2 Corintios 8:12 - Manityanati Tupax

¹² Tyopiki axtɨ anati naki ñemanauntu xhanxti akumanati, yasutiuti Tupax ñakumanataxti isiu axɨna ane uiti. Axti Tupax chɨmankiotipɨ axɨna champɨ osoi.

Manitanati Tuparrü

¹² Itopiqui arrtü bacheca aübu nanaiña nurrianca, arrti Bae Tuparrü yasutiuti numacumanata, itopiqui arrti tusio ümoti arrüna nisubaiqui na ane oemo.

2 Corintios 8:12 교차 참조

San Mateo 25:17

Saneityo, uiti maniki toxio ɨmoti dos mil makananati pikiataka dos mil.

San Mateo 25:22

Auki iñataitityo maniki kumanakax toxio ɨmoti dos mil monikia, nantityo: ‘Yɨriabux, axɨkɨ toxio obi iñemo dos mil, auna ane pikiataka dos mil, nixhakanasa.’

San Lucas 16:10

“Axti naki uxia yachɨkoiti aɨbu axɨna chimiantai, saneityo uiti aɨbu axɨna chama nuxia. Tapɨti naki chuxiampɨ nisɨborikixhti aɨbu axɨna chimiantai, chuxiampityo nisɨborikixhti aɨbu axɨna chama nuxia.

2 Corintios 8:11

Sane kaɨma, apakumana isiu axɨna ane aboi, apityakɨnuku axɨmanu napachɨkoi aɨbu naupukɨnunku takana apisamute auki maɨbo.

2 Corintios 8:13

Tapɨ tyopiki axɨna napakumanaka ɨmo makiataka axaño champɨ ane aume. Ta nauki chepe ane aume.

2 Corintios 8:19

Tyopiki tyonenti naki uxianti au ñakionkoxɨma axɨbama ikokoromati Jesús nauki aɨrotitɨ suichepe nauki aikianti axɨmanio makumanataka supatakɨmanaunkuka tyone axɨna numanaunku ɨmoti Yɨriabux Jesús saneityo uityusianka axɨna nuxianka makumana ɨmo makiataka.

2 Corintios 9:7

Taikianati taman tari ñakumananati takana axɨna ñakionkoxti auki nausasɨxti, tapɨ apakumanaka axtɨ yakɨpukuxti kiatax aɨbu namokɨtɨnau, tyopiki axti Tupax kuasɨrɨti ɨmoti axti naki makumananati aɨbu nipukɨnunkuxti.

1 Pedro 4:10

Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.