2 Pedro 1:8 - Manityanati Tupax

⁸ Axtɨ axaño ausuputakati Jesucristo, apisamute nanaiña axɨba sane taikiana apapache nikiubu año kausane apisamune uxia nuxia. Sane apisamute axɨna uxia au nausɨboriki.

Manitanati Tuparrü

⁸ Arrtü manrrü apisamute arrüna sane, manrrü apisuputacati Señor Jesucristo, y manrrü urria nausüboriqui.

2 Pedro 1:8 교차 참조

San Mateo 13:22

Axɨmanu sɨrobo kɨtu sɨro omeana kɨmeka tyone takana axɨbama onkoimia axɨba omixhia manityakax, ityopiki axɨba nenaxixhimia ikuki axɨna kɨx taruku ñakionkoxɨma yubapa tapenekoma oboi. Nanaiña axɨba sane chichebopɨ oboi aisamunema axɨba omixhia.

San Mateo 20:3

Koboi pariu sɨrotitɨ tatityo, tabɨkoma uiti makiataka au nusuara champɨ yachɨkoimia.

San Mateo 20:6

Tɨtɨmɨmɨka nuxia sɨrotitɨ tatityo au nusuara, tabɨkoma uiti akamanu makiataka champɨ yachɨkoimia. Ñankitioti pɨnanakimia: ‘¿Kausane abasikia auna axɨna sapes champɨ napachɨkoi?’

San Mateo 25:26

Aiñumuti maniki ɨriatuxti: ‘Axɨkɨ kumanakax chuxiampɨ nasɨboriki taruku nemaxikiata, tusiu aemo axɨñɨ xhapakɨtauka kauta chixhankɨtukapɨ xhatapeonokaityo aukiche champɨ supiuru sobi,

San Juan 15:2

Axtɨ ane taman uturuki axɨba nipiax chɨtaupɨ, tɨsɨro uiti Iyaɨ. Tapɨ axtɨ ɨtau, mokoñokono uiti nanaiña axɨba yupaka obɨtau.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 5:42

Axɨñɨntyo, isuputakaño tusiu iñemo chɨkuasɨrɨtipɨ Tupax aume.

Romanos 12:11

Apiña nuxia, tapɨ taruku namemaxikiata, apaserebi ɨmoti Yɨriabux aɨbu narukux aume.

1 Corintios 15:58

Sane naukiche, masarukityaiki apiña nuxia, tapɨ autapeneka au axɨna napakokonaunku abasikia aɨbu, tari tyone napachɨkoi apanunekai au nɨrixhti Yɨriabux Jesús. Tyopiki tusiu aume ta chɨmunataipɨ axɨna napaserebiki ɨmoti Yɨriabux.

2 Corintios 13:5

Amasasai nausɨborikiatoe, nauki atusi axtɨ apikokota nuxia axɨna manunekatax aume. Apiña makokotox aumeampatoe. ¿Chɨtusiupɨ aume ta anati Jesucristo aukɨtɨpɨ? ¡Sane atusi aume axtɨ chuxiampɨ nausɨboriki au nastaxti Tupax!

2 Corintios 8:2

Axɨpekuki nautakisɨrɨkɨ ui axɨmanu makokotox aume, taruku naupukɨnunku. Axɨna champɨ namenaxi, sɨrɨmana napakumanata takana axtɨ tarukapae namenaxi.

2 Corintios 8:7

Tyopiki axaño, abɨrikiatɨ nuxia au nanaiña: au napakokonaunku, apipiaka nuxia apanitya, taruku napapanaunku, auxiankatai apaserebi axɨnaintyo nikuasɨrɨkɨxɨma makiataka aume axɨna iyebo aboi suisiuki, saneityo tari abɨrikiatɨ nuxia au axɨna napakumanaka ɨmo makiataka.

2 Corintios 9:14

Isiuityo, meaboma autaku ɨmoti Tupax, tyopiki axɨna ityusiankatati Tupax nipukɨruxti ausukarɨ.

Filipenses 1:9

Xhankikia au nixheanka tari axɨna ñakumananaunkuxti aume taikiana asunau abaxɨpeku, tari aityoximiati Tupax aume apapanaunkubu tari aye nuxia aboi,

Filipenses 2:5

Apiña napakionko takana ñakionkoxti Cristo tɨkañe:

Filipenses 3:8

Nanaiña axɨmanu onkono sobi, tyone takana semenux iñemo, axtɨ ichepekata axɨna yarusɨrɨx nuxiantux tyopiki isuputakati Cristo Jesús naki Yɨriabuxti iñemo. Tyopikiti Cristo ensoro sobi nanaiña, ityobo kaɨma yaka chepeti.

Colosenses 1:10

Sane apisamute nausɨboriki takana nixhankaxti Yɨriabux Jesús, axti kaɨma taruku nipukɨnunkuxti aboi tyopiki apisamute aruki nanaiñantai axɨna uxia au nausɨboriki sane ausuputakati nuxia Tupax.

Colosenses 2:7

sane takana axɨmanu manunekatax aume, apikokosoti nuxia, taikiana apikoko ñanunekasaxti nauki naneneka apikoñokota nuxia nausɨboriki, taikianaintyo apachampienka ɨmoti Tupax.

Colosenses 3:16

Tari axɨna nuraxti Cristo sɨsio ñana aukɨtɨpɨ aɨbu nanaiña axɨba omixha. Axtɨ apanunekaka aumeampatoe, apisamuse aɨbu napapanaunku. Aɨbu nipukɨnunku nabausasɨ apasoni ɨmoti Tupax. Salmos, pikiataka sonikia aɨbu ñapanaunku nabausɨpɨ.

1 Tesalonicenses 3:12

Tari uiti Yɨriabux Jesús aukuasɨrɨka aumeampatoe, akuasɨrɨmaintyo aume namanaiña. Takana axɨna naukuasɨrɨkɨ suiñemo.

1 Tesalonicenses 4:1

Sane, masarukityaiki, supakɨpuka aume apasamu nuxia axɨna sane au nɨrixhti Yɨriabux Jesús: apikoñoko naneneka nausɨboriki isiuki axɨmanu supanunekaka tyopiki tyone axɨna uxia ɨmoti Tupax, takana axɨna tapisamute.

2 Tesalonicenses 1:3

Masarukityaiki, taikiana supachampienka ɨmoti Tupax autaku. Uxia axtɨ sane soboi, tyopiki axaño apikokokati nuxia Tupax aukuasɨrɨkaityo aumeampatoe.

1 Timoteo 5:13

Omenotityo umamenkatai ubau poka, auki taruku nomemaxikiatax. Chityoneantaipɨ nomemaxikiatax, ta ausɨrataityo nuburax axɨba chomixhampɨ, opisamute axɨna chɨkoñopɨtɨ ñome apisamune.

Tito 3:14

Axɨbama aboma usiu tari aipiama aisamunema axɨba omixhia nauki ayurama axtɨ ane nɨmoche, nauki uxia nisɨborikixhimia.

Filemón 1:6

Axɨkɨ onkatɨ ɨmoti Tupax takana axɨsomɨ, sane naukiche xhankikia pɨnanakiti taikiana onkatɨ ɨmoti chepe axtɨ tɨtusiu aemo nanaiña axɨba omixhia uisamunio tyopiki kuasɨrɨti oemo Cristo.

Hebreos 6:12

Chɨsuixhankapɨ nauki amemaxikiakatai. Ta apisamuse takana axɨbama ikokoromati Tupax, tyopiki sane apasutiu ñana axɨmanu ɨriotɨ tɨkañe aume uiti Tupax.

2 Pedro 1:2

Apasusiu yarusɨrɨx nipukɨruxti Tupax, tari uitityo taikiana uxia aboi aumeampatoe tyopiki tausuputakati Tupax axtityo Jesús naki Yɨriabux oemo.

2 Pedro 1:3

Axti Tupax ui nɨriakaxti toxio oemo nanaiña axɨna nuxiantɨmo, nauki uisamune nosɨboriki isiu nixhankaxti. Uiti Tupax atoxi oemo nanaiña axɨmanu sane naukiche iyusianakanatiyɨ Jesucristo usukarɨ. Auki nakaxti samamekana oñɨ nauki aye osoi au axɨmanu champɨ takanache nanentakax esati.

2 Pedro 2:20

Tyopiki axɨbama isuputaramati Yɨriabux oemo Jesucristo, añekanama oboi axɨba nomɨnantɨ ikuki axɨna kɨx, tapɨ axtɨ tapenekoma tatityo oboi axɨba nomɨnantɨ uixh kaɨma taruku nikumakaxɨma pɨnanaki maɨbo tɨkañe.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.