2 Corintios 7:1 - Manityanati Tupax

¹ Sanente, masarukityaiki, tyoneio axɨba ensɨmunu tɨkañe oemo. Sane naukiche uiñana oñɨ pese pɨnanaki nanaiña axɨba uiche aɨro nokɨtɨpɨ au nomɨnantɨ takanaintyo nuyausɨpɨ. Aɨbu numanaunku ɨmoti Tupax uisamunena nanaiña axɨna uxia nauki besɨro nosɨboriki.

Manitanati Tuparrü

¹ Masaruquitaiqui, tone arrüna coñorrtai nurarrti Tuparrü oemo. Sane nauquiche uiñana oñü peese pünanaqui nomünantü, tapü uisamute isiu nirranca arrüna cürrü nocütüpü, ni aübupü nuyausüpü.

2 Corintios 7:1 교차 참조

San Mateo 12:33

“Axtɨ uxia soes, omixhia nɨtakax. Axtɨ soes chuxiampɨ, chomixhampɨ nɨtakax. Sane naukiche axɨna soes usuputakai yusiuki nɨtakax.

San Mateo 5:48

Apiña nausɨboriki isiuki axɨba omixhia, takana nisɨborikixhti naki Aubaɨ anati au napes.

San Mateo 5:8

“Taikiana chiyaupɨ nipukɨnunkuxɨma axɨbama champɨ nomɨnantɨ au nausasɨxɨma, ityopiki axɨma ñana asaramati Tupax.

Hechos 9:31

Sane naukiche axɨmanuma ikokoromati Jesús, au Judea, Galilea, ichepe Samaria, uxia uiti Tupax ɨmoma. Sɨborikoma aɨbu ñakokonaunkuxɨma ɨmoti Yɨriabux, ui noñemaxti Espíritu Santo, isumainkianɨ nububikixhimia.

Romanos 5:20

Axɨmanu bakɨpukux uiti Moisés toxio nauki aisumainkianɨ axɨmanu nomɨnantɨ. Naukiche axɨmanu nomɨnantɨ tɨsɨrɨmanax, axti Tupax ityusiankatati axɨna taruku nipukɨruxti.

1 Corintios 6:20

tyopiki axɨmanu naukɨtɨpɨ uiti Tupax iyebo tato. Sane naukiche kaɨma apiñanaunsuti Tupax aɨbu naukɨtɨpɨ.

2 Corintios 1:20

nanaiña axɨmanio ensɨmunu tɨkañe uiti Tupax aɨbuti omixhante. Sane naukiche, axtɨ makionka oñɨ ɨmoti Tupax, usukanaoñɨ “Amén” aɨbuti Cristo Jesús.

Efesios 2:3

Sane tɨkañe nosɨboriki namanaiña axoñɨ, uɨkatɨ yusiu axɨba chomixhampɨ nixhantɨmo nokɨtɨpɨ takanaintyo numapanaunku. Tyopiki axɨna sane, koñopɨtɨ oemo basuriu nutakisɨrɨkɨ uiti Tupax, takana namanaiña makiataka.

1 Tesalonicenses 3:13

Supankikiaityo pɨnanakiti Yɨriabux Jesús nauki aruku nuxia aume aɨbu napakokonaunku ɨmoti Tupax, achetityo abausasɨbo axɨna uxia champɨ nomɨnantɨ kɨtɨpɨ. Sane axtɨ kuatati tato ñana aɨbu namanaiña axɨbama Ángeles, tapɨ anati naki chuxiampɨ ñana nuraxti aukɨtɨpɨ sukarɨti Tupax. Amén.

1 Tesalonicenses 4:7

Tyopiki axti Tupax chityasurutipɨ oñɨ nauki uisamune nosɨboriki yupu nomɨnantɨ, ta nauki besɨro nosɨboriki.

1 Tesalonicenses 5:23

Tari uiti Tupax naki uiche taikiana uxia nosɨboriki, sɨsio año uiti aɨbu napaserebiki ɨmoti. Tari sɨsio año uiti champɨ nomɨnantɨ aboi, chepe axtɨ tɨkuati tato Yɨriabux Jesucristo, nauki nabausɨpɨ, naukɨtɨpɨ tapɨ butabɨko aɨbu nomɨnantɨ yokɨtɨpɨ.

Hebreos 12:23

akamanu chepema axɨbama kusɨrɨboma tɨkañe aɨtoxti Tupax axɨbama nɨrixhimia tɨkorobo au napes. Axaño amekatɨ esati Tupax, naki uiche ñana asaraiti ɨmo namanaiña, esaityo nausɨpɨxɨma axɨbama mañoñɨnka besɨro nisɨborikixhimia uiti Tupax,

Hebreos 12:28

Axɨna nɨriakaxti Tupax toxio uiti oemo, tyone axɨna chichebopɨ akaɨbu. Machampienkana ɨmoti ityobo nanaiña, manaunaintyo ɨmoti Tupax sane takana nixhankaxti.

Hebreos 4:1

Sane naukiche, axɨna ɨriotɨki atoxi oemo uiti Tupax axɨmanu nikɨxti, tari basarira nuxia tapɨ anati naki uyaxɨpekuki chiyebopɨ ñana uiti.

Hebreos 6:9

Masarukityaiki, sukanasomɨ aume axɨna sane, tusiu suiñemo ta axaño chapiñokotapɨ napakokonaunku, ta amonkatɨ nuxia ɨmoti Tupax. Tyone axɨna koñotɨ apisamune, tyopiki sane ane maximiakatax aume.

Santiago 4:8

Amekosi esati Tupax, axtityo kuatati aukɨmenu. ¡Axɨbama chuxiampɨ nausɨboriki, tapɨ abasikia apisamune axɨba nomɨnantɨ, axaño axɨbama auxianka akuasɨrɨti Tupax aume takanaintyo axɨna kɨx!

1 Pedro 1:15

Tari taikiana besɨro nausɨboriki, tyopiki axti Tupax, naki uiche aityasuruti año, ta champɨ nomɨnantɨ uiti.

1 Pedro 1:17

Axtɨ axaño amukanaño “Iyaɨ” ɨmoti Tupax, naki astaiti nausɨboriki isiuki axɨna apisamute, champɨti naki taruku nikuaxti pɨnanakiti kiatax, apityusiaka napanaunku ɨmoti axɨna ausɨborikiaiki iku axɨna kɨx.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Pedro 2:11

Masarukityaiki, apasamu nuxia iñemo, takana axɨbama auki kiatax kɨx ikɨnomakɨ ikuki axɨna kɨx, tapɨ chebo aboi ñome axɨba chuxiampɨ nauxiantɨmo tyopiki oboi autapeneka au nomɨnantɨ.

1 Pedro 5:10

Axtɨ tautakisɨrɨka ñome mantukubatai naneneka, uiti Tupax ane maximiakatax aume, apiña nuxia narukux aume. Tyonenti Tupax ui yarusɨrɨx ñakumananaunkuxti ityasuruti oñɨ basuriu axɨmanu champɨ nityakɨru nanentakax esati chepeti Jesucristo.

1 Juan 1:7

Tapɨ axtɨ nosɨboriki ane au nanentax, takanati Tupax anati au nanentax, auki kaɨma usaka chepeti, axɨmanu notoxti Jesús naki Aɨtoxti uixh sɨrɨbu nomɨnantɨ okɨtɨpɨki.

1 Juan 1:9

Tapɨ axtɨ usuraka oñɨ sukarɨti Tupax, sane oñonkatɨ ɨmoti, axti naki uxia ñapanaunkuxti, ixhimiakatati nanaiña axɨba nomɨnantɨ osoi.

1 Juan 3:3

Namanaiña axɨbama ikokotama nuxia ta uxiante ñana axɨna sane, bapacheroma nikiubuma nauki aisamunema axɨna uxia nisɨborikixhimia, takana nisɨborikixhti Cristo.