2 Corintios 6:5 - Manityanati Tupax

⁵ axtɨ ikɨbairoma somɨ, amanasomɨmpo uimia, axtɨ chɨmastakaxɨpɨ ui makiataka, axtɨ tarukapae supachɨkoi, axtɨ chɨsumpanukapɨ axtɨtyo suisɨrɨpɨka.

Manitanati Tuparrü

⁵ Bacheboma suichacu. Iñanama somü au reso. Tüborico genterrü suiñemo, arrüchopüratai uimia. Champü supacansaca ui supatrabacaca y champü sumutuburibo.

2 Corintios 6:5 교차 참조

San Mateo 14:10

Isiukai bakɨpuruti, nauki, aityɨsɨnama nityanuxti Kuan kauta anankati amanatipo.

San Mateo 14:3

Yakɨpukuxti Herodes tɨkañe nauki aiñenomati Kuan nauki aiñamanamatipo. Isamutenti sane auki naka Herodías nikɨpostoti Filipo naki yarukityoxtiatoe,

San Mateo 9:15

Aiñumuti Jesús nuraxɨma: –¿Ensapɨ aboma sucheboma axɨbama tasuru ɨmo tɨbɨbɨx, axtɨ anati naki aɨbo apoti chepema? Iñatai ñana axɨmanu nanenes auche aikianamati maniki aɨbo apoti. Akamanu kaɨma tari chɨbasopɨma.

Hechos 13:3

Naukiche chauki axɨmanu neankaxɨma, iñatama ne'esɨma ityama. Auki bakɨpuruma tato ɨmoma.

Hechos 14:19

Auki iñataimia axɨmanuma judíos auki Antioquía aukityo Iconio, tɨborikoma uimia makiataka. Auki yarurumati Pablo oboi kanka, au ñakionkoxɨma tɨkoiñoti uimia, ityononomati akɨ tyɨrɨpo axɨmanu tube.

Hechos 14:23

Sɨromaintyo uimia mayɨriabuka kauta aboma axɨbama ikokoromati Jesús, naukiche tɨtakɨrusu axɨmanu neankaxɨma mankioma tyakuma pɨnanakiti Yɨriabux naki ɨmoche akokonauma.

Hechos 17:5

Tapɨ axɨmanuma judíos chikokotapɨma ɨnantɨ ɨmoma, oberabarama uimia axɨmanuma champɨ niyachɨkoimia, makusɨpɨka, mayatabayoka nauki chɨtamampatai uimia sukarɨ makiataka. Auki sɨromatɨ au nipoxti Jasón, yapachekixhimia iyoti Pablo xhanxɨma aiñenomati nauki aɨromatɨ aɨbuma esa mayɨriabuka,

Hechos 20:31

Sane naukiche amasasatɨ nuxia autakuapatoe. Apakionsaño anankañɨ abaxɨpeku trex naskɨbeka, aɨbu nixhanunekaka taikiana ɨmoti taman aɨbu nisareo au tobixh au sapes.

Hechos 23:10

Ui axɨna tɨnamanañantai uratokioma ɨmomantoe, axti maniki ɨriatu masortaboka bixhubuti tyakuti Pablo tapɨ iñaxioti uimia, bakɨpuruti ɨmo masortaboka, nauki aikiaɨburumati Pablo aukimanu axɨpekukimia, tari yɨrakamatɨ aɨbuti tatityo au nipo masortaboka.

Hechos 23:35

nanti ɨmoti: –Ñonsapetio nura axtɨ kuamatɨ axɨmanuma uiche urabomakɨ. Auki bakɨpuruti nauki asaramatɨ tyakuti au axɨmanu pox nipo nɨriakaxti yɨriabux Herodes.

Hechos 24:27

Tomenotɨ tox naskɨbeka, sɨroti ityoboti Félix axti Porcio Festo. Tyopiki axti Félix xhanxti uxia ui axɨbama judíos ɨmoti, chɨtaesɨburutipɨ Pablo uiti.

Hechos 26:10

Sane sobi tɨkañe au Jerusalén. Ui yakɨpukuxɨma axɨbama ɨriatu axɨbama sacerdotes, amanamampo sobi sɨrɨmanama axɨbama ikokoromati Jesús. Axtɨ koiñoma uimia uxia au nixhakionko.

Hechos 26:29

Nanti Pablo: –Tari ui ñoñemaxti Tupax tari konto ñana o ta'aiki pariu tapɨ axɨkɨatai yarusɨrɨx yɨriabux namanañaintyo axɨbama aboma auna onsapetioma nisura, tari apisamune takana axɨñɨ nauki apikokoroti Jesús, chixhankapɨ nauki automoenka ui karenax.

Hechos 28:30

Axti Pablo sɨsioti ñome tox nasɨkɨbeka au taman pox iyebo uiti, akamanu kontoti kɨmenu axɨbama sɨromatɨ esati.

Hechos 5:18

sane naukiche bakɨpuruma atomoema auki amanamampo uimia.

1 Corintios 15:10

Ui nipukɨruxti Tupax chakuñɨ sane axɨna niyaka. Axɨmanu nipukɨruxti saɨbuñɨ chɨmunataipɨ, axɨñɨ sɨrɨmana axɨba niyachɨkoi omixhante sobi pɨnanakimia. Chɨsobiatoipɨ ta ui noñemaxti Tupax.

1 Corintios 4:11

Kaɨmainki suichakisɨrɨka ui suisɨrɨpɨ, ui suichosɨ champɨ sɨrobo suisɨtɨpɨ. Okɨsioma suiñemo, champɨ suipo.

1 Corintios 7:5

Sane naukiche, tari apityoximiasaño aumeampatoe, tapɨ axtɨ chepe napakionko apiñanaño pese amopɨnanakiapatoe ñome mantukubatai naneneka nauki tyone napachɨkoi meankax. Iyau axɨmanio naneneka chepe tatityo nabaka. Tapɨ aboiyapatoe autapeneka uiti chobores au nomɨnantɨ.

2 Corintios 11:27

Taruku nichakisɨrɨkɨ kuata niyachɨkoi. Ane auche chixhanukapɨ. Ichakisɨrɨka ui nisɨrɨpɨ uityo nichosɨ. Ane auche chixhakapɨ. Ichakisɨrɨka ui xhimianene tyopiki champɨ sɨrobo sɨtɨpɨñɨ.

Efesios 3:1

Tyopiki axɨna sane, axɨñɨ Pablo, yaka auna amanañɨmpo tyopiki yaserebikia ɨmoti Cristo Jesús nauki uxia nausɨboriki axɨbama chɨtɨpɨ judíos.

Filipenses 1:13

Namanaiña axɨmanuma asaramatɨ tyaku nipo mayɨriabuka, takanaintyo makiataka tusiu ɨmoma yaka auna amanañɨmpo ta tyopiki yaserebikia ɨmoti Cristo.

1 Tesalonicenses 2:9

Masarukityaiki, axaño apakionkaño kausane suichakisɨrɨka kuata supachɨkoi nauki aye soboi sumutuburibo. Champɨ nityochenki supachɨkoi au sapes takana au tobixh, nauki tapɨ subasikia supanki amopɨnanaki naukiche supanunekaka aume axɨba omixhia nuraxti Tupax.

1 Timoteo 4:10

Tyopiki axɨna sane uiñata nuxia narukux oemo bapachekaityo nikiubu oñɨ, tyopiki oñonkatɨ ɨmoti Tupax, tyonenti naki uiche ane maximiakatax ɨmo namanaiña, ɨmomampae axɨbama ikokoromati.

2 Timoteo 1:8

Sane naukiche, tapɨ akɨsoka uraboi nɨrixhti naki Yɨriabux oemo. Tapɨ akɨsokaityo chopikiñɨ, axɨna yaka auna amanañɨmpo tyopikiti. Ta asusiu natakisɨrɨkɨ yotopiki axɨba omixhia manityakax ui noñemaxti Tupax.

2 Timoteo 2:9

Yotopiki axɨba omixhia manityakax yaka aɨbu nichakisɨrɨkɨ, yaka ichomoenka ui karenax takanati yatabayox. Tapɨ axɨna nuraxti Tupax chɨtomoenopɨ ui karenax.

2 Timoteo 4:5

Axɨkɨ asasatɨ nuxia tyaku axɨna besɨro napanaunku, tari aruku nantax aemo aɨbu natakisɨrɨkɨ, sɨsiokɨ aɨbu nanunekaka axɨba omixhia manityakax, aisamuse nuxia axɨna nachɨkoi.

Hebreos 11:36

Aboma axɨbama taruku nunkuxɨma ɨmoma, kɨborioma uimia, amanamampo tomoenoma ui karenax uimia.

Hebreos 13:17

Apakokonau ɨmoma axɨbama mayɨriabuka aume, tyopiki axɨma taikiana asaramatɨ autaku, tusiuityo ɨmoma ta axti Tupax astaiti ñana axɨna isamutema. Apapache nikiubu año apisamune nanaiña axɨna uxia ɨmoma, tyopiki axtɨ chɨsanempɨ aboi nanaiña champɨ nanenekiche aume.

Hebreos 13:23

Ixhanka suraboi ausukarɨ axti usaruki Timoteo chauki tɨtaesɨburuti, axtɨ konto aiñanainti, sɨrotitɨ chepeñɨ axtɨ tiyɨkatɨ tanu yasaraño.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.