2 Corintios 9:10 - Manityanati Tupax

¹⁰ Axti Tupax, uiti aityoximiati axɨba sɨrobo kɨtu, axɨnaintyo uñutuburibo, toxio ñana uiti aume nanaiña axɨna sɨrobo kɨtu aboi, uitityo aisunaunkuti, uitityo kaɨma axɨna napakumananaunku sɨrɨmanama axɨbama isamutema ausiuki.

Manitanati Tuparrü

¹⁰ Arrti Tuparrü bacheboti oemo niyomanca arrüba sürobo cütu, y bachebotito uñububuribo. Arrti macumananati amenarribo. Arrtü apacumanaca, abaca tacanarrtü apancütuca. Tiene que cosechabo año ñana. Arrümanu cosecharrü, tone arrüna urria apisamute.

2 Corintios 9:10 교차 참조

San Mateo 6:1

Nantityo Jesús: “Tapɨ apisamukio axɨba omixhia napachɨkoi sukarɨ makiataka nauki namanaiña asaramatɨ aume. Axtɨ apisamute sane, naki Aubaɨ anati au napes champɨ ñana toxiobo uiti aume ityobo.

2 Corintios 9:12

Tyopiki ui axɨna kuantio soboi axɨba napakumanata ɨmoma axɨbama usarukityaiki, chɨtoxiopɨ ɨmoma axɨna champɨ uimia, ta oboi machampienkanama osoi ɨmoti Tupax.

2 Corintios 9:6

Apakionsaño ɨmo axɨna sane: Axti naki chimiantai niyoxti, axtɨ bapakɨtauruti chimiantaityo niyakiyoxti. Tapɨti naki chama niyoxti, chamaintyo niyakiyoxti axtɨ bapakɨtauruti.

Gálatas 3:5

Axtɨ toxio uiti Tupax aume nesaxti Espíritu axtɨ masamunutityo axɨba champɨ tamastai abaxɨpeku, ¿kausane aisamunenti? Chɨtɨpɨ ui axɨna apisamute bakɨpukux uiti Moisés, ta tyopiki apasutiu axɨna uxia manityakax ɨmo napakokonaunku.

Efesios 5:9

Ui noñema nesaxti Espíritu uisamute axɨna uxia axɨna besɨro axɨna ñemanauntu.

Filipenses 1:11

Tyopiki uiti Jesucristo axaño apisamute axɨna uxia, nauki namanaiña anauma ɨmoti Tupax sane yarusɨrɨxtyo nɨrixhti uimia.

Filipenses 4:17

Chɨsukanapɨñɨ sane nauki apakumanaka iñemo, ta nauki apukɨruti Tupax autaku.

1 Tesalonicenses 3:12

Tari uiti Yɨriabux Jesús aukuasɨrɨka aumeampatoe, akuasɨrɨmaintyo aume namanaiña. Takana axɨna naukuasɨrɨkɨ suiñemo.

1 Tesalonicenses 4:10

Sane apisamute aɨbu namanaiña axɨmanuma ikokoromati Cristo auki nanaiña Macedonia. Apasamu nuxia suiñemo masarukityaiki aukuasɨrɨ nuxia aumeampatoe.