2 Pedro 1:12 - Manityanati Tupax

¹² Sane naukiche taikiana sukanañɨ aume nanaiña axɨna sane, champɨ nɨmoche axtɨ tɨtusiu aume apiñataityo nuxia apikoko axɨmanu ñemanauntu manunekatax aume.

Manitanati Tuparrü

¹² Sane nauquiche suraboiraiqui arrüna sane ausucarü, tapü tacürusu napaquionco, panaca chauqui tütusio nurria aume arrüna ñemanauntu manunecatarrü, arrüna urapoimia tücañe ausucarü.

2 Pedro 1:12 교차 참조

Hechos 16:5

Sane naukiche axɨmanuma ikokoromati Jesús aruku nuxia ɨmoma aɨbu axɨna ñakokonaunkuxɨma. Naneneka isumainkianɨ nububikixhimia.

Filipenses 3:1

Sane naukiche, masarukityaiki, aupukɨnu tyopiki abaka chepeti Yɨriabux Jesús. Chubatapɨ iñemo ikonomo tatityo axɨna tikonomota aukutanu aume, tyopiki aume taruku nɨmoche.

Colosenses 1:5

axaño apisamute sane nausɨboriki tyopiki, naukiche amonkoi axɨba ñemanauntu omixhia manityakax, tusiu nuxia aume isane axɨmanu aɨburu uiti Tupax aume au napes.

Colosenses 2:7

sane takana axɨmanu manunekatax aume, apikokosoti nuxia, taikiana apikoko ñanunekasaxti nauki naneneka apikoñokota nuxia nausɨboriki, taikianaintyo apachampienka ɨmoti Tupax.

1 Timoteo 4:6

Anuneka axɨba sane ɨmoma axɨbama ikokoromati Jesús, sane ñemanauntu uxia naserebiki ɨmoti Cristo Jesús, axti naki baserebioti tyone niyarataxti axɨba omixha manityakax ui ñakokonaunkuxti axɨmanu manunekatax sɨrotitɨ isiu.

2 Timoteo 1:6

Sane naukiche sukanañɨ aemo aiñonximia axɨmanu pes ñakumanataxti Tupax aemo naukiche iñata niñee onɨ natanu.

Hebreos 10:32

Apakionsaño tɨkañe, naukiche aɨbo apasutiu nuraxti Tupax apiñata nuxia ɨmo nautakisɨrɨkɨ ui axɨna chɨtamampatai kuantio aume.

Hebreos 13:9

Sane naukiche tapɨ ane nɨmoche aboi pikiataka manunekataka, axɨba champɨ bastaboibo oboi pɨnanaki ñanunekakaxti Jesucristo. Uxia axtɨ aruku nuxia oemo ui nukuasɨrɨkɨ ɨmoti Tupax, tapɨ uisamute isiuki axɨmanu bakɨpukux ñome axɨba umatamoebo. Tyopiki axɨmanio bakɨpukux champɨ bastaboibo oboi.

1 Pedro 5:10

Axtɨ tautakisɨrɨka ñome mantukubatai naneneka, uiti Tupax ane maximiakatax aume, apiña nuxia narukux aume. Tyonenti Tupax ui yarusɨrɨx ñakumananaunkuxti ityasuruti oñɨ basuriu axɨmanu champɨ nityakɨru nanentakax esati chepeti Jesucristo.

1 Pedro 5:12

Axti Silvano, tyonenti makonomonoti chepeñɨ axɨna nixhakonomoso aume. Tusiu iñemo ta ikokoroti Cristo. Xhakonomoka nauki xhanuneka aume suraboityo ausukarɨ ta nanaiña axɨba omixhia botoxio aume uiti Tupax uixh atusi ta taruku naukuasɨrɨkɨ ɨmoti. Apikoko ta aukuasɨrɨka ɨmoti Tupax.

2 Pedro 1:13

Axɨna isɨborikiaiki, tyone yachɨkoboibo taikiana sukanañɨ aume nanaiña axɨna sane.

2 Pedro 1:15

Tapɨ axɨñɨ yapacheka nikiubuñɨ kausane nauki apakionaño nanaiña axɨba nixhanunekaka aume ñana axtɨ tisonka.

2 Pedro 3:1

Masarukityaiki, tyone axɨna kiatax nixhakonomoso aume. Yuku axɨba tox nixhakonomoso ixhanka xhanuneka aume nauki besɨro napapanaunku.

2 Pedro 3:17

Sane naukiche, masarukityaiki, tɨtusiu aume axɨna sane, amasasai nuxia, tapɨ autapeneka ui axɨbama chuxiampɨ nisɨborikixhimia nauki tapɨ apiñokotaityo napakokonaunku ɨmoti Tupax.

1 Juan 2:21

Sane naukiche xhakonomoka aume, tyopiki tusiu iñemo axaño ausuputakai axɨna ñemanauntu tusiuityo aume axti naki isuputakaiti chɨmapañantipɨ.

2 Juan 1:2

Aukuasɨrɨka iñemo tyopiki axɨna ñemanauntu ane au nuyausasɨ axɨna sɨsio usaɨbu ɨmo nanaiña naskɨbeka.

SAN JUDAS 1:17

Tapɨ axaño, masarukityaiki, apakionsaño ñome nuraxɨma axɨbama amonkoma isiuti Yɨriabux Jesucristo

SAN JUDAS 1:3

Masarukityaiki, taruku nixhanka xhakonomo aume kɨtɨpɨ axɨna maximiakatax oemo. Axɨna kaɨma xhakonomoka aume nauki apasamu nuxia iñemo, apiña nuxia amokɨma tyaku axɨna manunekatax toxio tɨkañe ɨmoma axɨbama ikokoromati Tupax.

SAN JUDAS 1:5

Axaño chauki tɨtusiu aume, ixhanka suraboi tatityo ausukarɨ ta axti Tupax, naukiche kaɨburuma uiti auki Egipto axɨbama auki Israel, axɨbama chɨmakokonaumpɨma koiñoma uiti.