2 Corintios 6:4 - Manityanati Tupax

⁴ Ui axɨna sane, au nanaiña sopityusiankata ta kumanakax somɨ ɨmoti Tupax, yebokasomɨ ñome suichakisɨrɨkɨ, axtɨ ane suixhantɨmo, axtɨ chichebopɨ suiñemo supanuneka,

Manitanati Tuparrü

⁴ Ui arrüna sane urria suisüboriqui, tusio que supaserebiquia ümoti. Supasamuca tairri ñome aruqui nanaiñantai suichaquisürücü.

2 Corintios 6:4 교차 참조

San Lucas 21:19

¡Apiña nuxia narukux aume, nauki tapɨ autapeneka!

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

Hechos 2:22

“Amonsapesio nuxia nisura, axɨbama auki Israel axɨna ixhanka sukanañɨ kaɨma aume: Axaño tɨtusiu nuxia aume, ityusiankatati Tupax ausukarɨ nɨriakaxti Jesús auki Nazaret, auki nakaxti omixhante uiti axɨba champɨ tubastai.

Hechos 20:34

Axaño tusiu aume, nanaiña axɨba nixhantɨmo takanaintyo nixhantɨmoma axɨbama amonkoma ichepeñɨ, oboi axɨba niñee iyebo sobi.

Hechos 9:16

tyopiki axɨñɨ ityusiankata sukarɨti taruku nityakisɨrɨkɨxti ñana ichopikiñɨ.

Romanos 14:18

Axti naki baserebioti sane ɨmoti Cristo, uxia ɨmoti Tupax uxiaintyo ɨmo mañoñɨnka.

Romanos 16:10

Aburasoi nixhakionko ɨmoti Apeles, axti naki sɨroti au sɨrɨmana makokotoka ityopiki axɨna ikokoroti Cristo. Ɨmointyo axɨbama aɨtoxti nikɨpostoti Aristóbulo.

Romanos 3:5

Axtɨ axɨna nomɨnantɨ osoi uixh atusi nuxia ta axti Tupax besɨro ñapanaunkuxti, ¿isane usurapoboibo? ¿Chuxiampɨ ñapanaunkuxti Tupax axtɨ tɨborikoti? (Xhanityaka takana ñakionkoxɨma mañoñɨnka.)

Romanos 5:8

Axti Tupax ityusiankatati axɨna taruku nukuasɨrɨkɨ ɨmoti, naukiche tɨkañe taruku nomɨnantɨ osoi axti Cristo koiñoti otopiki.

1 Corintios 3:5

¿Isane nakaxti Apolo?, ¿isane nakaxti Pablo? Axɨbamantai baserebioma, uimia axaño apikokokati Tupax. Chepe somɨ sopisamute supachɨkoi axɨna toxio suiñemo sopisamune uiti Yɨriabux:

1 Corintios 4:1

Axaño amukanaño suiñemo takanantai axɨbama supaserebikia ɨmoti Cristo, bakɨpukux suiñemo supanuneka noñemaxti Tupax axɨba umanekana uiti.

1 Corintios 9:11

Sane axɨsomɨ axtɨ supankakɨtu nuraxti Tupax au nabausasɨ, ¿chɨtarukupɨpae axɨna supankikia amopɨnanaki sumutuburibo?

2 Corintios 11:23

¿Tyonema axɨbama baserebioma ɨmoti Cristo? Axɨñɨ taruku nisɨriaka pɨnanakimia, ui axɨna sukanañɨ sane xhanityaka takanati naki tasusu. Axɨñɨ xhanunekaka nuxia pɨnanakimia, taikiana aiñamanamañɨmpo, tapɨ axɨma champɨ, taikiana aikɨbairomañɨ, tapɨ axɨma champɨ, taikianaintyo iñañekaka aityabairomañɨ.

2 Corintios 11:27

Taruku nichakisɨrɨkɨ kuata niyachɨkoi. Ane auche chixhanukapɨ. Ichakisɨrɨka ui nisɨrɨpɨ uityo nichosɨ. Ane auche chixhakapɨ. Ichakisɨrɨka ui xhimianene tyopiki champɨ sɨrobo sɨtɨpɨñɨ.

2 Corintios 11:9

Naukiche anankañɨ abaxɨpeku chixhankikiapɨ amopɨnanaki axtɨ champɨ iñemo axɨna nixhantɨmo. Tyopiki axɨbama usarukityaiki auki Macedonia naukiche iñataimia toxio uimia iñemo axɨna champɨ sobi.

2 Corintios 12:10

Ipukɨnunkaityo ui axɨna champɨ narukux iñemo, axɨna unumañɨ, sɨrɨmanatai nixhantɨmo, axɨna abomantai isiuñɨ axɨbaityo chɨtamampatai chomixhampɨ tyopikiti Cristo, tyopiki axtɨ chisusɨukapɨ ñonkisio taruku nisusɨu.

2 Corintios 12:12

Axɨmanio taruku nichakisɨrɨkɨ yasutiu aɨbu nipukɨnunku, axɨmanio champɨ tastaimia, mutusiankana ausukarɨ, oboi atusi ta ñemanauntu yaka isiuti Jesús.

2 Corintios 2:17

Axɨsomɨ chɨsomekapɨtɨ tanu supakobɨra ityobo nuraxti Tupax, takana isamutema makiataka. Chɨsanempɨ, supanityaka axɨna ñemanauntu sukarɨti Tupax, ui yakɨpukuxti suiñemo supanuneka aɨbuti Cristo.

2 Corintios 3:6

uiti aiñununekanati somɨ nauki supaserebi ɨmo axɨmanu aɨbo tratox, chɨtɨpɨ isiuki axɨmanu bakɨpukux, ta ui noñemaxti Espíritu Santo, axɨmanu bakɨpukux otoxikia uixh ɨmo nokonko tapɨti nesaxti Espíritu Tupax osɨborikia uixh.

2 Corintios 4:17

Axɨna nutakisɨrɨkɨ iku axɨna kɨx chɨsɨsiopɨ ñana, konto sɨrotɨ. Ityobo kuatɨ uixh oemo yarusɨrɨx upukɨnunkubu axɨna champɨ nityakɨrux.

2 Corintios 4:2

Sopiñokota axɨmanu tɨkañe nanaiña anekanatai soboi, takana axtɨ suisɨsoka. Chɨsupatachemakakapɨ chɨkiataxɨpityo supanunekaka nuraxti Tupax. Axɨsomɨ supanunekaka axɨna ñemanauntu, sane sopityoximiata ɨmo namanaiña takanaintyo ɨmoti Tupax nanaiña axɨna sopisamute.

2 Corintios 4:8

Sane, champɨ nɨmoche axtɨ sɨrɨmana axɨba chomixhampɨ, chubasiapɨ aɨbu. Sɨrɨmanatai chɨrɨri abe uyaxɨpeku, tapɨ usucheka oboi.

2 Corintios 7:11

Axɨmanu nausucheki ui noñemaxti Tupax, ¡amasasatɨ kausane uixh! Uixh amontarabeka nuxia nauki amokɨma chakuñɨ. Uixh autɨborikia aupixhukaityo. Auki kaɨma auxianka amasarañɨ, autɨborikia chakuñɨ takisɨrɨti aboi maniki tyopikiche. Ui nanaiña axɨna sane apityusiankata ta champɨ kausane aboi.

Colosenses 1:11

Supankikia tari axti, aɨbu yarusɨrɨx nɨriakaxti, aruku nuxia aume, sane apasutiu nautakisɨrɨkɨ aɨbu naupukɨnunku

Colosenses 1:24

Kaɨma ipukɨnunka ui axɨna nichakisɨrɨkɨ autaku, tyopiki sane iñatai tyakɨru ui nisɨtɨpɨ nityakisɨrɨkɨ nikɨtɨpɨxti Cristo, tyopiki axɨbama ikokoromati.

1 Tesalonicenses 3:7

Sane naukiche masarukityaiki, axtɨ abe sɨrɨmana axɨba oboiche utakisɨrɨka, suipukɨnunka axɨna tusiu suiñemo taruku napakokonaunku ɨmoti Tupax.

1 Tesalonicenses 5:14

Apasamuintyo nuxia suiñemo masarukityaiki, apikuansomokosoma axɨbama chixhanxɨpɨma ane yachɨkoimia. Tapɨ axɨbama apekiatai ñakokonaunkuxɨma amukanaño ɨmoma tari aruku ɨmoma, apiñununekasama axɨbama chikokoropɨmati nuxia Yɨriabux Jesús, apasamunau aɨbu namanaiña.

1 Timoteo 2:15

Axɨba paɨka ane maximiakatax ñome axtɨ ane niñupaɨmakax, axtɨ omonkotɨ ɨmoti Jesucristo, axtɨ pakumananaunx ɨmo makiataka axtɨ besɨro niyosɨborikixh.

1 Timoteo 4:6

Anuneka axɨba sane ɨmoma axɨbama ikokoromati Jesús, sane ñemanauntu uxia naserebiki ɨmoti Cristo Jesús, axti naki baserebioti tyone niyarataxti axɨba omixha manityakax ui ñakokonaunkuxti axɨmanu manunekatax sɨrotitɨ isiu.

1 Timoteo 6:11

Tapɨ axɨkɨ Timoteo, aserebikia ɨmoti Tupax. Sane naukiche akosi iche ñopɨnanaki nomɨnantɨ. Aiña nuxia nauki akokonaunka ɨmoti Tupax. Taikiana besɨro nasɨboriki, akuasɨrɨma aemo axɨbama ikokoromati Jesús. Axtɨ abe axɨba chɨtamampatai aemo, tapɨ aikɨsabukɨatai apukɨnunau tyaku makiataka.

2 Timoteo 1:8

Sane naukiche, tapɨ akɨsoka uraboi nɨrixhti naki Yɨriabux oemo. Tapɨ akɨsokaityo chopikiñɨ, axɨna yaka auna amanañɨmpo tyopikiti. Ta asusiu natakisɨrɨkɨ yotopiki axɨba omixhia manityakax ui noñemaxti Tupax.

2 Timoteo 2:24

Axti naki baserebioti ɨmoti Tupax, chuxiampɨ asioti kuata chɨrɨri. Tari makumananaunxti aɨbu namanaiña. Tari aipiati anunekati, tapɨ bapatayotiatai aɨbu makiataka

2 Timoteo 4:5

Axɨkɨ asasatɨ nuxia tyaku axɨna besɨro napanaunku, tari aruku nantax aemo aɨbu natakisɨrɨkɨ, sɨsiokɨ aɨbu nanunekaka axɨba omixhia manityakax, aisamuse nuxia axɨna nachɨkoi.

Hebreos 12:1

Sane naukiche, axoñɨ aboma auna uyaxɨpeku sɨrɨmanama axɨbama ityusiankatama ñakokonaunkuxɨma, sane naukiche uiñokoniona nanaiña axɨba uiche chichebopɨ nauki uikokoroti Tupax. Tyopiki axɨna nosɨboriki tyone takana barukux, tapɨ axɨna nomɨnantɨ tyone axɨna uiche chichebopɨ uxia barukux.

Apocalipsis 1:9

Axɨñɨ Kuan, isaruki año isiukiti Cristo, tyopiki axaño takana axɨñɨ oñonkatɨ ɨmoti. Ui axɨna ñonkatɨ ɨmoti, iyebo ñana sobi axɨmanu nanentakax esati Tupax takana axaño, ichakisɨrɨka nauki tapɨ ichapeneka oboi. Tyopiki surapoi nuraxti Tupax xhanityakaityo kɨtɨpɨti Jesucristo ikɨpurumañɨ au axɨmanu kɨx ane tux tyupeku nɨrixh Patmos.

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.