2 Corintios 7:13 - Manityanati Tupax

¹³ Tyone uixh taruku suipukɨnunku. Taruku suipukɨnunku ui nipukɨnunkuxti Tito, tyopiki aruku tato nuxia ɨmoti aboi.

Manitanati Tuparrü

¹³ Isane pasabo. Uirri arucu tato suiñemo caüma. Pero manrrü tarucu suipucünuncu uiti Tito, itopiqui arrti iñataiti tato auna auqui tanu aubesaqui aübu nipucünuncurrti aucuata, itopiqui aboi tacürusu nisuchequirrti.

2 Corintios 7:13 교차 참조

Romanos 12:15

Aupukɨnu chepema axɨbama pukɨnuñama. Ausuche chepema axɨbama sucheboma.

Romanos 15:32

nauki axtɨ ui noñemaxti Tupax, iñanai tanu aubesa yasaraño sane ñakansa aɨbu nipukɨnunku.

1 Corintios 12:26

Axtɨ ane taman nenaxi nokɨtɨpɨ takisɨrɨ, saneityo pikiataka butakisɨrɨ. Axtɨ taman nenaxi nokɨtɨpɨ tyoneantai kuasɨrɨ, nanaiña axɨba pikiataka mupukɨnuña ichepe.

1 Corintios 16:13

Taikiana amasankatɨ nuxia, tapɨ apiñokota axɨna napakokonaunku ɨmoti Jesús. Apiña nuxia tapɨ apiñokota axɨna tɨtusiu aume.

1 Corintios 16:18

uimia uxia tato nixhakionko, takanaintyo axaño. Taikiana uxia aboi ɨmo makiataka mañoñɨnka takana axɨna nakaxɨma.

2 Corintios 2:13

Chuxiampɨ nixhakionko, tyopiki chɨtabɨkotipɨ sobi axti isaruki Tito. Auki ñasamuka nariox ɨmoma nauki yɨrotɨ au Macedonia.

2 Corintios 2:3

Sane naukiche sane axɨmanu nixhakonomoso aume, tyopiki chixhankapɨ yɨrotɨ tanu nauki isuche aboi, abo ixhankapɨ ipukɨnu aboi. Axɨna nipukɨnunku au nixhakionko tyoneintyo naupukɨnunku,

2 Corintios 7:14

Axɨñɨ tɨsukanañɨ ɨmoti Tito taruku nipukɨnunku aboi, chɨmunataipɨ nisura. Tyopiki nanaiña axɨna sukanasomɨ aume ta ñemanauntu, saneityo ñemanauntu axɨmanu sukanasomɨ ɨmoti Tito: axɨsomɨ taruku suipukɨnunku aboi.

2 Corintios 7:15

Axti kaɨma taruku naukuasɨrɨkɨ ɨmoti axtɨ akionotiyɨ ta namanaiña apikokota nuraxti apasukiukatiyo aɨbu taruku napanaunku ɨmoti.

2 Corintios 7:6

Tapɨti Tupax, axti naki uiche pukɨnuñama axɨbama sucheboma, suipukɨnunka tyopiki iñataiti Tito.

Filipenses 2:28

Sane naukiche isiukai ikɨpukati tanu abaxɨpeku, nauki axaño aupukɨnunka axtɨ amasakati tatityo nauki axɨñɨ tapɨ tarukapae nisucheki.

2 Timoteo 1:16

Tari axti Tupax apukɨruti tyakuma axɨbama aɨtoxti Onesíforo, tyopiki taikiana ayetitɨ asaratiñɨ chikɨsobotipɨ ui axɨna yaka auna amanañɨmpo.

Filemón 1:20

Saruki Filemón, asamu nuxia iñemo, tapɨ aisamute chopikiñɨ aisamuse ui nakumananaunku ɨmoti Yɨriabux Jesús. Axɨkɨ isarukikɨ: ¡ache ipukɨnunkubuñɨ!

Filemón 1:7

Saruki Filemón, taruku nipukɨnunku arukuityo nuxia iñemo tyopiki ipiate taruku nakumananaunku ɨmo makiataka, tyopiki obi, aruku ɨmoma pukɨnuñamaintyo namanaiña axɨbama ikokoromati Tupax.

1 Pedro 3:8

Au nityakɨrux, namanaiña taikiana uxia aboi aumeampatoe, aukuasɨrɨtyo aumeampatoe. Taikiana chepe napakionko ɨmo namanaiña. Taikiana uxia nausɨboriki aɨbu namanaiña.