2 Pedro 1:7 - Manityanati Tupax

⁷ tari akuasɨrɨma aume axɨbama aubarukityaiki au nɨrixhti Cristo, yopɨrɨkɨ nanaiña tari chepe nikuasɨrɨkɨxɨma aume namanaiña.

Manitanati Tuparrü

⁷ Auquimanu caüma cuasürüma aume bama aubaruquitaiqui au nürirrti Jesús, y au nitacürurrü cuasürüma aume namanaiña macrirrtianuca.

2 Pedro 1:7 교차 참조

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

Gálatas 6:10

Sane naukiche, axtɨ chebo oemo, tari uisamune axɨna uxia ɨmo namanaiña, ɨmomampae axɨbama ikokoromati Jesús ochepe.

Colosenses 3:14

Yopɨrɨkɨ nanaiña aukuasɨrɨ aumeampatoe, tyopiki axɨna napakumananaunku tyone axɨna uiche chepe nabaka.

1 Tesalonicenses 3:12

Tari uiti Yɨriabux Jesús aukuasɨrɨka aumeampatoe, akuasɨrɨmaintyo aume namanaiña. Takana axɨna naukuasɨrɨkɨ suiñemo.

1 Tesalonicenses 5:15

Tapɨ chebo aboi anati naki matokonoti tato ityobo axɨna chuxiampɨ isamutema ɨmoti. Apache nikiubu año nauki taikiana apisamune axɨna uxia abaxɨpeku takanaintyo aɨbu namanaiña.

Hebreos 13:1

Taikiana taruku naukuasɨrɨkɨ aumeampatoe takana axɨbama aubarukiapatoe.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Pedro 2:17

Apiña napanaunku ɨmo namanaiña. Tari akuasɨrɨma aume axɨbama ikokoromati Jesús, apanau ɨmoti Tupax, apiñaintyo napanaunku ɨmoti yɨriabux auki Roma.

1 Pedro 3:8

Au nityakɨrux, namanaiña taikiana uxia aboi aumeampatoe, aukuasɨrɨtyo aumeampatoe. Taikiana chepe napakionko ɨmo namanaiña. Taikiana uxia nausɨboriki aɨbu namanaiña.

1 Juan 3:14

Axoñɨ auki nokonko uɨkatɨ ɨmo nosɨboriki, tusiu nuxia oemo tyopiki kuasɨrɨma oemo axɨbama usarukityaiki. Axti naki chɨmakumananauntipɨ ta takana axtɨ tɨkoiñoti.

1 Juan 3:16

Axoñɨ tusiu oemo axɨna makumananaunkux tyopiki axti Jesucristo ityoximiatati nisɨborikixhti utaku saneityo axoñɨ, uityoximiana nosɨboriki tyakuma axɨbama usarukityaiki.

1 Juan 4:21

Axti Jesucristo toxio uiti oemo axɨna bakɨpukux: axti naki kuasɨrɨti Tupax ɨmoti, tari akuasɨrɨtityo yarukityoxti ɨmoti.