2 Corintios 7:11 - Manityanati Tupax

¹¹ Axɨmanu nausucheki ui noñemaxti Tupax, ¡amasasatɨ kausane uixh! Uixh amontarabeka nuxia nauki amokɨma chakuñɨ. Uixh autɨborikia aupixhukaityo. Auki kaɨma auxianka amasarañɨ, autɨborikia chakuñɨ takisɨrɨti aboi maniki tyopikiche. Ui nanaiña axɨna sane apityusiankata ta champɨ kausane aboi.

Manitanati Tuparrü

¹¹ Pero arraño ausucheca isiu nirrancarrti Tuparrü ui manu nirraconomoso aume aucutanu. Uirri urriampae nausüboriqui caüma. Sane nauquiche caüma aurrianca apisamune arrüna urria. Caüma apitusiancata que champü napipünate. Churriampü aume arrümanu nomünantü. Aupirruca ñünana carrticurrü. Tarucu naurrianca amasarañü tato. Aurrianca ito apache carrticurrü ümoti naqui uiche ane manu nomünantü. Nanaiña arrüna sane bien urria. Uirri caüma tusio que champü napipünate au arrümanu sane.

2 Corintios 7:11 교차 참조

San Marcos 3:5

Auki asaratitɨ Jesús aɨbu nityɨborixhti ɨmo axɨmanuma amonkoma tyupekuti, aɨbuityo nisuchekixhti ityopiki champɨ nipukɨru nausasɨxɨma nanti ɨmoti maniki ñoñɨnx: –Aipesɨnaka ne'e. Axti maniki ñoñɨnx ipesɨnakatati, auki axɨmanu ne'esti uxiante tato.

San Juan 2:17

Auki axɨmanuma nesaxti apóstoles akionomakɨ ɨmo axɨmanu Nikorox nantɨ sane: “Taruku nichakisɨrɨkɨ ui nikuax napo iñemo.”

Hechos 17:16

Naukiche tochenkoti Pablo kɨmenuma au Atenas, taruku nisuchekixhti ityopiki astaiti akamanu axɨmanuma po'oso manaunuma ɨmo makiataka matupaka.

Romanos 11:20

Ñemanauntu, botɨsɨro tyopiki chupakokonaumpɨ, tapɨ axɨkɨ aka akamanu tyopiki nakokonaunku. Sane naukiche tapɨ onkatɨ aemoantoe, akionsɨ tyone iyoti Tupax.

Romanos 14:18

Axti naki baserebioti sane ɨmoti Cristo, uxia ɨmoti Tupax uxiaintyo ɨmo mañoñɨnka.

Romanos 3:5

Axtɨ axɨna nomɨnantɨ osoi uixh atusi nuxia ta axti Tupax besɨro ñapanaunkuxti, ¿isane usurapoboibo? ¿Chuxiampɨ ñapanaunkuxti Tupax axtɨ tɨborikoti? (Xhanityaka takana ñakionkoxɨma mañoñɨnka.)

1 Corintios 12:25

nauki axɨba nenaxi nokɨtɨpɨ tapɨ opiñanaño pese, ta yakɨna nanaiña axɨba nenaxi nokɨtɨpɨ tari umasaratɨ yutakuapatoe.

1 Corintios 5:13

Sane naukiche apikiaɨbusti abaxɨpekuki maniki chuxiampɨ nisɨborikixhti.

1 Corintios 5:2

¡Ui axɨna au napakionko champɨti kiatax amopɨrɨkɨ! ¡Abo uixh tarukupɨ nausucheki! Axti maniki ñoñɨnx sane nisɨborikixhti apipenesoti abaxɨpekuki.

2 Corintios 13:7

Someankaityo ɨmoti Tupax autaku nauki tapɨ apisamute axɨba chomixhampɨ. Axɨsomɨ chisopityusiankatapɨ ta uxia suisɨboriki au nastaxti Tupax, ta nauki axaño apisamunio axɨba omixhia, champɨ nɨmoche takana axtɨ chuxiampɨ suisɨboriki.

2 Corintios 2:6

Axɨmanu manityomokotox aboi ɨmoti maniki ñoñɨnx, chauki tuxia.

2 Corintios 6:4

Ui axɨna sane, au nanaiña sopityusiankata ta kumanakax somɨ ɨmoti Tupax, yebokasomɨ ñome suichakisɨrɨkɨ, axtɨ ane suixhantɨmo, axtɨ chichebopɨ suiñemo supanuneka,

2 Corintios 7:1

Sanente, masarukityaiki, tyoneio axɨba ensɨmunu tɨkañe oemo. Sane naukiche uiñana oñɨ pese pɨnanaki nanaiña axɨba uiche aɨro nokɨtɨpɨ au nomɨnantɨ takanaintyo nuyausɨpɨ. Aɨbu numanaunku ɨmoti Tupax uisamunena nanaiña axɨna uxia nauki besɨro nosɨboriki.

2 Corintios 7:7

Chɨtɨpɨ ui axɨna iñataiti, ta tyopiki taruku nipukɨnunkuxti autopiki. Uiti uraboiti suisukarɨ axɨna taruku nauxianka amasarasomɨ, urapoitityo suisukarɨ axɨna taruku nausucheki chakuñɨ. Ui nanaiña axɨna sane ipukɨnunka nuxia.

2 Corintios 7:9

Kaɨma ipukɨnunka. Chɨtɨpɨ tyopiki axɨmanu nausucheki uixh, ta tyopiki ui axɨmanu nausucheki abekatato esati Tupax, sane naukiche axɨsomɨ champɨ kausane soboi aume.

2 Corintios 9:2

tyopiki tɨtusiu iñemo ta auxianka apakumana ɨmoma. Sane naukiche taruku nipukɨnunku axtɨ xhanityaka aɨbuma axɨbama auki Macedonia, auki aukutanu kiatax nasɨkɨbeka axaño axɨbama auki Acaya amonkaño aɨbu napakumanaka, auki sɨrɨmanama auki Macedonia saneityo uimia ausiuki.

Efesios 4:26

Axtɨ autɨborikia, tapɨ chebo aboi apisamune nomɨnantɨ uixh, tapɨ nanaiña sapes nautɨbori,

Efesios 5:11

Tapɨ apisamute axɨna chuxiampɨ isiuki axɨbama chisuputaramapɨti Tupax, tyopiki axɨmanu isamutema champɨ nanenekiche. Axɨna uxia ta axtɨ aburapoi sukarɨma axɨna chuxiampɨ isamutema.

Filipenses 2:12

Masarukityaiki, naukiche anankañɨ abaxɨpeku, taikiana apikokota nisura. Axɨna kaɨma yaka iche amopɨnanaki apikokosoñɨ nuxia. Sane naukiche ui napanaunku ui nameanka ɨmoti Tupax, apiña nuxia nauki aye aboi axɨmanu maximikatax uiti Tupax aume.

1 Tesalonicenses 4:6

Tapɨ champɨ napanaunku tapɨ apatachemakaka ɨmoma axɨbama ikokoromati Cristo. Tyopiki tɨsuburapoi ausukarɨ uiti Yɨriabux taruku ñana nityakisɨrɨkɨxɨma axɨbama sane nisɨborikixhimia.

1 Timoteo 5:20

Axtɨ aboma abaxɨpeku mayɨriabuka sɨsioma aɨbu nipɨnatema, aikuansomokosoma sukarɨ makiataka, nauki makiataka aixhuma tapɨ isamutema takana axɨna yachɨkoimia.

2 Timoteo 2:15

Aiña nuxia narukux aemo nauki uxia nasɨboriki au nastaxti Tupax, takanati naki ane yachɨkoiti champɨ ñɨnanache akɨsoti, naki uxia ñanunekakaxti axɨba ñemanauntu omixhia manityakax.

Tito 3:8

Axɨna ta ñemanauntu, ixhanka sane nanunekaka nauki axɨbama ikokoromati Tupax tari aisamunema axɨna uxia. Axɨba sane omixhia chiyaupɨ nɨmoche ɨmo namanaiña.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Santiago 3:17

Tapɨ axɨbama ane uimia ñapanaunkuxti Tupax, chisamutempɨma axɨna chuxiampɨ ta yapachetioma uxia uimia ɨmomantoe, makokonaunxɨma, taruku ñakumananaunkuxɨma aɨbu makiataka. Taruku nipukɨruxɨma tyaku axɨbama takisɨrɨma, taikiana besɨro nisɨborikixhimia isamutema axɨna uia.

1 Pedro 1:17

Axtɨ axaño amukanaño “Iyaɨ” ɨmoti Tupax, naki astaiti nausɨboriki isiuki axɨna apisamute, champɨti naki taruku nikuaxti pɨnanakiti kiatax, apityusiaka napanaunku ɨmoti axɨna ausɨborikiaiki iku axɨna kɨx.

1 Pedro 2:2

Takana masiomanka axɨbama aɨbo aboma iku kɨx, apapache iyo nipiaɨx auki napes axɨna champɨ ane eana, nauki uixh ausunaunka sane ane maximiakatax aume,

SAN JUDAS 1:23

Aboma axɨbama apikiaɨbusuma eanaki nomɨnantɨ, apikiaɨbusuma eanaki pes, aupukɨru tyaku makiataka, amasasaityo nuxia ñɨnanama tapɨ uxia aume naibixhimia tyopiki ane yokɨtɨpɨ axɨna chuxianpɨ nisɨborikixhimia.

Apocalipsis 3:19

Axɨñɨ xhakuansomokoka xhanunekakaityo ɨmoma axɨbama kuasɨrɨma iñemo. Sane naukiche, ariaku tato esati Tupax akokonau nuxia ɨmoti.