2 Pedro 3:10 - Manityanati Tupax

¹⁰ Au axɨmanu nanenes ñana auche ayetitɨ tato Yɨriabux Jesús, kuatati takanati taman kusɨpɨx. Au axɨmanu nanenes ñana axɨna napes iñaxio ui taman yarusɨrɨx nisɨux uiche taruku bixhukux, nostoñeka omiñaxio ñana ui pes, axɨnaintyo kɨx aɨbu nanaiña axɨba abe iku omiñaxio ñana.

Manitanati Tuparrü

¹⁰ Pero arrümanu nanenese ensümunu uiti Señor cuatü rrepenteatai tacanati taman cusüpürrü au tobirri. Au manu nanenese iñarrio napese aübu tarucu nisüurrü. Nanaiña arrüba abe obüro eana nonco pese. Enterurrü na cürrü aübu nanaiña arrüba abe icu omiñarrio, champü isane sobürau.

2 Pedro 3:10 교차 참조

San Mateo 24:35

Axɨna napes ichepe axɨna kɨx omensoro ñana, tapɨ axɨba nixhanityaka nanaiña omixhankio.

San Marcos 13:31

Axɨna kɨx ichepe napes omiñaxio ñana, tapɨ axɨba nisura ta omixhankio ñana.

San Lucas 12:39

Atusityo aume axɨna sane: axtɨ tusiupɨ ɨmoti naki po'oso isane horax ñana ayetitɨ kusɨpɨx, chichebopɨ uiti anati sɨrotitɨpo au nipoxti akusɨpɨti.

Romanos 8:20

Tyopiki nanaiña axɨba nisamukuxti Tupax tɨkañe, sɨro pese pɨnanaki axɨna nɨmoche aisamunenti, choboixhapatoipɨ, ta ui noñemaxti Tupax. Aninki ñana axɨna toxiobo

1 Corintios 1:8

Uiti Tupax sɨsio año aɨbu nauxianka amasarati chepe nityakɨrux, tapɨ anati naki asioti urapakaiti kausane nausɨboriki ñana axtɨ tɨkuatati tato axti Yɨriabux Jesucristo.

1 Corintios 5:5

axti maniki ñoñɨnx tari apityoximiasati ɨmoti Chobores, nauki ako axɨmanu nikɨtɨpɨxti nauki atɨrai tato nausɨpɨxti eanaki nomɨnantɨ au axɨmanu nanenes ñana axtɨ tɨkuatati tato Yɨriabux Jesús.

2 Corintios 1:14

tyopiki ane axɨna kauta chauki tɨtusiu aume axɨna suisɨboriki, axtɨ tɨkuatati tato Yɨriabux Jesús axaño aupukɨnunka suichopiki takanaintyo axɨsomɨ suipukɨnunka autopiki.

1 Tesalonicenses 5:2

Axaño tɨtusiu nuxia aume axɨmanu nanenes ñana auche kuatati tato Yɨriabux Jesús iñataiti tato ñana axtɨ champɨti añe ñakionkoxti, au tobixh takanati kusɨpɨx.

1 Tesalonicenses 5:4

Tapɨ axaño masarukityaiki chabakapɨ au tomikianene, ɨmo axtɨ kuatati tato ñana Yɨriabux Jesús tapɨ autabɨkatai takana uiti kusɨpɨx.

2 Pedro 3:11

Nanaiña iñaxio ñana ui axɨna sane, ¡apakokonau ɨmoti Tupax apisamusentyo axɨna uxia!

2 Pedro 3:12

Apaxɨpera aɨbu narukux aume kɨmenu axɨmanu nanenes ñana auche asaraiti Tupax ɨmo nanaiña kɨx. Au axɨmanu nanenes ñana axɨna napes iñaxio ui pes, nostoñeka bochɨrɨriko eana pes.

2 Pedro 3:7

Axɨna napes chepe axɨna kɨx kaɨma, omiñaxio ñana ui pes tyopiki sane yakɨpukuxti Tupax. Ui axɨmanu pes ɨroma ñana au axɨmanu tyakɨrux nanenes axɨbama chuxiampɨ nisɨborikixhimia axtɨ tastaiti nisɨboriki namanaiña.

SAN JUDAS 1:6

Axɨbamaintyo ángeles chɨmakokonaumpɨma, onkono uimia nipoxɨma, amanamampo uiti Tupax kauta tarukapae tomikianene chepe axtɨ iñatai ñana axɨmanu nanenes ñana.

Apocalipsis 16:15

Sane naukiche axti Yɨriabux nanti: “Isekatato ñana axtɨ champɨti ane ñakionkoxti. Isekatɨ takanati kusɨpɨx, naki kusɨpɨoti au tobixh axtɨ champɨti ane ñakionkoxti. Axti Tupax kurusɨoti uiti naki chɨmanutañatipɨ axtɨ anentyo naibixhti, tyopiki chɨtabɨkotipɨ uiti kɨsuasati. Champɨityo tyakuche akɨsoti.”

Apocalipsis 20:11

Auki yastai taman yarusɨrɨx nityɨmoxti Yɨriabux purusubi, axtityo maniki tɨmonsoti iku. Sukarɨti kaɨma omensoro kɨx chepe napes, chanantopɨ anati astaiti tato.

Apocalipsis 21:1

Auki yastai kiatax napes kiatax kɨx. Tyopiki axɨmanu kusɨrɨbo napes chepe axɨmanu kɨsɨrɨbo kɨx chauki champɨki, saneityo axɨmanu narubaityu tux.

Apocalipsis 3:3

Akionsɨ nanaiña axɨna asutiu axɨnaintyo onkoi. Aisamuse, auki ariaku tato esati Tupax. Axtɨ chasankapɨtɨ, isekatɨ ñana yasarɨ takanati naki kuatati akusɨpɨti, chɨtusiupɨ ñana aemo isane nanenes isetɨ yasarɨ.

Apocalipsis 6:14

Axɨna napes ensoro takana kiñoenkana kichonimiakax, nanaiña yirityuka axɨba abe kɨmuintya narubaityu tux bokɨbɨso auki axɨna kauta amonkio.