨrɨx nisɨux uiche taruku bixhukux, nostoñeka omiñaxio ñana ui pes, axɨnaintyo kɨx aɨbu nanaiña axɨba abe iku omiñaxio ñana.

2 Pedro 3:12

Apaxɨpera aɨbu narukux aume kɨmenu axɨmanu nanenes ñana auche asaraiti Tupax ɨmo nanaiña kɨx. Au axɨmanu nanenes ñana axɨna napes iñaxio ui pes, nostoñeka bochɨrɨriko eana pes.