2 Corintios 7:14 - Manityanati Tupax

¹⁴ Axɨñɨ tɨsukanañɨ ɨmoti Tito taruku nipukɨnunku aboi, chɨmunataipɨ nisura. Tyopiki nanaiña axɨna sukanasomɨ aume ta ñemanauntu, saneityo ñemanauntu axɨmanu sukanasomɨ ɨmoti Tito: axɨsomɨ taruku suipukɨnunku aboi.

Manitanati Tuparrü

¹⁴ Nantarrtai surapoi isucarüti que bien urria nausüboriqui. Pero caüma chauqui tapitusiancata isucarüti que ñemanauntu arrümanu nisura ümoti, tacana nantarrtai surapoi arrüna ñemanauntu.

2 Corintios 7:14 교차 참조

San Juan 17:19

Nanaiña nisɨboriki toxio sobi aemo, saneityo ixhanka aisamunema axɨbama aboma isiuñɨ isiuki axɨna ñemanauntu.

2 Corintios 10:8

Aninki kiatax axɨna ixhanka suraboi kɨtɨpɨ axɨna suisɨriaka, champɨ tyopikiche isɨso. Tyopiki axti Yɨriabux ityoximiatati sobɨriakabo nauki uxia nisɨborikixhimia namanaiña axɨbama ikokoromati Jesús chɨtɨpɨ nauki sopiñamesoko.

2 Corintios 12:6

Axtɨ ixhankapɨ ipukɨnu saɨbuñɨantoe, axɨna sane chɨtɨpɨ tasukux, tyopiki ta sukanañɨ axɨna ñemanauntu. Ta chisamutempɨ, nauki tapɨ anati naki nanti axɨñɨ xhanityakatai o chisamutempɨ axɨna sukanañɨ,

2 Corintios 2:13

Chuxiampɨ nixhakionko, tyopiki chɨtabɨkotipɨ sobi axti isaruki Tito. Auki ñasamuka nariox ɨmoma nauki yɨrotɨ au Macedonia.

2 Corintios 7:13

Tyone uixh taruku suipukɨnunku. Taruku suipukɨnunku ui nipukɨnunkuxti Tito, tyopiki aruku tato nuxia ɨmoti aboi.

2 Corintios 7:4

Champɨ anekana sobi amopɨnanaki nanaiña surapoi ausukarɨ. Ipukɨnunka nuxia aboi. Ui axɨna suichakisɨrɨkɨ aruku nuxia iñemo tarukuityo nipukɨnunku.

2 Corintios 7:6

Tapɨti Tupax, axti naki uiche pukɨnuñama axɨbama sucheboma, suipukɨnunka tyopiki iñataiti Tito.

2 Corintios 8:24

Yakɨna axɨbama ikokoromati Jesús atusi ɨmoma, apityusianka sukarɨma ta ñemanaunkuxatoe kuasɨrɨma aume, sane naukiche taruku suipukɨnunku autopiki.

Filipenses 1:26

Sane axtɨ yaka tatityo auchepe, sobi iñata uɨbo napakokonaunku sane taruku naupukɨnunku aɨbuti Cristo Jesús.

2 Tesalonicenses 1:4

Sane naukiche taruku suipukɨnunku axtɨ supanityaka aukɨtɨpɨ sukarɨ makiataka axɨbama ikokoromati Jesús. Tyopiki axtɨ chuxiampatai uimia aume, axaño sɨsio año aɨbu narukux aume takanaintyo napakokonaunku ɨmoti Tupax.