2 Corintios 9:11 - Manityanati Tupax

¹¹ Yakɨna sane sɨrɨmana namenaxi saneityo aboiyapatoe apakumana ɨmo makiataka. Axɨmanu napakumanata kuatɨ soboi, tari oboi axɨbama usarukityaiki achampienkama ɨmoti Tupax.

Manitanati Tuparrü

¹¹ Uiti Tuparrü caüma aucurusüca, nauqui puerurrü siusürü apacumana ümoti quiatarrü. Uirri caüma aboma bama sürümanama machampiencanama ümoti Tuparrü itopiqui arrüna macumanatarrü aboi, arrüna tiene que sopitorrimia ümoma.

2 Corintios 9:11 교차 참조

San Mateo 20:15

tyopiki nimoni isamute aɨbu isiu nixhanka. ¿Axɨkɨ ubatio axɨna taruku nipukɨru?’

San Mateo 25:17

Saneityo, uiti maniki toxio ɨmoti dos mil makananati pikiataka dos mil.

Romanos 12:8

Axti naki toxio ɨmoti nauki anunekati ɨmo makiataka, tari tyone yachɨkoiti. Axti naki makumananati tapɨ ityoximiatati aɨbu nokɨtɨnaunxti. Axti naki ane nɨriakaxti abaxɨpeku, tari aisamunenti aɨbu narukux ɨmoti. Axti naki asaratitɨ tyakuma axɨbama taruku nityakisɨrɨkɨxɨma, tari aisamunenti aɨbu nipukɨnunkuxti.

1 Corintios 1:5

Tyopiki uiti Tupax toxio nanaiña amenaxibo auki napes, takana axɨna apanityakabo takanaintyo apipiakabo,

2 Corintios 1:11

axtɨ axaño ameanka suichaku. Axtɨ sɨrɨmanama axɨbama meaboma suichaku, sɨrɨmanamaintyo axɨbama machampienkanama ɨmoti Tupax yotopiki axɨba botoxio suiñemo uiti.

2 Corintios 4:15

Nanaiña axɨna suichakisɨrɨkɨ ta ui suipukɨru autaku, nauki sɨrɨmanama axɨbama yasutiuma axɨna nipukɨruxti Tupax sane sɨrɨmanamaintyo ñana axɨbama manaunuma ɨmoti Tupax.

2 Corintios 8:16

Chapie ɨmoti Tupax, tyopiki iñatati au nausasɨxti Tito nauki asaratitɨ autaku takana axɨñɨ.

2 Corintios 8:19

Tyopiki tyonenti naki uxianti au ñakionkoxɨma axɨbama ikokoromati Jesús nauki aɨrotitɨ suichepe nauki aikianti axɨmanio makumanataka supatakɨmanaunkuka tyone axɨna numanaunku ɨmoti Yɨriabux Jesús saneityo uityusianka axɨna nuxianka makumana ɨmo makiataka.

2 Corintios 9:12

Tyopiki ui axɨna kuantio soboi axɨba napakumanata ɨmoma axɨbama usarukityaiki, chɨtoxiopɨ ɨmoma axɨna champɨ uimia, ta oboi machampienkanama osoi ɨmoti Tupax.