2 Corintios 8:2 - Manityanati Tupax

² Axɨpekuki nautakisɨrɨkɨ ui axɨmanu makokotox aume, taruku naupukɨnunku. Axɨna champɨ namenaxi, sɨrɨmana napakumanata takana axtɨ tarukapae namenaxi.

Manitanati Tuparrü

² Ane tarucu macocotorrü ümoma ui manu nitaquisürücürrüma. Pero champü nümoche uimia. Pucünuñamantai y macumananama aübu nanaiña nausasürrüma, panaca pobrerrüma.

2 Corintios 8:2 교차 참조

San Mateo 20:15

tyopiki nimoni isamute aɨbu isiu nixhanka. ¿Axɨkɨ ubatio axɨna taruku nipukɨru?’

Romanos 12:8

Axti naki toxio ɨmoti nauki anunekati ɨmo makiataka, tari tyone yachɨkoiti. Axti naki makumananati tapɨ ityoximiatati aɨbu nokɨtɨnaunxti. Axti naki ane nɨriakaxti abaxɨpeku, tari aisamunenti aɨbu narukux ɨmoti. Axti naki asaratitɨ tyakuma axɨbama taruku nityakisɨrɨkɨxɨma, tari aisamunenti aɨbu nipukɨnunkuxti.

Romanos 2:4

Axɨkɨ chaxiankapɨ asuriu axɨna taruku nipukɨruxti Tupax atakukɨ, axɨna taruku nakuasɨrɨkɨ ɨmoti, chɨkontopɨ ane nɨmoche uiti naipɨnate. Chɨtusiupɨ aemo, axɨmanu nipukɨruxti uixh aiñokota nomɨnantɨ nauki aɨkatɨ esati.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

2 Corintios 2:9

Tixhakonomoka aume aukutanu kɨtɨpɨ axɨna sane, nauki atusi iñemo axtɨ ñemanauntu apikokota axɨna nixhanunekaka.

2 Corintios 6:10

Takana axtɨ suisucheka, abo taruku suipukɨnunku. Takana axtɨ taruku suichakisɨrɨkɨ, tapɨ makiataka ane nenaxɨxhimia soboi. Takana axtɨ champɨ isane suiñemo, abo ane nanaiña suiñemo.

2 Corintios 9:11

Yakɨna sane sɨrɨmana namenaxi saneityo aboiyapatoe apakumana ɨmo makiataka. Axɨmanu napakumanata kuatɨ soboi, tari oboi axɨbama usarukityaiki achampienkama ɨmoti Tupax.

2 Corintios 9:13

Axɨmaintyo yarusɨrɨx nɨrixhti Tupax uimia, tyopiki axɨna napakumanata uixh atusi ta axaño apikokota axɨba omixhia manityakax taruku niyukuax aume tyone nuraxti Cristo. Axɨmaintyo manaunuma ɨmoti Tupax tyopiki apityoximiata napakumanata aɨbu naupukɨru tyakuma takanaintyo tyaku namanaiña.

1 Tesalonicenses 1:6

Axaño apisamute nanaiña suisiuki isiukitityo Yɨriabux Jesucristo, axaño apasutiu axɨmanio omixhia manityakax aɨbu naupukɨnunku uiti Espíritu Santo champɨ nɨmoche aboi nautakisɨrɨkɨ.

1 Tesalonicenses 2:14

Naukiche axaño masarukityaiki, autakisɨrɨka ui napatanekaka ñɨnanama axɨbama auposapa, tyoneantoe uxiante aume takana ɨmoma axɨbama ikokoromati Jesús au Judea, tyopiki axɨmaintyo chuxiampɨ ui axɨbama iposapataxɨma ɨmoma axɨbama judíos.

Santiago 2:5

Masarukityaiki, amonsapesio axɨna sane: Axti Tupax samamekanama uiti axɨbama taruku nityakisɨrɨkɨxɨma ikuki axɨna kɨx, nauki nenaxixhimia tyone ñana axɨna ñakokonaunkuxɨma nauki asuriuma enaxiboma nanentakax au napes axɨna ɨriotɨ tɨkañe uiti ɨmoma axɨbama manaunuma ɨmoti.

Apocalipsis 2:9

Tusiu iñemo natakisɨrɨkɨ champɨ nenaxi, ñemanauntu au nastaxti Tupax axɨkɨ taruku nenaxi. Tusiuityo iñemo axɨba chomixhampɨ nuraxɨma akɨtɨpɨkɨ axɨbama namatɨ tyonema judíos, ñemanauntu tyonema nesaxti apóstoles chobores.