2 Corintios 8:7 - Manityanati Tupax

⁷ Tyopiki axaño, abɨrikiatɨ nuxia au nanaiña: au napakokonaunku, apipiaka nuxia apanitya, taruku napapanaunku, auxiankatai apaserebi axɨnaintyo nikuasɨrɨkɨxɨma makiataka aume axɨna iyebo aboi suisiuki, saneityo tari abɨrikiatɨ nuxia au axɨna napakumanaka ɨmo makiataka.

Manitanati Tuparrü

⁷ Arraño ane aruqui nanaiñantai abüriacabo: Amoncatü nurria ümoti Tuparrü, apipiaca apanita uiti, tusio nurria aume, urria napaserebiqui ümoti y tarucu suisua aume. Sane nauquiche apiña nurria, nauqui puerurrü apacumana chama ui nicuarrüma aume bama pobrerrü.

2 Corintios 8:7 교차 참조

San Mateo 25:22

Auki iñataitityo maniki kumanakax toxio ɨmoti dos mil monikia, nantityo: ‘Yɨriabux, axɨkɨ toxio obi iñemo dos mil, auna ane pikiataka dos mil, nixhakanasa.’

Romanos 15:14

Masarukityaiki, axɨñɨ tusiu nuxia iñemo axaño ane aukɨtɨpɨ axɨna uxia axɨnaintyo napapanaunku apipiaka apanuneka aumeampatoe.

1 Corintios 1:5

Tyopiki uiti Tupax toxio nanaiña amenaxibo auki napes, takana axɨna apanityakabo takanaintyo apipiakabo,

1 Corintios 12:13

Tyopiki uiti kunauntañanti Espíritu Santo namanaiña osɨrikia, axɨbama judíos axɨbamaintyo chɨtɨpɨ judíos, axɨbama kumanakaka axɨbamaintyo chɨtɨpɨ kumanakaxɨma nauki chepe nusaka ui noñemaxti Espíritu Santo. Namanaiña uchaka uiti maniki Espíritu Santo.

1 Corintios 12:8

Ui noñemaxti Espíritu Santo, aboma axɨbama toxio ɨmoma taruku nipiakaxɨma anityama. Makiataka toxio ɨmoma uiti Espíritu Santo taruku ñapanaunkuxɨma axtɨ manityanama.

1 Corintios 13:2

Axtɨ toxio iñemo yachɨkoboiboñɨ suraboi noñemaxti Tupax, axtɨ tusiuityo iñemo noñemaxti Tupax axɨba umanekana uiti, tusiuityo iñemo nanaiña axɨba abe iku axɨna kɨx, axtɨ ikokokati Jesús axɨna uiche ikɨmɨnakanio yirityuka, ta champɨ nikuasɨrɨkɨxɨma iñemo makiataka, champɨ nanenekicheñɨ.

1 Corintios 13:8

Axɨna nukuasɨrɨkɨ oemoampatoe champɨ nityakɨrux. Axɨna manityakax ui noñemaxti Espíritu Santo ane nityakɨrux ñana. Axɨba manityakaka axɨbaityo nuipiaka iñatai tyakɨru ñana.

1 Corintios 14:12

Sane naukiche, tyopiki axaño taruku nauxianka nauki atoxi aume noñemaxti Espíritu Santo, apiña nuxia nauki atoxi aume chama axɨba oboiche uxia nisɨborikixhimia axɨbama ikokoromati Jesús.

1 Corintios 4:7

¿Ñakuti uiche yarusɨrɨxɨkɨ pɨnanaki makiataka? Nanaiña axɨba nenaxi uiti Tupax aityoximiati aemo. Axtɨ uiti aityoximiati aemo, ¿kausane onkatɨ aemoantoe, takana axtɨ obiatoe ane nenaxi?

2 Corintios 7:7

Chɨtɨpɨ ui axɨna iñataiti, ta tyopiki taruku nipukɨnunkuxti autopiki. Uiti uraboiti suisukarɨ axɨna taruku nauxianka amasarasomɨ, urapoitityo suisukarɨ axɨna taruku nausucheki chakuñɨ. Ui nanaiña axɨna sane ipukɨnunka nuxia.

2 Corintios 8:6

Sane naukiche sukanasomɨ ɨmoti Tito asamuti nuxia aikianti abaxɨpekuki axɨmanio makumanataka axɨna tyone tɨkañe yachɨkoiti.

2 Corintios 9:14

Isiuityo, meaboma autaku ɨmoti Tupax, tyopiki axɨna ityusiankatati Tupax nipukɨruxti ausukarɨ.

2 Corintios 9:8

Axti Tupax ui noñemaxti uxia nausɨboriki au nastaxti, nauki ane aume nanaiña axɨba nauxiantɨmo nauki anentyo toxiobo aboi ɨmoma axɨbama taruku nityakisɨrɨkɨxɨma.

Efesios 4:29

Tapɨ apanityaka axɨba chomixhampɨ, taikiana apanitya axɨba omixhia manityakax axɨba oboiche uxia nisɨboriki namanaiña nauki uxiaintyo ɨmoma axɨbama onsapetioma.

Filipenses 1:11

Tyopiki uiti Jesucristo axaño apisamute axɨna uxia, nauki namanaiña anauma ɨmoti Tupax sane yarusɨrɨxtyo nɨrixhti uimia.

Filipenses 1:9

Xhankikia au nixheanka tari axɨna ñakumananaunkuxti aume taikiana asunau abaxɨpeku, tari aityoximiati Tupax aume apapanaunkubu tari aye nuxia aboi,

2 Tesalonicenses 1:3

Masarukityaiki, taikiana supachampienka ɨmoti Tupax autaku. Uxia axtɨ sane soboi, tyopiki axaño apikokokati nuxia Tupax aukuasɨrɨkaityo aumeampatoe.

2 Timoteo 2:1

Axɨkɨ isaɨ, aiña nuxia ui noñemaxti Tupax axɨna tusiankana asukarɨkɨ ta tyonenti Cristo Jesús.

Hebreos 12:28

Axɨna nɨriakaxti Tupax toxio uiti oemo, tyone axɨna chichebopɨ akaɨbu. Machampienkana ɨmoti ityobo nanaiña, manaunaintyo ɨmoti Tupax sane takana nixhankaxti.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

2 Pedro 3:18

Ausuputasati nuxia axti naki Yɨriabux oemo Jesucristo, naki uiche utaesɨbuka eanaki nomɨnantɨ, tari uiti besɨro nausɨboriki. ¡Yarusɨrɨx niriakaxti ɨmo nanaiña naskɨbeka! Amén.

Apocalipsis 3:17

Tyopiki axɨkɨ ukanɨ taruku nenaxi, champɨ isane naxiantɨmo. Champɨ nakionko ta chiyaupɨ natakisɨrɨkɨ, champɨ nanenekichekɨ, champɨ nenaxi, chastanaunkapɨ, akɨsuasaka.