2 Corintios 5:21 - Manityanati Tupax

²¹ Axti Cristo champɨ nomɨnantɨ isamutenti. Ta otopiki, axti Tupax iñanati au nomɨnantɨ osoi, nauki uxia nusaka au nastaxti Tupax tyopikiti Cristo.

Manitanati Tuparrü

²¹ Arrti Cristo champü isane nomünantü uiti. Pero arrti carrticaboti itobo nanaiña arrüba nomünantü osoi. Sane nauqui urria nusaca au narrtarrti Tuparrü.

2 Corintios 5:21 교차 참조

San Lucas 1:35

Aiñumuti maniki ángel: –Axti Espíritu Santo kuatati ñana akɨtɨpɨkɨ, axɨna nɨriakaxti Tupax auki ape kuatɨ ñana sɨro akɨtɨpɨkɨ. Sane naukiche, anati ñana iku kɨx maniki simia nɨrixhti ñana Aɨtoxti Tupax naki champɨ nomɨnantɨ uiti.

Hechos 3:14

Abo apankitiopɨ nauki ataesɨbuti naki champɨ nipɨnatenti, tapɨ axaño apankitio nauki ataesɨbuti maniki yatabayox.

Romanos 1:17

Oboi axɨmanio omixhia manityakax ityusiankatati Tupax usukarɨ kausane besɨro nosɨboriki. Sane nantɨ iku Nikorox: “Axti naki uxia nisɨborikixhti ui ñakokonaunkuxti iyebo uiti isɨborikiboti axɨna champɨ nityakɨrux.”

Romanos 4:25

axti naki koiñoti ityopiki nomɨnantɨ osoi sɨborikoti tato nauki ane maximiakatax ñome axɨba nomɨnantɨ osoi.

Romanos 5:19

Sane takana ui axɨna niñatompɨkakaxti tamanti ñoñɨnx, sɨrɨmanama axɨbama tapenekoma au nomɨnantɨ. Saneityo takana ui ñakokonaunkuxti tamanti ñoñɨnx, sɨrɨmanama ñana axɨbama uxia nisɨborikixhimia.

1 Corintios 1:30

Uitiatoe Tupax abaka chepeti Cristo Jesús, uitityo Cristo tyonenti axɨna nuipiaka, axɨnaintyo uxia numapanaunku, uitityo ukurusɨka uitityo ane maximiakatax oemo.

2 Corintios 5:17

Saneityo axtɨ anati naki anati aɨbuti Cristo tyonenti naki aɨbo nisunaunxti. Axɨba tɨnanankax chauki tomenotɨ. Nanaiña opisamunaño iyebo tato.

Gálatas 3:13

Uiti Cristo ane maximiakatax oemo pɨnanaki axɨmanu mapauxamakax ui bakɨpukux, otopiki isamunɨ mapauxamakax, tyopiki axɨmanu Nikorox nantɨ: “Champɨti uxia uiti ɨmoti naki koiñoti kɨtɨpɨ kurusɨx.”

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

Filipenses 3:9

Chɨtɨpɨ ui axɨna uxia isamute isiuki axɨmanu bakɨpukux, ta tyopiki axɨmanu ikokokati Cristo, axɨna toxio uiti Tupax uxia nosɨboriki isiuki nixhakokonaunku.

Hebreos 4:15

Tyopiki axti maniki Yɨriabux sacerdote oemo pukɨrusuti utaku tyopiki charukupɨ oemo, tyopiki omenointyo ɨmoti axɨmanio makokotoka omeno oemo. Ta axti Jesús chisamutentipɨ axɨba nomɨnantɨ.

Hebreos 7:26

Axti Jesús tyonenti yɨriabuxti ɨmoma axɨbama sacerdotes axti naki taruku nɨmocheti osoi tɨkañe. Samamekanati, champɨ nomɨnantɨ uiti, sɨroti pese pɨnanakimia axɨbama isamutema nomɨnantɨ sɨroti petaisɨrɨ pɨrɨkɨ napes.

1 Pedro 3:18

Tyopiki axti Cristo tamantai nikonkoxti yotopiki nomɨnantɨ osoi. Axti champɨ nipɨnatenti, yasutiuti nityakisɨrɨkɨxti tyakuma axɨbama chuxiampɨ nisɨborikixhimia, nauki amekatɨ uiti esati Tupax. Koiñoti aɨbu kɨx nikɨtɨpɨxti. Sɨborikoti tato aɨbu nausɨpɨxti,

1 Juan 3:5

Axaño tɨtusiu aume axti Jesucristo kuatati iku kɨx tɨkañe nauki aikiaɨbuti nomɨnantɨ, champɨ nomɨnantɨ uiti.