2 Corintios 5:12 - Manityanati Tupax

¹² Chɨsupanityakapɨ axɨna uxia suisɨtɨpɨatoe tatityo, ta suixhanka nauki axaño aupukɨnunka suichopiki, nauki ane uiche tarruku naupukɨnunku suichopiki nauki apiñumu nuraxɨma axɨbama onkomatɨ ɨmomantoe axɨna chiñemanauntupɨ ane au nausasɨxɨma.

Manitanati Tuparrü

¹² Ui arrüna sane subura chüsuirrancapü supanita tatito suichacuapatoe. Pero suirranca te suburaboi ausucarü arrüna uiche puerurrü aupucünu suisaübu. Uirri caüma puerurrü apiñumu nura bama tarucu nivianucurrüma aübu ñanitacarrüma y aübu nanaiña arrüna amarrtai apüma, abu champü nümoche uimia arrtü urria nacarrüma au narrtarrti Tuparrü.

2 Corintios 5:12 교차 참조

2 Corintios 1:14

tyopiki ane axɨna kauta chauki tɨtusiu aume axɨna suisɨboriki, axtɨ tɨkuatati tato Yɨriabux Jesús axaño aupukɨnunka suichopiki takanaintyo axɨsomɨ suipukɨnunka autopiki.

2 Corintios 10:12

Ñemanauntu tapɨ uichepekaka oñɨ aɨbu axɨmanuma onkomatɨ ɨmomantoe. Axɨma ane nipɨnatema ui axɨna ichepekatama ñapanaunkuxɨma aɨbu makiataka.

2 Corintios 10:18

Tyopiki axti naki ñoñɨnx uxia nisɨborikixhti au nastaxti Tupax, chityonentipɨ naki onkotitɨ ɨmotiatoe, ta axti naki uxia nisɨborikixhti au nastaxti Tupax.

2 Corintios 10:7

Amasasai axɨna ñemanauntu. Axtɨ anati naki nanti ñemanauntu ta ikokoroti Cristo, axɨsomɨntyo sopikokokati Cristo.

2 Corintios 10:8

Aninki kiatax axɨna ixhanka suraboi kɨtɨpɨ axɨna suisɨriaka, champɨ tyopikiche isɨso. Tyopiki axti Yɨriabux ityoximiatati sobɨriakabo nauki uxia nisɨborikixhimia namanaiña axɨbama ikokoromati Jesús chɨtɨpɨ nauki sopiñamesoko.

2 Corintios 12:11

Xhanityaka takanati naki chuxiampɨ nityanuxti, tyopiki axaño sane nauxianka nauki isamune. Tyopiki axañopɨ tyonemampɨ axɨbama uxia napanityaka sɨtɨpɨñɨ, tyopiki axɨñɨ isiuityo niyaka takana axɨmanuma taruku nipiakaxɨma axɨmanuma amonkoma tɨkañe isiuti Yɨriabux Jesús.

2 Corintios 3:1

Axtɨ supanityaka sane, ¿aume takana axtɨ uxia supanityaka tatityo suiñemoantoe? ¿Ensapɨ sopityusiankata ausukarɨ o supankikia amopɨnanaki kichonimiakax takana axɨna isamutema makiataka?

2 Corintios 6:4

Ui axɨna sane, au nanaiña sopityusiankata ta kumanakax somɨ ɨmoti Tupax, yebokasomɨ ñome suichakisɨrɨkɨ, axtɨ ane suixhantɨmo, axtɨ chichebopɨ suiñemo supanuneka,

Filipenses 1:26

Sane axtɨ yaka tatityo auchepe, sobi iñata uɨbo napakokonaunku sane taruku naupukɨnunku aɨbuti Cristo Jesús.